เอเซเคียน 11:13 - ้พระคัมภีร์ละว้า

¹³ ลไล ซึป ลั่ง อาึ ลปุง พะจาว ละ ปุย เยอ, เป-ลาทิยา ป มัฮ กวน เบ่ไนยา เยอ ยุม เอิน เญือม เซ เอิน. เญือม ยุ อาึ โอเอีฮ ตอก เซ เยอ, นุ่ม เอิน ไกญ แตะ ฆาื ฮอยจ ลังเตะ. อัฮ เฮี ละ พะจาว เรียง, “โอ พะจาว เยโฮวา, ปะ อัม มัฮ ซ ยุฮ เนอึม เปอะ ยุม ไม่ โม อิซราเอน เมาะ ป โฮฮ ลั่ง อื เฮี ปอ โอยจ แกล เอิน อื?” อัฮ เซ ละ พะจาว อาึ อื.

เอเซเคียน 11:13 ပူးပေါင်းရင်းမြစ်များ

1 กซัต 13:4

เญือม ฮมอง กซัต เยโรโบ่อัม ป อัฮ ป ซึป ลปุง พะจาว เซ ละ คัน ทไว เซ, ซนาว เตะ แตะ โร นา อื. อัฮ เฮี ละ ปุย, “โฮมวต ปุย เฮี เยอ,” อัฮ เซ. เญือม เซ เตะ ซนาว อื เซ ซออฮ เอิน จุบั่น เอิน. เญือะ เกียฮ ราึต โตว อื เอีญ ลั่ก โกะ แตะ แม.

ลืลาว 106:23

พะจาว อัฮ ติ แตะ ซ ยุฮ ยุม ไม่ ปุย ไน แตะ ฆาื อื. เญือม เซ ไอ โมเซ ป มัฮ กวนไจ เลือก พะจาว เซ, ปังเมอ ปัว พะจาว โอ ยุฮ เนอึม ไลจ ไม่ อื ฆาื รพาวม ฮาวก อื เซ. พะจาว ยุฮ เนอึม โตว อื ฆาื อื.

ลืลาว 119:120

อาึ ฮลัต เนอึม นึง ปะ ปอ รกุฮ รเตียง แตะ เอิน. กัน รเตีฮ ยุฮ เปอะ มัฮ ป ฮลัต เนอึม อาึ นึง.

ซตอกรเง่อึม 6:15

ปุย ตอก เซ ซ ฮอยจ พราวป ป โตะ ป ตอง ละ ฆาื อื. ซ ไลจโลม พราวป เอิน ไม่ โอ อื เญาะ ไก ตอก เกียฮ แม ยุฮ แตะ.

เอเซเคียน 11:1

ฟวยจ เซ ลปุ พะจาว ยวก แม ตาว อาึ ฮอยจ นึง โตะ รเวือะ วิฮัน ยุฮ พะจาว ลวง ลั่ก โอก ซเงะ นึง อื. เญือม เซ อาึ ยุ โม ปรเมะ ง่า โรฮ พอน ปุย, อาวต ดิ นึง โบ โตะ รเวือะ เซ. ปุย ไน โม เซ เยอ ตา ลอา ปุย อื มัฮ ป นัม โม อิซราเอน, มัฮ ยาอาซันยา กวน อัตชู ไม่ เป-ลาทียา กวน เบ่ไนยา.

เอเซเคียน 11:14

พะจาว เกือฮ ลปุง แตะ ฮอยจ ละ อาึ ตอก เฮี,

เอเซเคียน 20:17

ปัง มัฮ ตอก เซ, อาึ เลียก พาวม โซะไง่ ลั่ง นึง. อาึ ดิ ยุฮ โตว โรฮ ไลจ ไม่, ดิ เกือฮ โตว โรฮ โม เซ ยุม นึง ลาึน เวือฮ เซ เตือง โอยจ แตะ.

เอเซเคียน 37:7

อาึ ซึป เนอึม ลปุง พะจาว ละ ซอัง เซ ตอก ดวน อื อาึ ยุฮ. ลไล ลปุง เงอะ เซ อาึ ฮมอง เซียง รซอฮ โอเอีฮ. ซอัง เซ รติต เอิน ไม่ ปุ แตะ ตัม ไล อื.

