5 โมเซ 30:4 - ้พระคัมภีร์ละว้า

⁴ ปัง โฮลฮ เปอะ โฮว อาวต เฮีย อาวต ไฮ ลอยจ เตะ เตือ มะลอง, พะจาว ซ รโจะ ลั่ง โม เปะ เกือฮ โม เปะ โฮลฮ เอีญ ฮา เมือง โม เซ.

5 โมเซ 30:4 ပူးပေါင်းရင်းမြစ်များ

1 กซัต 8:34

ปัว โรฮ ปะ ป มัฮ พะจาว ป อาวต เมือง มะลอง ง่อต รซอม ปัว อื ไม่ ยวก โรฮ เปอะ พิต โฌวะ ยุฮ โม อิซราเอน ปุย ไน เปอะ เซ. ปัว โรฮ ปะ นัม โม เซ เกือฮ โฮลฮ เอีญ แม ฮอยจ นึง เมือง ป เอีจ เกือฮ ปะ ละ จัตเจือ ไพรม อื เฮี โรฮ.

4 กซัต 30:9

ดัฮ โม เปะ ญอม แม เอีญ เคะ พะจาว โฮ, โม ป โฮมวต โรวก กวน เฌือต เปอะ ไม่ เอียกปุ ตุเจอ เปอะ ละ เกือฮ อื โฮว แปน ครา แตะ เซ, ซ เลียก พาวม โซะ ไง่ นึง อื, ซ พลวย โรฮ อื เกือฮ เอีญ เคะ เปอะ ฮอยจ นึง บั่นเมือง เฮี. มัฮ เบือ มัฮ เยโฮวา พะจาว ยุฮ เปอะ เซ ป ปุน เลียก พาวม โซะ ไง่ เนอึม นึง ปุย. ดัฮ โม เปะ ญอม แม เอีญ เคะ พะจาว เซ โฮ, พะจาว เซ ซ รัปคัม แม โม เปะ,” อัฮ เซ รซอม นังซื เซ.

เนฮะมี 1:9

อัฮ โรฮ เปอะ เฮี, ‘ดัฮ เปอะ เอีญ เคะ อาึ, ดัฮ เปอะ ยุฮ ตัม ลปุง ซตอก อาึ ละ เปอะ, ปัง อาวต เปอะ ลอยจ เตะ เตือ มะลอง อาึ ซ ซเคระ โรวก โม เปะ. ซ รโจะ แม โม เปะ เกือฮ โม เปะ อาวต นึง เบือง ก เลือก อาึ อาึง ละ ซ เกือฮ ปุย ไววอน นึง มอยฮ แตะ,’ อัฮ เปอะ ตอก เซ.

อิซยา 27:12

ซเงะ เซ พะจาว ซ รโจะ โม อิซราเอน ป มัฮ ปุย ไน แตะ, เน่อึม นึง โกลง ยูฟะเรตี ลวง ลั่กล่าวง ฮอยจ ละ โกลง อียิป ลวง ลั่กเซฮ. ซ โซวต ปุย เน่อึม นา ออฮ ติ, เน่อึม นา เอีฮ ติ, ตอก เญือม รกัฮ ปุย เฮงาะ ฮา เบระ โฮ.

อิซยา 43:6

ซ ดวน ปุย ลวง ลั่กล่าวง พลวย อื เกือฮ เอีญ. ซ ซตอก โรฮ ปุย ลวง ลั่กเซฮ โอ เญือะ คัต เวียน อื. ซ เกือฮ กวน รเมะ แตะ ฮอยจ เน่อึม ก ซไง อื. ซ เกือฮ กวน รโปวน แตะ ฮอยจ เน่อึม ลั่ก ลอยจ เตะ เตือ มะลอง.

อิซยา 48:20

ไมจ เปอะ โอก โฮว ฮา เมือง บ่าบี่โลน, ไมจ เปอะ เกือฮ ติ แตะ โปน แปฮ ฮา อื. ไมจ เปอะ ครอฮ ไลลวง เฮี นึง เซียง เรียง แตะ. ไมจ เปอะ รโฮงะ เกือฮ ปุย ฮมอง ฮอยจ ละ ลอยจ เตะ เตือ มะลอง ไม่ รพาวม ไมจ มวน แตะ ตอก เฮี, “พะจาว เอีจ โตฮ จัตเจือ ยาโคป ป มัฮ กวนไจ ยุฮ แตะ,” ไมจ เปอะ อัฮ เซ.

