เอเซเคียน 23:39 - ้พระคัมภีร์ละว้า

³⁹ ซเงะ ยุฮ อื ยุม ไม่ กวน โกะ แตะ นึง ตัน อื ละ ฮุป เซ, เอีจ มัฮ เอิน ซเงะ ติ ไม่ เญือม เลียก อื นึง วิฮัน ยุฮ อาึ, ไม่ เกือฮ อื แปน ป รแอม ไล ฆาื อื,” อัฮ เซ.

เอเซเคียน 23:39 ပူးပေါင်းရင်းမြစ်များ

2 กซัต 21:4

ฟวยจ เซ ยุฮ แม โรฮ คัน ทไว ปุย โอเอีฮ ละ พะ ยุฮ ปุย ตังเมือง นึง วิฮัน ยุฮ พะจาว, ป มัฮ นา ก เอีจ อัฮ พะจาว อาึง ตอก เฮี, “เยรูซาเลม เฮี ซ แปน ลอป ก ลืลาว ปุย มอยฮ อาึ นึง,” อัฮ เซ.

2 กซัต 21:6

โนก ฮา เซ ตอง แม ทไว กวน รเมะ แตะ ละ ป ทื แตะ เซ. โกว แม โรฮ คู บ่า, โฮม ไม่ มอ พี แม โฮวน เจือ. กัน ยุฮ อื เซ มัฮ เนอึม ป ฆอก ป เบร ละ พะจาว, มัฮ โรฮ ควน เกือฮ พะจาว เปลีฮ รพาวม ฮาวก แตะ ฆาื อื โรฮ.

อิซยา 3:9

รพาวม โอ ซื โอ ไซ ยุฮ โกะ อื เอีจ แปน ควน รโจฮ อื ไอฮ ติ แตะ นึง. โม เซ เอีจ โรวต เอิน ยุฮ กัน ฆอก นา ก เปง อื ตอก ยุฮ ปุย เมือง โซโด่ม อื โฮ. เอีจ มัฮ ฆาื กัน ฆอก เบร ยุฮ โกะ อื เซ ไอฮ ป ซ ไลจโลม อื ฆาื อื.

เยเรมี 11:15

พะจาว อัฮ แม เฮี, “โม ป ฮรัก เกอะ ป กัมลัง ยุฮ ป ฆอก ป เบร, อัม ไก ลั่ง ซิต เลียก อาวต อื นึง วิฮัน ยุฮ อาึ อื? ดัฮ เลียก ซันญา โอเอีฮ ละ อาึ ไม่ ตอง อื ทไว ซัตซิง เนิ, อัม แกต ติ แตะ ซ โปน ป โตะ ป ตอง ฆาื อื? อัม ซ โฮลฮ รพาวม ไมจ มวน แตะ เบือ อื? แจง โอ อื ซ แปน ตอก เซ.

เยเรมี 23:11

พะจาว อัฮ เฮี ฆาื อื, “โม ป อัฮ ติ แตะ ซึป ลปุง อาึ ไม่ โม ซตุ ยุฮ ฮุ เอีจ ซไง เนอึม ฮา อาึ. ปัง มัฮ นึง วิฮัน ยุฮ ฮุ อาึ รโตฮ ยุ กัน ฆอก กัน เบร ยุฮ อื.

เอเซเคียน 20:39

พะจาว เยโฮวา อัฮ เฮี, “โม เปะ ป มัฮ จัตเจือ อิซราเอน เนอ, ปเลี่ย เฮี ยุฮ แลน โอเอีฮ ตัม รพาวม ฆวต ยุฮ เปอะ เมิฮ. รซอฮ แลน ละ ฮุป ไว เปอะ เซ โครยญ โฆะ เปอะ. อาึ ปังเมอ ซ อัฮ อาึง ละ เปอะ, เฆียง เฮี เยอ ปังเมอ ซ จัมเปน เปอะ เนอึง ป อัฮ อาึ. เญือะ ซ โฮลฮ เปอะ โตว เพียก แฮม มอยฮ อาึ เฮี ฆาื ทไว เปอะ โอเอีฮ ละ ฮุป ไว แตะ เซ,” อัฮ เซ.

เอเซเคียน 22:8

โอเอีฮ ป เมีญ อาึ มัฮ ป ซัมคัน, โม เปะ เอีจ พลิฮ บึน เปอะ. ซเงะ ลโล่ะ ยุฮ อาึ อื, เญาะ เมีญ เปอะ โตว มัฮ ป ซัมคัน ละ แตะ.

