เอเซเคียน 20:6 - ้พระคัมภีร์ละว้า

⁶ ซเงะ เซ เยอ, อาึ เอีจ ซันญา อาึง ซ นัม แตะ โม เซ เกือฮ โอก ฮา เมือง อียิป ละ ซ เกือฮ ฮะ โฮว ฮอยจ นึง เมือง ป เอีจ เลือก แตะ อาึง ละ อื. เมือง เซ มัฮ เมือง ตึม โครยญ โคะ โกะ โครยญ โกลง. มัฮ เนอึม บั่นเมือง ป ไก โญต ไก ซัก ฮา บั่นเมือง ไฮญ เตือง โอยจ อื.

เอเซเคียน 20:6 ပူးပေါင်းရင်းမြစ်များ

เนฮะมี 9:12

ปะ เอีจ นัม โรฮ เปอะ คระ ละ นึง ชุต รวู ซัมคัน เมือ ซเง่ะ อื, ไม่ เอีจ นัม โรฮ เปอะ นึง ด่อง งอ เมือ ก ซาวม อื โรฮ, ละ ซ เกือฮ เปอะ รัง ซเปีย ยุฮ แตะ ซอต ละ อื นึง คระ ซ โฮว อื.

เนฮะมี 9:9

“โอ พะจาว, ปะ เอีจ ยุ เปอะ เม่ะมั่ก รพาวม ตุก ป ลอก โม จัตเจือ ไพรม เอะ นึง เมือง อียิป โฮ. ปะ เอีจ ฮมอง โรฮ เปอะ เซียง กอก อื ปัว ปะ เรอึม แตะ เญือม อาวต อื โบ ปลัฮ รอาวม ซครัก โฮ.

ลืลาว 106:24

โนก ฮา เซ, โม จัตเจือ ไพรม เอะ เซ เพียก แฮม โรฮ ปลัฮเตะ ไมจ เซ, นึง โอ อื เจือ ลปุง ซันญา พะจาว ละ แตะ.

ลืลาว 47:5

พะจาว ฮาวก นึง ก งาวม คึนัก ยุฮ แตะ, ฮาวก ไม่ เซียง จอยะ เชีย ลเบี่ย ปาึง, ไม่ เซียง ปาึง ปุย โตวต ลอยฮ เนอึม ไอฮ พาวม แตะ.

ลืลาว 48:2

บลาวง ซีโยน ป มัฮ บลาวง ซัมคัน ยุฮ พะจาว เซ ไมจ เนอึม. แปน ควน มวน รพาวม ละ ปุย ติ ปลัฮเตะ, นึง มัฮ อื บลาวง ก อาวต เวียง ระ ยุฮ กซัต ตึก นึง ระ แตะ. บลาวง เซ มัฮ บลาวง ซีโยน ป ไก ลวง ลั่กล่าวง นึง อื.

2 โมเซ 13:5

พะจาว เอีจ ซันญา อาึง อื ละ จัตเจือ ไพรม เปอะ ละ ซ เกือฮ แตะ เมือง คะนาอัน ละ โม เปะ. มัฮ ก อาวต โม ฮิตไท, โม อาโมไร, โม ฮีไว, ไม่ โม เยบุ่ต ปเลี่ย. เญือม เอีจ ตาว พะจาว โม เปะ ฮอยจ นึง เมือง ตึม โครยญ โคะ โกะ โครยญ โกลง เซ, ไมจ เปอะ โซม เลียง ฌาว ไม่ ปุ แตะ นึง เคิ เฮี โครยญ เนอึม, ละ ซ แปน ควน ไตม เปอะ ป เกิต ละ แตะ เฮี.

2 โมเซ 3:17

รโฮงะ โรฮ ละ อื ตอก เอีจ ซันญา อาึ ซ ตาว แตะ เกือฮ โอก ฮา กัน โซะ อาวม อื นึง เมือง อียิป เซ. ซ โรวก เกอะ ฮอยจ เมือง อาวต โม คะนาอัน, โม ฮิตไท, โม อาโมไร, โม เปริซี, โม ฮีไว ไม่ โม เยบุ่ต. เมือง เซ มัฮ เมือง ตึม โครยญ โคะ โกะ โครยญ โกลง.

2 โมเซ 3:8

อาึ มัฮ เลีฮ ฮิ ละ ซ เรอึม แตะ เกือฮ โปน ฮา อัมนัต โม อียิป. ซ เกือฮ โปน ฮา เมือง เซ, เกือฮ ฮอยจ นึง เมือง ไมจ เมือง เวือฮ, มัฮ เมือง ตึม โครยญ โคะ โกะ โครยญ โกลง, โอเอีฮ ป ไก นึง อื พอม โครยญ เจือ. มัฮ ก อาวต โม คะนาอัน, โม ฮิตไท, โม อาโมไร, โม เปริซี, โม ฮีไว, ไม่ โม เยบุ่ต.

