เอเซเคียน 21:10 - ้พระคัมภีร์ละว้า

¹⁰ มัฮ เกลียง อื วิจ เซ ละ ซ ยุฮ แตะ ยุม ไม่ ปุย นึง อื, เอีจ มัฮ โรฮ ญื อื ละ ซ เกือฮ แตะ ตอฮ เฌียป เลียป ตอก เญือม เลีฮ ปลุกปลัก โฮ. เอะ อัม ซ เกียฮ ไมจ มวน ดิ รพาวม ไม่ ปุ แตะ ลั่ง? โม เปะ เอีจ พามัต ดู่แควน เปอะ ไมะแซ ยุฮ อาึ. เอีจ พลิฮ บึน โรฮ เปอะ ลปุง ซตอก รเง่อึม อาึ แตะ.

เอเซเคียน 21:10 ပူးပေါင်းရင်းမြစ်များ

2 ซามูเอน 7:14

อาึ ซ แปน เปือะ อื. โกะ อื ซ แปน โรฮ กวน อาึ. เญือม ยุฮ อื ป พิต อาึ ซ เฟียต เตอะ ตอก เฟียต เปือะ กวน แตะ โฮ.

เอซเทอ 3:15

โม ป โฮว ซาวป ตาว รซอม เซ, ซไจ แนฮ ตาว อื ตัม ดวน กซัต แตะ เซ. รซอม เซ ปุย ตาว อื โครยญ จังวัต, ครอฮ โรฮ อื นึง เมือง ซุซา ป มัฮ เมือง ลวง เซ. กซัต เซ งาวม ญุ ซไบ่ ไปล ไม่ ฮามัน เซ. โม ป อาวต นึง เมือง ซุซา เซ เตือง โอยจ อื ปังเมอ เงอึต ไม่ โตวฮ ฆราึง แตะ ฆาื อื.

คูไมจพันญา 3:4

ไก เญือม เยือม, ไก โรฮ เญือม ญวยฮ. ไก เญือม ไลจ รพาวม, ไก โรฮ เญือม เตน นึง มวน รพาวม แตะ.

เยเรมี 23:20

รพาวม ฮาวก อื เซ ซ ญึ่ต โตว กา เฆียง ยุฮ อื โอเอีฮ ป ตะ แตะ ยุฮ โครยญ เจือ. เฆียง เฮี โม เปะ ซ คาวไจ เปอะ ไลลวง เฮี โครยญ เจือ.

เยเรมี 46:4

ฮัต ควน บุก บรอง ยุฮ เปอะ ฮาวก บุก เมิฮ. อาวต เบือง เปอะ ละ ซ รุป เปอะ โครยญ โฆะ เปอะ. จาวป วอม ไร ยุฮ เปอะ. เกลียง เพลียฮ เปอะ เกือฮ ลอม. จาวป ปุ โฮว ลปิ ไร เซ,’ อัฮ เซ.

เอเซเคียน 20:47

ไมจ เนอึม เปอะ รโฮงะ ละ น่อง ยู นึง เนเกป เซ ตอก เฮี, พะจาว เยโฮวา อัฮ เฮี ละ เปอะ, ‘ง่อต แลน, อาึ ซ จอป งอ นึง เปอะ. งอ เซ ซ ฮะ ยุฮ โคะ ไอม ไม่ โคะ ยุม ซออฮ เตือง โอยจ อื. ไก โตว ป ซ ปุน เกือฮ งอ เซ ญึ่ต เตอ. งอ เซ ซ มา เอิน เน่อึม ลวง ลั่กเซฮ ฮอยจ ลวง ลั่กล่าวง. ปุย ซ อาวม ตื เอิน เมาะ กอยจ งอ เซ.

เอเซเคียน 21:11

“วิจ เซ กัมลัง ญื ปุย เกือฮ ตอฮ ละ ซ โฮลฮ ปุย โกว, เอีจ เกลียง ปุย ไม่ ญื แตะ ละ ซ เกือฮ แตะ อาวต นึง เตะ ป ยุฮ ยุม ไม่ ปุย.

เอเซเคียน 21:4

อาึ ซ โกว วิจ ยุฮ แตะ เซ ละ ซ ยุฮ เนอึม แตะ ยุม ไม่ ปุย นึง เปอะ, เตือง ปุย ฆอก ปุย เบร ไม่ ปุย ซื ปุย ไซ เกือฮ ยุม ฮา เปอะ, เน่อึม นึง ป อาวต อื ลวง ลั่กเซฮ ฮอยจ ละ ป อาวต ลวง ลั่กล่าวง เตือง โอยจ อื.

นาฮุม 1:10

ปุย โม เซ มัฮ เยือ ตอก กัต กุน แกน โอ แปน ป โกว, มัฮ โรฮ ตอก ป ญุ่ยจ เซาะ เง่าะ ไปล โฮ. ซ ฮะ ซ ล่อยญ เยือ ฆาื อื ตอก โงว เบระ ซออฮ โฮ.

นาฮุม 3:3

โม ตฮัน บุก บรอง เซ เลียก เอิน แปน เดี่จ แตะ. วิจ ไม่ เพลียฮ ยุฮ อื เซ ตอฮ เฌียป เลียป เอิน. ป ยุม นึง กัน รุป เซ รชุก รเชียก เยือ เอิน. ป ยุม เฮีย ไฮ เซ โฮวน ลัมเลือ เอิน ปอ โอ ปุย เญาะ โอยจ เมีญ. ป โฮว ป เอีญ เญอ โคะ ซด่อยฮ เอิน โม ป ยุม เซ ฆาื อื.

ฮาบ่ากุก 3:11

เญือม เอีจ โอก รฌิญ ซเปีย ตี ทนู ยุฮ เปอะ, ไม่ ตอฮ เฌียป เลียป เอิน เพลียฮ ยุฮ เปอะ เซ, ปัง มัฮ ซเงะ ไม่ เคิ อาวต ตื เอิน นา ก อาวต แตะ ฆาื อื.