เอเซเคียน 3:12 - ้พระคัมภีร์ละว้า

¹² ฟวยจ เซ ลปุ พะจาว เยอ ยวก อาึ. เญือม เซ อาึ ฮมอง ลอยฮ โอเอีฮ เน่อึม ลวง ลั่กเคะ แตะ. ลอยฮ ซนัน เอิน อัฮ เฮี, “ปัว รัง ซเปีย คึนัก อาวต ไม่ พะจาว นึง บั่นเมือง มะลอง,” อัฮ เซ.

เอเซเคียน 3:12 ပူးပေါင်းရင်းမြစ်များ

1 กซัต 18:12

เญือม เอีจ โฮว อาึ ฮา เปอะ ลปุ พะจาว ตึน ซ โรวก ปะ ฮอยจ ก ไฮญ ยุ่ง. ดัฮ อาึ รโฮงะ ละ อาฮัป, ดัฮ โอ ยุ เนอึม ปะ โฮ, แจง ซ ยุฮ อื ยุม ไม่ อาึ ฆาื อื. ปัว เปอะ ไตม มัฮ อาึ ป นัปทื พะจาว เน่อึม เญือม มัฮ ลั่ง แตะ กวนดุ.

2 กซัต 2:16

อัฮ เฮี ละ อื, “ไน โม เอะ ป มัฮ กวนไจ ยุฮ เปอะ ไก รฮอน ปุย ป ระ เรียง ระ แด่น นึง อื. เกือฮ โม เซ โฮว ซาวป ปอคู ยุฮ เปอะ. เมอ เตือง อื ลปุ พะจาว เอีจ ตุย โรวก อื ไม่ ละ อื อาึง โตะ โลก ตัม ฆุง ติ โดฮ ยุ่ง,” อัฮ เซ ละ อื. เอลีชา โลยฮ อื, “ปุ เกือฮ โฮว,” อัฮ เซ.

ลืลาว 148:2

โม เปะ ป มัฮ เตปด่า ยุฮ อื เตือง โอยจ เปอะ, ไมจ เปอะ ลืลาว พะจาว. โม เปะ ป มัฮ ตฮัน มะลอง เงอ, ไมจ เปอะ ลืลาว พะจาว เตือง โอยจ เปอะ.

ลืลาว 26:8

โอ พะจาว, อาึ ฮรัก เนอึม วิฮัน ป มัฮ นา ก อาวต ปะ เซ, มัฮ นา ก เปลีฮ เปอะ โญตซัก ไม่ รัง ซเปีย คึนัก ยุฮ แตะ ละ ปุย.

อิซยา 6:3

เตปด่า โม เซ อัฮ อื ละ ปุ แตะ ตอก เฮี, “พะจาว ป กุม ตฮัน มะลอง มัฮ ป ซง่ะ ซงอม. มัฮ ป ซง่ะ ซงอม. มัฮ ป ซง่ะ ซงอม. ปลัฮเตะ เตือง โอยจ อื เอีจ นาวก นึง รัง ซเปีย ยุฮ อื,” อัฮ เซ ละ ปุ แตะ.

เอเซเคียน 10:4

เญือม เซ รัง ซเปีย คึนัก ยุฮ พะจาว เยอ, ฮาวก ฮา โม เตปด่า ไก โพรยจ เซ, ลอต โอก นึง คระ โตะ รเวือะ วิฮัน เซ. ชุต รวู เยอ เลีฮ เลอึป เอิน โรฮ วิฮัน ยุฮ พะจาว เซ ปอ ไฆลป เอิน อื. นึง ควง วิฮัน เซ นาวก เอิน โรฮ นึง รัง ซเปีย คึนัก ยุฮ พะจาว เซ.

เอเซเคียน 11:1

ฟวยจ เซ ลปุ พะจาว ยวก แม ตาว อาึ ฮอยจ นึง โตะ รเวือะ วิฮัน ยุฮ พะจาว ลวง ลั่ก โอก ซเงะ นึง อื. เญือม เซ อาึ ยุ โม ปรเมะ ง่า โรฮ พอน ปุย, อาวต ดิ นึง โบ โตะ รเวือะ เซ. ปุย ไน โม เซ เยอ ตา ลอา ปุย อื มัฮ ป นัม โม อิซราเอน, มัฮ ยาอาซันยา กวน อัตชู ไม่ เป-ลาทียา กวน เบ่ไนยา.

เอเซเคียน 2:2

ลไล อัฮ อื เนิ ตอก เซ เยอ, ลปุ พะจาว เลีฮ อาวต เอิน นึง อาึ, ลบุ่ฮ อาึ เกือฮ ชุง. เญือม เซ อาึ ฮมอง เอิน ป อัฮ พะจาว ละ แตะ.