เอเซเคียน 23:38

มัฮ โตว เมาะ เซ โน่ง ป ยุฮ อื ละ อาึ อื, เอีจ เกือฮ วิฮัน ยุฮ อาึ แปน ป รแอม ไล ไม่ โอ อื เมีญ ซเงะ ลโล่ะ ยุฮ อาึ แปน ซเงะ ซัมคัน ละ แตะ.

เอเซเคียน 44:7

โม เปะ เอีจ เกือฮ เปอะ วิฮัน ยุฮ อาึ แปน ป ทัมมด่า ละ ปุย. ญอม เปอะ เกือฮ ปุย ตังเมือง ตัง ด่าว เลียก นึง วิฮัน ยุฮ อาึ เตือง มัฮ อื โม ป โอ ดิ เลียก นึง ริตกิต ไม่ โอ อื ไก รพาวม นึง อาึ เฟือฮ. ลไล ทไว ปุย ป ซัมคัน ละ อาึ ป มัฮ ลออยฮ ซัตซิง ไม่ ฮนัม อื, เอีจ เกือฮ เนอึม เปอะ โม เซ เลียก ละ ซ ไลจ เปอะ ยุฮ ลปุง ซันญา เอะ ไม่ ปุ แตะ ฆาื กัน คึต กัน ตวยฮ ยุฮ แตะ เซ เตือง โอยจ อื.

เอเซเคียน 5:11

เคียง มัฮ อื ตอก เซ เยอ แจง ไอม อาึ ป มัฮ พะจาว เยโฮวา ตอก ออฮ, อาึ แจง นึง ซ ปุน ยุฮ แตะ ไลจ โลม ละ โม เซ ไม่ โอ แตะ ซ เลียก พาวม นึง เฟือฮ เอิน. มัฮ ฆาื เอีจ เกือฮ เปอะ วิฮัน ยุฮ อาึ เซ แปน ป รแอม ไล, นึง ยุฮ เปอะ ป ตึก เอิน นึง ฆอก เบร แตะ เซ นึง อื, ไม่ ยุฮ โรฮ เปอะ ป คึต ป ตวยฮ ไฮญ โรฮ.

เอเซเคียน 8:16

ฟวยจ เซ พะจาว ตาว แม อาึ ฮอยจ นึง ควง วิฮัน เซ ลวง กไน อื, นึง ซื นา โตะ รเวือะ วิฮัน ยุฮ พะจาว เซ. ไก โม ปรเมะ นึง ง่า โรฮ พอน ปุย, อาวต ดิ นึง ซน่ะ คัน ทไว ไม่ คระ เลียก ปุย นึง อื. ปุย โม เซ เยอ ลั่กเคะ ลั่ก วิฮัน ยุฮ พะจาว, ลั่กกา ลวง ลั่ก โอก ซเงะ, ปุก เอิน เญือม นุ่ม อื ไว ซเงะ เญือม โอก โรง อื, ปอ จิ เอิน ไกญ แตะ เตะ.

มีคา 3:11

โม ป ตัตเตียง บั่นเมือง เซ เอีจ รเตีฮ ตัตซิน โอเอีฮ ฆาื ฮัน อื นึง มาื นุน ปุย แตะ. โม ซตุ นึง อื เอีจ เพอึก โรฮ ปุย ฆาื ฆวต ไอฮ อื จังลา แตะ. โม ป ซึป ลปุง พะจาว นึง อื เซ เอีจ มัฮ โรฮ รโฮงะ อื ป ซ เกิต ละ ปุย เบือ ฮัน แตะ นึง มาื. ปุย โม เซ ตัง โคน ตัง อัฮ โรฮ ลั่ง พะจาว อาวต ไม่ แตะ. อัฮ อื ตอก เฮี, “พะจาว มัฮ ป อาวต ลอป ไม่ เอะ, โม่ มัฮ อื? ไก โตว ตอก ซ เกียฮ เกิต ป โตะ ป ตอง ละ โม เอะ เอ,” อัฮ เซ.

โยฮัน 18:28

ฟวยจ เซ โม เซ โฮว ตาว พะเยซู โอก ฮา เญือะ คายาฟา ฮอยจ เญือะ จาวเมือง. มัฮ เมือ กซะ งาวป อื. โม ยิว ญอม โตว เลียก โตะ เญือะ จาวเมือง เซ นึง โอ อื ฆวต เกือฮ ติ แตะ รแอม ไล ละ ซ โฮลฮ แตะ โซม เลียง ฌาว เซ.