เอเซเคียน 7:2

“ปะ ป มัฮ ปุย ปลัฮเตะ เอ, อาึ มัฮ พะจาว เยโฮวา. อัฮ เยอะ ละ ปะเทต อิซราเอน ตอก เฮี, ปเลี่ย เฮี เอีจ มัฮ เวลา ลั่ก ก ลอยจ อื ละ ปะเทต อิซราเอน เฮี เตือง โอยจ อื.

เอเซเคียน 9:8

ลไล ยุฮ โม เซ ยุม ไม่ ปุย เยอ, อาึ อาวต โน่ง เงอะ นา เซ. อาึ นุ่ม เอิน ติ แตะ ปอ จิ ไกญ แตะ เตะ. อัฮ แม เฮี ไม่, “โอ พะจาว เยโฮวา, อัม มัฮ ซ เปลีฮ เปอะ รพาวม ฮาวก ยุฮ แตะ ละ เวียง เยรูซาเลม ปอ ยุฮ เอิน เปอะ ยุม ไม่ โม อิซราเอน ป โฮฮ ลั่ง อื เตือง โอยจ อื แล,” อัฮ เซ ละ อาึ อื.

โฮเชยา 6:5

มัฮ เซ ป เกือฮ อาึ โม ป ซึป ลปุง แตะ ฮอยจ อัฮ ป โซะ ป ปวต ละ โม เซ ฆาื อื. อาึ ยุฮ ยุม ไม่ โม เซ นึง ลปุง ป โอก เน่อึม นึง มวยญ แตะ. กัน รเตีฮ ยุฮ อาึ เซ โอก เรียง เอิน ตอก โอก ซเปีย ซเงะ โฮ.

อาโมต 7:2

ซดู ยุ บลอง อาึ เซ โซม เอิน ไรป นึง เมือง เซ ปอ โอยจ อื. อาึ ปัว ฆาื อื นึง พะจาว ตอก เฮี, “โอ พะจาว เยโฮวา, ปัว ปะ ยวก มั่ป กัฮ ตุต ยุฮ ปุย. โม ยาโคป เปอ มัฮ โม ป แตวะๆ ลอน ไม่ ชุมเช ลัมเลือ อื, ซ เกียฮ ไอม เนอึม ตอก เมอ,” อาึ อัฮ เซ ละ.

อาโมต 7:5

เญือม เซ อาึ ปัว ฆาื อื นึง พะจาว ตอก เฮี, “โอ พะจาว เยโฮวา, ปัว ปะ ลโล่ะ ละ อื. ป มัฮ โม ยาโคป เซ แตวะๆ ลอน ไม่ ชุมเช ลัมเลือ อื. ซ เกียฮ ไอม ยุฮ แตะ ตอก เมอ,” อาึ อัฮ เซ ละ.

กันไกญกอ 13:11

ปเลี่ย เฮี ปะ ซ อาวม เปอะ เตะ พะจาว ฆาื อื. ซ จัก เปอะ, เญาะ ซ โฮลฮ เปอะ โตว ยุ ซเงะ ติ วัง เอิน,” อัฮ เซ ละ อื ปาวโล เยอ. เญือม เซ เยอ เฟียก เอิน ไง่ จุบั่น เอิน. โฮว ซาวป บู่เบื่อ โอเอีฮ ละ ซ เกือฮ อื ปุย โตวก เตะ แตะ.

กันไกญกอ 5:10

เญือม เซ เยอ ปรโปวน เซ ฆลาื เอิน โบ ชวง เปโตร, ลอต เอิน ยุม. โม ปรเมะ นุม เซ เลียก ยุ ยุม ปรโปวน เซ. กลอม โฮว รมอยจ อื โบ ปุย เญือะ อื เซ.

กันไกญกอ 5:5

เญือม ฮมอง อะนาเนีย ลปุง ตอก เซ, ฆลาื เอิน ลอต เอิน ยุม. เมาะ ป ฮมอง ไลลวง อื เซ ฮลัต เตีจ ลัมเลือ เอิน ฆาื อื.

5 โมเซ 7:4

ดัฮ เปอะ เกือฮ กวน แตะ เญือะ เอีญ ละ ปุ แตะ ไม่ อื โฮ, โม เซ ซ เมือะ โม กวน เฌือต เปอะ โอก ซไง ฮา พะจาว ฮอยจ ละ ซ นัปทื อื พะจาว ไฮญ. พะจาว ซ ฮาวก รพาวม ฆาื อื ละ โม เปะ ไม่ ซ ไกลจ ยุฮ อื ไลจ โลม ไม่ เปอะ.