เอเซเคียน 41:1 - ้พระคัมภีร์ละว้า

¹ ฟวยจ เซ ปรเมะ เซ ตาว แม อาึ ฮอยจ นึง โตะ ฮอง ซัมคัน ป ไก บั่กบ่วน วิฮัน เซ. ปุย เซ เตะ แนต โรฮ คระ เลียก ปุย ละ ฮอง เซ, ลวง โด่ะ อื ไก แลฮ รเนฮ.

เอเซเคียน 41:1 ပူးပေါင်းရင်းမြစ်များ

1 กซัต 6:1

เญือม ยุฮ โรง กซัต ซาโลมอน วิฮัน ยุฮ พะจาว เซ, เญือม เซ ปุก เนอึม ปาวน นึง กัน โฮลฮ อื แปน กซัต เซ. ปุก เคิ ลอา ป อัฮ โม ฮีบรู เคิ ซิป ไม่. เน่อึม เญือม โอก โรง โม อิซราเอน ฮา เมือง อียิป ฮอยจ ละ เญือม ยุฮ โรง อื วิฮัน เซ, ไก ปาวน รอย ไปล รเตะ เนอึม.

1 กซัต 6:2

ฮอง อาวต กไน วิฮัน เซ ลั่ง ลแฆลฮ รเนฮ. เวือฮ ง่า รเนฮ. ฮลาวง ง่วย รเนฮ.

เอเซเคียน 40:17

ฟวยจ เซ ปรเมะ เซ ตาว แม อาึ ฮอยจ ละ โปน แตะ โตะ รเวือะ ระ ป เลียก ละ ควง เซ. อาึ ยุ ไก ฮอง นึง ง่วย ฮอง, ติต เอิน ไม่ ฆรุง วิฮัน เซ ลวง กไน อื. ลั่กกา ฮอง โม เซ เยอ ตุม แม ปุย ซโมะ แพน นึง ปอ รวิต อื ควง เซ. ป มัฮ ควง ก พริ วิฮัน เซ เตียม ฮา ควง ลวง กไน อื.

เอเซเคียน 41:21

ป มัฮ ด่อง นึง โตะ รเวือะ ฮอง ซัมคัน นึง อื เซ เลียม พัต โมน. นึง ลั่กกา ฮอง ซัมคัน เซ ไก แม ป ตอก คัน ทไว นึง แม, ยุฮ โรฮ ปุย นึง โคะ โรฮ. ฮลาวง ลอวย รเนฮ, ลั่ง ลอา รเนฮ, เวือฮ แม โรฮ ลอา รเนฮ. ป มัฮ ด่อง นึง โจง อื ไม่ ทัน อื ฮอยจ ละ เดีญ อื มัฮ ตื ป ยุฮ ปุย นึง โคะ ตื เอิน. เญือม เซ ปรเมะ เซ อัฮ เฮี ละ อาึ, “เฮี มัฮ โตะ ป โบลวง ปุย ซองนา พะจาว,” อัฮ เซ เนิ.

เอเซเคียน 41:23

ป มัฮ โตะ รเวือะ เลียก ละ ฮอง ซัมคัน ไม่ โตะ รเวือะ เลียก ละ ฮอง ตึก นึง ซัมคัน แตะ เซ มัฮ รเวือะ ลอา บั่น เตือง ลอา โดฮ อื.

เอเซเคียน 41:3

ฟวยจ เซ ปุย เซ เลียก แม โรฮ ฮอยจ นึง โตะ ฮอง คัก กไน นึง อื. แนต แม โรฮ คระ เลียก ปุย นึง อื เซ โด่ะ ลอา รเนฮ, เวือฮ แลฮ รเนฮ. ป มัฮ เดีญ ฮอง คระ เลียก ปุย นึง อื เซ ปู ติ ก บลัฮ อาแลฮ รเนฮ.

เอเซเคียน 42:1

ฟวยจ เซ ปรเมะ เซ ตาว แม อาึ โอก นึง ควง ก พริ วิฮัน เซ ลวง ลั่กล่าวง นึง อื. ตาว แม อาึ ฮอยจ ละ ตึก ติ ลัง. ตึก เซ ซไง โตว ฮา ตึก ป อาวต นึง ควง วิฮัน ลวง ลั่ก เลียก ซเงะ นึง อื เซ.

1 เปโตร 2:5

โม เปะ มัฮ โรฮ เปอะ ตอก ซโมะ ไก จีวิต นึง โรฮ. ไมจ เปอะ เอีญ เคะ พะโองจาว เกือฮ โฮลฮ รโจะ โก โม เปะ เกือฮ แปน วิฮัน อาวต ลปุ พะจาว นึง. โม เปะ ซ โฮลฮ เปอะ แปน ซตุ ซง่ะ ซงอม ละ ซ ทไว แตะ โอเอีฮ ป เกว ไม่ รพาวม รโม่ยฮ แตะ, ตอก ปุก อื รพาวม พะจาว เบือ พะเยซูคริต.

รโฮงะ 21:15

เตปด่า ป อู ไม่ อาึ เซ ไก โคะ รแนต ไคร ยุฮ ละ ซ แนต อื เวียง เซ นึง, ไม่ รเวือะ อื ไม่ ฆรุง อื.

รโฮงะ 21:3

อาึ ฮมอง ลเลาะ ระ เซียง โอก เน่อึม ก งาวม คึ เซ, อัฮ เฮี, “ปเลี่ย เฮี พะจาว เอีจ ฮอยจ อาวต ไม่ ปุย. เอีจ เกือฮ ติ แตะ อาวต ดิ ไม่ อื. โม เซ ซ แปน ปุย ไน อื. พะจาว ซ อาวต ลลาึง อื. ซ แปน พะจาว ยุฮ อื.

รโฮงะ 3:12

โม ป เป ป โอ ไมจ เจอ อาึ ซ เกือฮ แปน ด่อง วิฮัน ยุฮ พะจาว ยุฮ แตะ. ปุย โม เซ เญาะ ซ โอก โตว ฮา วิฮัน เซ เฟือฮ เอิน. อาึ ซ ไซฮ อาึง มอยฮ พะจาว ยุฮ แตะ ไม่ มอยฮ เวียง ยุฮ พะจาว ยุฮ แตะ นึง โกะ อื. เอีจ มัฮ มอยฮ เวียง เยรูซาเลม โคระ ป ซ เกือฮ พะจาว ยุฮ อาึ เลีฮ เน่อึม เมือง มะลอง. อาึ ซ ไซฮ อาึง มอยฮ โคระ แตะ นึง ปุย โม เซ โรฮ.