2 โมเซ 33:3

โฮว เมิฮ. เลียก อาวต นึง เมือง ตึม โครยญ โคะ โกะ โครยญ โกลง เซ. อาึ ปังเมอ โอ ซ โฮว ไม่ เปอะ. ดัฮ โฮว ไม่ เปอะ แกต ติ แตะ ซ โคะ ยุฮ ไลจ ไม่ โม เปะ ตัม คระ โฮว เปอะ, นึง ลึง ลอน รพาวม โม เปะ เฮี,” อัฮ เซ ละ อื.

2 โมเซ 6:8

อาึ ซ ตาว โม เปะ ฮอยจ นึง เมือง ป เอีจ ซันญา ซโตฮ แตะ อาึง ละ อัปราฮัม ไม่ ยิซฮัก ไม่ ยาโคป, ละ ซ เกือฮ ฮะ แปน คอง โม เปะ. อาึ มัฮ พะจาว,” อัฮ เซ.

เยเรมี 11:5

ฟวยจ เซ อาึ ซ ยุฮ เนอึม ตัม ลปุง ป เอีจ ซันญา ซโตฮ แตะ อาึง ไม่ จัตเจือ ไพรม เปอะ, ไม่ ซ เกือฮ เมือง ตึม โครยญ โคะ โกะ โครยญ โกลง ละ อื. เอีจ มัฮ เมือง อาวต เปอะ ฮอยจ ปเลี่ย เฮี’ ” อัฮ เซ พะจาว. อาึ อัฮ เฮี, “โอ พะจาว, ปัว เปอะ เกือฮ แปน เนอึม ตอก เซ,” อัฮ เซ ละ.

เยเรมี 3:19

พะจาว อัฮ แม เฮี, “อาึ ง่อต ตอก ซ เกือฮ แตะ โม เปะ แปน ตอก กวน โกะ แตะ. อาึ แพป เกือฮ บั่นเมือง ไมจ มวน ละ เปอะ, แปน เมือง ไมจ เมือง ชอม ฮา เมือง ปุย ไฮญ ติ ปลัฮเตะ. อาึ ฆวต เกือฮ โม เปะ อัฮ เปือะ ละ อาึ, ไม่ โอ เปอะ เญือะ ซ ลเตือฮ ติ แตะ ฮา เยอะ.

เยเรมี 32:22

ปะ เอีจ เกือฮ เปอะ เมือง ตึม โครยญ โคะ โกะ โครยญ โกลง เฮี ละ โม อิซราเอน, ตัม รซอม ซันญา ซโตฮ เปอะ อาึง ละ โม จัตเจือ ไพรม อื.

เอเซเคียน 20:15

โฮฮ ฮา เซ แม, อาึ เอีจ ซันญา ซโตฮ ละ อื เญือม อาวต อื นึง ลาึน เวือฮ โฮ, นึง โอ แตะ ซ นัม เนอึม โม เซ ฮอยจ นึง เมือง เอีจ เกือฮ แตะ ละ อื โฮ, ป มัฮ เมือง ป ตึม โครยญ โคะ โกะ โครยญ โกลง, ไม่ มัฮ อื เมือง ไก โญต ไก ซัก ฮา เมือง ไฮญ เตือง โอยจ อื.

เอเซเคียน 20:23

โฮฮ ฮา เซ แม อาึ เอีจ ซันญา ซโตฮ โรฮ ละ โม เซ เญือม อาวต อื นึง ลาึน เวือฮ โฮ, นึง ซ เกือฮ โฮลฮ โฮว เฮียไฮ ติ แตะ นึง ซน่ะ ลลาึง ปุย โฮวน เมือง เซ.

เอเซเคียน 20:42

เญือม เอีจ ตาว อาึ โม เปะ เอีญ ฮอยจ แม นึง เมือง อิซราเอน, ป มัฮ เมือง ป เอีจ ซันญา อาึ ละ จัตเจือ ไพรม เปอะ โฮ, เญือม เซ โม เปะ ซ ยุง เนอึม เปอะ มัฮ อาึ พะจาว เบือ อื.

เอเซเคียน 20:5

ไมจ เปอะ อัฮ ละ อื ตอก เฮี, พะจาว เยโฮวา อัฮ เฮี ละ เปอะ, ซเงะ เลือก โรง อาึ โม อิซราเอน โฮ, อาึ เอีจ ซันญา ซโตฮ ละ จัตเจือ ยาโคป. อาึ เอีจ เปลีฮ โรฮ ติ แตะ ละ โม เซ เญือม อาวต อื นึง เมือง อียิป โฮ. อาึ เอีจ ซันญา ซโตฮ โรฮ ละ อื ไม่ รโฮงะ มัฮ แตะ เยโฮวา พะจาว ยุฮ อื.