อิซยา 62:11

พะจาว เอีจ ครอฮ เกือฮ ปุย ฮมอง อื ฮอยจ ละ ลอยจ เตะ เตือ มะลอง ตอก เฮี, “ไมจ เปอะ อัฮ ละ ปุย เมือง ซีโยน เซ ตอก เฮี, ป ซ ฮอยจ ละ ซ เรอึม แตะ โม เปะ เกือฮ โปน ฮา ป โอ ไมจ เซ เอีจ ซ ฮอยจ เนอึม. ซ ฮอยจ ไม่ ลังวัน ยุฮ แตะ. ป มัฮ ลังวัน ยุฮ อื เซ เอีจ มัฮ เอิน โม ป ฮอยจ ไม่ อื เซ,” อัฮ เซ.

เยเรมี 31:8

ง่อต แลน, อาึ ซ นัม เมอะ เกือฮ ฮอยจ เน่อึม ลวง ลั่กล่าวง. ซ รโจะ เน่อึม นึง ลอยจ เตะ เตือ มะลอง. โม ป จัก ไง่ ไพ เตะ ไม่ ป คาโด่ ซ ฮอยจ โรฮ ไม่ อื, เตือง ปรโปวน เอีจ โรวก ไม่ โม ป เอีจ ซดิ ซ เติง เคิ รอาวม อื. โม เซ ซ เอีญ ฮอยจ นา เฮี, ซ แปน เอิน ปุย ติ เมือง ระ.

เยเรมี 8:3

ปุย เมือง ฆอก เมือง เบร เฮี, เมาะ ป ไอม ลั่ง อื, ปัง อาวต นา ออฮ นา เอีฮ นา ก เกือฮ อาึ อื อาวต เซ, ซ อาวม ฆวต ยุม แตะ โฮฮ ฮา ฆวต ไอม แตะ,” อัฮ เซ พะจาว ป กุม ตฮัน มะลอง.

เอเซเคียน 36:24

“อาึ ซ ตุย โรวก โม เปะ โอก ฮา เมือง ปุย โฮวน เมือง, ซ รโจะ แม โม เปะ ฮอยจ นึง เมือง โกะ เปอะ ไอฮ.

มัตไท 24:31

เญือม เซ กวน ปุย ปลัฮเตะ เซ ซ ดวน เตปด่า ยุฮ แตะ ฮอยจ ไม่ เซียง โตวต ป ลอยฮ เรียง. เอีจ มัฮ ดวน อื เตปด่า ยุฮ แตะ โฮว รโจะ โม ป เลือก แตะ อาึง เตือง ปาวน ลวง อื ฮอยจ ละ ลอยจ เตะ เตือ มะลอง,” อัฮ เซ.

มาระโก 13:27

เญือม เซ ซ ดวน โม เตปด่า ยุฮ แตะ เกือฮ อื ตุย รโจะ ปุย เลือก แตะ เตือง โอยจ อื, เตือง ปาวน ลวง อื เซ, ฮอยจ ลอยจ เตะ เตือ มะลอง.

5 โมเซ 28:64

พะจาว ซ เกือฮ โม เปะ อาวต เฮีย ลลาึง ปุย โฮวน เมือง เน่อึม นึง ลอยจ เตะ ลวง ลั่กเอีฮ, ฮอยจ ละ ลอยจ เตะ ลวง ลั่กเติต. เญือม อาวต เปอะ นา เซ โม เปะ ซ รซอฮ เปอะ ละ พะ ไฮญ ป มัฮ พะ โอ โม เปะ ไม่ โม จัตเจือ เปอะ ยุง ป มัฮ อื. พะ โม เซ เยอ, เอีจ มัฮ พะ ยุฮ ปุย นึง โคะ ไม่ นึง ซโมะ.