เอเซเคียน 3:11

โฮว เมิฮ, โฮว อัฮ ละ โม ปุย ไน โม โกะ เปอะ ป โฮลฮ แปน ครา เซีญ เซ, โฮว รโฮงะ ละ อื ตัม ป ดวน อาึ ป มัฮ พะจาว เยโฮวา ละ อื, ปัง ง่อต โอ ง่อต อื ญุ่ก,” อัฮ เซ เนิ พะจาว เยอ.

เอเซเคียน 3:14

เญือม เซ ลปุ พะจาว เยอ ยวก อาึ, โรวก อาึ โฮว ไม่ แตะ. อาึ โฮว เนอึม ไม่ รพาวม รอก รพาวม กุยจ วัว แตะ. อาึ ปังเมอ อาวม อาวต อัมนัต ยุฮ พะจาว ไม่ แตะ.

เอเซเคียน 43:4

รัง ซเปีย คึนัก ยุฮ พะจาว เซ เลียก เอิน ฮอยจ โตะ วิฮัน เซ นึง คระ โตะ รเวือะ ป นา ลวง ลั่ก โอก ซเงะ นึง อื.

เอเซเคียน 43:5

เญือม เซ ลปุ พะจาว ยวก เอิน อาึ, ตาว เอิน อาึ ฮอยจ ละ ควง วิฮัน เซ ลวง กไน อื. อาึ ยุ รัง ซเปีย คึนัก ยุฮ พะจาว นาวก เอิน ยุฮ วิฮัน เซ.

เอเซเคียน 8:3

เญือม เซ ปุย เซ เยอ กอยฮ ป ตอก เตะ แตะ ไปญ ฮาึก อาึ นึง อื ติ รโจป. อาึ ยุ บลอง ยวก ลปุ พะจาว แตะ ฮาวก ฮอยจ นึง กังฮาว, ไม่ โรวก อื อาึ ฮอยจ นึง เวียง เยรูซาเลม. โฮลฮ แม เลียก นึง โตะ รเวือะ วิฮัน ลวง ลั่กล่าวง อื. ปุก เอิน ซื นา คระ เลียก ปุย ฮอยจ ละ ฮอง กไน อื. มัฮ เอิน นา ก ไก ฮุป ไว ปุย ป แปน ควน กุยจ วัว ละ รพาวม พะจาว เซ.

เอเซเคียน 9:3

เญือม เซ รัง ซเปีย คึนัก ยุฮ พะจาว ทื โม อิซราเอน เนอ ฮาวก เอิน ฮา ฮุป เตปด่า ไก โพรยจ นา ก ตึน อาวต อื นึง เซ. เฌาะ ติ แตะ ฮอยจ นึง โตะ รเวือะ วิฮัน ยุฮ พะจาว เซ. พะจาว กอก ปรเมะ จาวป เครอึง พา แนน ไมจ ป ไปญ เอิป เซ.

กันไกญกอ 2:2

เญือม เซ เยอ ลอยฮ เอิน เซียง โอเอีฮ เน่อึม มะลอง ตอก กาื กอ โฮ. เซียง ป ลอยฮ เซ ซนัน เลี่ป เญือะ ก งาวม ปุย เซ.

กันไกญกอ 8:39

เญือม เอีจ โอก อื ฮา รอาวม เซ ลปุ พะจาว ตาว เอิน ฟีลิป โฮว ฮา อื ก ไฮญ. จาวไน เซ เญาะ โฮลฮ โตว ยุ ฟีลิป เซ แม. ลอต โฮว นึง คระ ซ โฮว แตะ เซ ไม่ รพาวม มวน แตะ.

รโฮงะ 1:10

ไก ติ โฮน เญือม นัม เอิน ลปุ พะจาว เยอะ. ปุก ซเงะ ยุฮ พะโองจาว. เญือม เซ อาึ ฮมอง ลอยฮ เซียง ป อัฮ โอเอีฮ ลั่กเคะ แตะ, ตอก เซียง โตวต โฮ.

รโฮงะ 1:15

ชวง อื ตอฮ ตอก ไร ซเงี โล ปุย นึง งอ ป เอีจ ฟวยจ ญื ปุย โฮ. เซียง อื ตอก ลอยฮ รอาวม ระ นึง จาื โฮ.

รโฮงะ 19:6

ฟวยจ เซ อาึ ฮมอง แม เซียง ตอก ลเลาะ ปุย โฮวน โฮ, ตอก โรฮ ลอยฮ รอาวม นึง จาื ระ โฮ, ไม่ ตอก โรฮ อื ซนัน ลอยฮ เนอึม บริ โฮ. บรุก อัฮ เฮี, “ฮาเลลูยา. พะโองจาว ยุฮ เอะ ป มัฮ พะจาว ป ตึก นึง ระ อัมนัต แตะ, เอีจ ปุน แปน กซัต ตัตเตียง โอเอีฮ เตือง โอยจ อื.