เอเซเคียน 47:14

ไมจ เนอึม โม เปะ รฆุ ดิ ไม่ ปุ แตะ บริญๆ โฮ. อาึ เอีจ ซันญา ซโตฮ อาึง ละ โม จัตเจือ ไพรม เปอะ นึง ซ มอป แตะ บั่นเมือง เฮี เกือฮ แปน คอง โม เปะ.

ด่านีเอน 11:16

กซัต ซีเรีย ป ฮอยจ เน่อึม ลั่กล่าวง เซ ซ ยุฮ โอเอีฮ ตัม ปอ อื นึง พาวม โกะ แตะ. ไก โตว ป ปุน คัต เวียน อื. ซ ลอต อาวต ตอน ฮมัน นึง เมือง อิซราเอน ป มัฮ เมือง ซัมคัน เซ. เมือง อิซราเอน เซ เตือง โอยจ อื ซ อาวต ตื ฆรึม อัมนัต อื.

ด่านีเอน 11:41

ซ เลียก โรฮ นึง เมือง อิซราเอน ป มัฮ เมือง ซัมคัน เซ, ซ ยุฮ ยุม ไม่ ปุย นึง อื แปน ฮมาึน แปน แซน อื เอิน. โม ปุย เมือง เอโด่ม, เมือง โมอัป ไม่ โม อัมโมน ป โฮฮ ลั่ง เซ ปังเมอ ซ โปน ฮา อัมนัต อื.

ด่านีเอน 8:9

ฟวยจ เซ ไน โด่วง เตือง ปาวน อื เซ ตา ติ โด่วง อื, อาึ ยุ กวยฮ แม โด่วง แตวะ อื นึง อื ติ แม. โด่วง เซ ระ ฮอน ยุฮ แตะ ปุ ปุ ฮอยจ ละ ระ เนอึม อื. ซนาว ติ แตะ ลวง ลั่กเซฮ ไม่ ลวง ลั่ก โอก ซเงะ, ไม่ ลวง ลั่ก ปะเทต อิซราเอน ป มัฮ ปะเทต ตึก นึง ไมจ แตะ.

3 โมเซ 20:24

อาึ เอีจ ซันญา อาึง ซ เกือฮ แตะ ปลัฮเตะ ตึม โครยญ โคะ โกะ โครยญ โกลง เซ ละ เปอะ เกือฮ แปน คอง เปอะ, ไม่ ซ เกือฮ เนอึม แปน ลอป คอง เปอะ. อาึ มัฮ เยโฮวา พะจาว ยุฮ เปอะ, ป เอีจ เกือฮ โม เปะ อาวต ตัง โน่ง ฮา ปุย ไฮญ.

เซคาริยา 7:14

เญือม เซ อาึ เอีจ เกือฮ โม เซ โฮลฮ โฮว อาวต เฮีย อาวต ไฮ นึง เมือง ปุย ไฮญ โฮวน เมือง, ตอก เอิน ปอย โอเอีฮ เญือม โรวก กาื บังบอย อื โฮ. เคียง มัฮ อื ตอก เซ ปลัฮเตะ ไมจ มวน ป โฮว อื ฮา เซ แปน เยือ ปลัฮเตะ ฮัง ฆาื อื, ปอ เอิน โอ อื เญาะ ไก ป อาวต นึง,” อัฮ เซ พะจาว ป กุม ตฮัน มะลอง.

4 โมเซ 13:27

อัฮ เฮี ละ ไอ โมเซ, “เอะ โฮว แลน เนอึม เมอะ เมือง ดวน ปะ แตะ แลน เซ, มัฮ เนอึม เมือง ตึม โครยญ โคะ โกะ โครยญ โกลง ตอก อัฮ เปอะ. แลน เมิฮ เปลิ โคะ นึง อื เฮี. ไมจ เนอึม.

4 โมเซ 14:8

พะจาว ดัฮ เอะ ปุก รพาวม อื โฮ ตึน ซ นัม เอะ เลียก อาวต นึง เมือง เซ ไม่ ซ เกือฮ อื แปน คอง เอะ. มัฮ เนอึม เมือง ตึม โครยญ โคะ โกะ โครยญ โกลง เอิน.

5 โมเซ 11:9

ดัฮ เปอะ ยุฮ ตอก เซ โม เปะ ซ ลั่ง ไอม ไพรม กอย เปอะ นึง บั่นเมือง ป ซันญา พะจาว อาึง ละ โม จัตเจือ ไพรม เปอะ เซ, นึง มัฮ อื เมือง ตึม โครยญ โคะ โกะ โครยญ โกลง.

