2 โมเซ 18:25 - ้พระคัมภีร์ละว้า

²⁵ เลือก เนอึม ปุย ป ปุน ยุฮ กัน ตอก เซ. เลือก อื เน่อึม นึง โม อิซราเอน เตือง โอยจ อื. เกือฮ เนอึม อื แปน ป กวต ป เฮียง ป รเตีฮ โอเอีฮ ละ ปุย. เกือฮ อื แปน ป ตัตเตียง ปุย ติ เปือน ง่อน, ติ รอย ง่อน, รฮอน ง่อน, กาว ง่อน.

2 โมเซ 18:25 ပူးပေါင်းရင်းမြစ်များ

1 โมเซ 47:6

ติ เมือง อียิป เฮี อาึ คัต โตว ฮา อื ติ โดฮ เนอึม. เกือฮ อาวต นึง เมือง โกเชน เซ. เกือฮ โรฮ ไอฮ นาตี ก ตึก นึง ไมจ แตะ นึง อื. ดัฮ ไก โม ป ไมจ พันญา ฮา ปุย ไฮญ นึง อื, เกือฮ โรฮ โม เซ แลน แก คอง เลียง ยุฮ อาึ ไม่ อื,” อัฮ เซ.

2 ซามูเอน 18:1

เญือม เซ กซัต ด่าวิต เกือฮ โม ตฮัน ยุฮ แตะ อาวต รโจะ ติ โดฮ. ฟวยจ เซ เกือฮ อื ไก ไน พัน ไน ลอยะ ยุฮ, ละ ซ เกือฮ อื แปน ป ควป คุม โม ตฮัน เซ.

2 โมเซ 18:21

โนก ฮา ปะ อา ปังเมอ ไมจ แม เปอะ เลือก ปุย ไฮญ ป เกียฮ ยุฮ กัน เฮี ไม่ เปอะ. ไมจ เปอะ ดุฮ แปน ป กวต ป เฮียง, เกือฮ รเตีฮ รตุม โอเอีฮ ละ ปุย. ไมจ เปอะ เลือก ปุย ป ทื เนอึม พะจาว, ป เนอึม รพาวม ไม่ ซื แตะ, ป โอ ญอม เกือฮ ปุย นุน แตะ. ดุฮ เกือฮ แปน ป ตัตเตียง ปุย ติ เปือน ง่อน, ติ รอย ง่อน, รฮอน ง่อน, กาว ง่อน.

2 โมเซ 18:24

ไอ โมเซ ง่อต ป อัฮ โปะ แตะ เซ ละ แตะ. ยุฮ เนอึม อื ตอก เซ.

4 โมเซ 1:16

ปุย โม เซ มัฮ โม ฮัวนา ลลาึง โม อิซราเอน เตือง โอยจ อื, นึง มัฮ อื ป เอีจ เลือก โม เซ ละ ซ เกือฮ อื แปน ตัว แทน เจอ ยุฮ แตะ.

4 โมเซ 1:4

ไมจ โรฮ เปอะ เกือฮ โม ปรเมะ เรอึม เปอะ. ไอฮ โม ฮัวนา เจอ นึง อื ติ เจอ ติ ปุย.

4 โมเซ 11:16

พะจาว อัฮ เฮี ละ ไอ โมเซ, “ไมจ เปอะ ซาวป ปุย ลลาึง โม อิซราเอน เฮี อาลแฆลฮ ปุย ป มัฮ ป กวต ป เฮียง, ป ยุง ปะ มัฮ อื ป เกียฮ แนะนัม ปุย ไม่ เกียฮ รเตีฮ รตุม อื โอเอีฮ ละ ปุย. เกือฮ ฮอยจ นึง พากัง ระ ก ฮอยจ ปุย เคะ อาึ. เกือฮ ชุง ดิ ไม่ ปะ นา เซ.

กันไกญกอ 6:5

ป อัฮ อื เซ ปุก รพาวม โม ลุกซิก เตือง โอยจ อื. โม เซ เลือก ซเทเฟน, ปุย นาวก นึง รพาวม เจือ ไม่ ลปุ พะจาว. เลือก โรฮ ฟีลิป ไม่ โพรโคโร, ไม่ นิคาโนน ไม่ ทิโมน, ไม่ พารเมนา, ไม่ นิโคลาว ป มัฮ ปุย เวียง อันทิโอก ป เอีจ เลียก นึง ริต ยุฮ โม ยิว.

5 โมเซ 1:15

เญือม เซ อาึ เลือก เนอึม ไกญกอ โครยญ เจอ อื. มัฮ ปุย ไมจ พันญา ไม่ ไมจ มอยฮ แตะ ลลาึง ปุย, อาึ ดุฮ เนอึม แปน ฮัวนา ตัตเตียง ปุย เตือง โอยจ อื. ดุฮ โรฮ แปน ป ตัตเตียง ปุย ติ เปือน ปุย ง่อน, ติ รอย ง่อน, รฮอน ง่อน, กาว ง่อน. อาึ ดุฮ โรฮ ปุย ไฮญ แปน ป ไปญ กัน ไฮญ นึง อื โรฮ, โครยญ เจอ เปอะ.