5 โมเซ 26:15

ปัว เปอะ แก เอะ เน่อึม ก อาวต ซง่ะ ซงอม เปอะ ป มัฮ เมือง มะลอง เซ, ไม่ ปิฮ เปอะ มุ่น ละ โม อิซราเอน ป มัฮ ปุย ไน เปอะ เซ. ปัว โรฮ เปอะ ปิฮ มุ่น นึง บั่นเมือง ป เกือฮ เปอะ ละ เอะ ป มัฮ เมือง ตึม โครยญ โคะ โกะ โครยญ โกลง เซ, ตัม ป ซันญา ซโตฮ เปอะ อาึง ละ โม จัตเจือ ไพรม เอะ เซ,” ไมจ เปอะ อัฮ เซ ละ.

5 โมเซ 26:9

เอีจ นัม โรฮ เอะ ฮอยจ นา เฮี, ไม่ เกือฮ อื เมือง อาวต เอะ เฮี เนิ. มัฮ เนอึม เมือง ตึม โครยญ โคะ โกะ โครยญ โกลง.

5 โมเซ 27:3

ฟวยจ เซ ไมจ เปอะ ไซฮ ลปุง เพอึก ตอม ป ไก นึง โกตไม เซ นึง ซโมะ เซ. เญือม เอีจ เตือง เปอะ โกลง ละ ซ เลียก เปอะ นึง เมือง ป เกือฮ พะจาว ยุฮ เปอะ ละ เปอะ เซ, ซ โฮลฮ เนอึม เปอะ อาวต นึง เมือง ตึม โครยญ โคะ โกะ โครยญ โกลง เซ, ตอก เอีจ ซันญา เยโฮวา พะจาว ทื จัตเจือ ไพรม เปอะ ละ เปอะ เซ.

5 โมเซ 3:25

ปัว เปอะ ญอม เกือฮ อาึ เตือง โกลง จอแด่น เฮี ละ ซ โฮลฮ แตะ ยุ เมือง ไมจ ลั่กเติต, เตือง นาตี ไมจๆ นึง บลาวง นึง อื ฮอยจ ละ บลาวง เลบ่านอน เซ โรฮ,” อัฮ เซ ละ.

5 โมเซ 31:20

อาึ ซ นัม ปุย โม เซ เกือฮ ฮอยจ นึง เมือง ตึม โครยญ โคะ โกะ โครยญ โกลง เซ, ตัม ป เอีจ ซันญา ซโตฮ แตะ อาึง ละ โม จัตเจือ ไพรม อื เซ. โม เซ ซ โฮลฮ อาวต ไมจ โซม ญุ่ก นา เซ. ดัฮ แม โฮว ไว พะ ไฮญ, ไม่ ซ ละ โปวฮ อื อาึ, ไม่ พิต อื ป ซันญา อาึ ละ แตะ, ซ เกิต ป โตะ ป ตอง ละ ฆาื อื ปอ ฮลัต ปุย นึง.

5 โมเซ 32:40

“อาึ ยวก เตะ แตะ ลั่ก มะลอง, ละ ซ ซันญา แตะ อาึง ละ ปุย ตอก เฮี, แจง ไอม อาึ ตอก ออฮ, อาึ แจง ซ โรก เวน ละ โม ป เกละยุ แตะ, ไม่ ซ เกือฮ เยอะ ลอก ตุต แตะ ตอก เซ โรฮ. อาึ ซ เกลียง อาึง วิจ แตะ เกือฮ ตอฮ เฌียป เลียป เอิน, ไม่ ซ ไปญ เญอะ อาึง ละ ซ รเตีฮ แตะ ปุย.

5 โมเซ 32:8

พะจาว ตึก นึง ระ นัน นึง ฮลาวง แตะ, เกือฮ ปลัฮเตะ ละ ปุย โครยญ เมือง ปุย. พะจาว รฆุ เนอึม โอเอีฮ ละ ปุย โครยญ เจือ ปุย. รฆุ เนอึม ปลัฮเตะ ละ อื ตัม เมาะ ไก กวน อิซราเอน.

5 โมเซ 6:3

โม เปะ โม อิซราเอน, ไมจ เปอะ ง่อต. เกือฮ ติ เปอะ ปุน ยุฮ เนอึม, เดอึม เปอะ ซ ไมจ ป ยุ เคราะ ป ฮมอง ไม่ ซ พรุฮ ซ แพร เปอะ โฮวน นึง ปลัฮเตะ ตึม โครยญ โคะ โกะ โครยญ โกลง ป ซ โฮลฮ เปอะ ตัม ลปุง ซันญา ยุฮ พะจาว ทื โม จัตเจือ ไพรม เปอะ เซ ละ เปอะ.