5 โมเซ 18:1 - ้พระคัมภีร์ละว้า

¹ เจอ เลวี ป มัฮ เจอ ซตุ เซ ซ ตัง ฮา เจอ ไฮญ. ซ โฮลฮ โตว รโตง แตะ นึง พริ เตะ เบระ เบรอึม ตอก โม อิซราเอน ไฮญ นึง อื. โม เลวี เซ ซ โซม โอเอีฮ ทไว ปุย ละ พะจาว ป มัฮ ป โซม ป ปอน ทไว ปุย โครยญ เจือ. เอีจ มัฮ เซ ป มัฮ รโตง อื.

5 โมเซ 18:1 ပူးပေါင်းရင်းမြစ်များ

เยเรมี 33:18

โม ซตุ ป มัฮ จัตเจือ เลวี ซ ดุต โตว โรฮ เจือ อื ละ ซ แปน อื ป ซ รซอฮ ละ อาึ นึง กัน ตอง อื ทไว ซัตซิง เตือง ตัว อื, ไม่ ทไว อื เฮงาะ รโกะ ไม่ โอเอีฮ ทไว ปะจัม ปุย โครยญ ซเง่ะ โรฮ’ ” อัฮ เซ.

เอเซเคียน 44:28

ละ โม ป มัฮ ซตุ อู, ไก โตว รโตง นึง เมือง อิซราเอน โนก ฮา กัน แปน อื ซตุ เซ. ลัง โฮลฮ โตว รโตง แตะ นึง พริ เตะ เบระ เบรอึม นึง อื. เอีจ มัฮ เอิน อาึ เฮี ป ลัง โฮลฮ อื ป มัฮ รโตง อื เซ.

4 โมเซ 18:20

“โม เปะ ซ โฮลฮ เปอะ โตว พริ เตะ เบระ เบรอึม นึง ปลัฮเตะ เซ. ซ โฮลฮ เปอะ โตว รโตง แตะ ไม่ ปุย โม เซ. เอีจ มัฮ อาึ ป มัฮ รโตง เปอะ. เอีจ มัฮ อาึ ป มัฮ ป ลัง โฮลฮ เปอะ เซ,” อัฮ เซ ละ อาโรน พะจาว เยอ.

4 โมเซ 26:62

เซน โม เลวี เซ เตือง โอยจ อื ไก 23,000 ปุย. มัฮ โม ปรเมะ ป ไก อาญุ อื เคียง ติ เคิ ฮาวก ก ล่าวง. โม เลวี เซ เมีญ รโจะ โตว อื ไม่ โม อิซราเอน ไฮญ, นึง โอ อื ไก รโตง นึง ปลัฮเตะ รฆุ ปุย เซ.

5 โมเซ 10:9

มัฮ เซ ป โอ โม เลวี เซ โฮลฮ รโตง แตะ นึง พริ เตะ เบระ เบรอึม ตอก เจอ ไฮญ นึง อื ฆาื อื, นึง มัฮ เอิน อื พะจาว ป มัฮ รโตง อื ตัม ป เอีจ ซันญา พะจาว ยุฮ เปอะ อาึง ละ อื.)

5 โมเซ 12:19

โม เปะ ไมจ เปอะ แฮน โอ แตะ ละ โปวฮ โม เลวี เซ, ติ เจน อาวต เปอะ นึง ปลัฮเตะ ยุฮ เปอะ เซ.

โยชูวา 13:14

ไอ โมเซ รฆุ โตว ปลัฮเตะ ละ โม เลวี นึง มัฮ โม เลวี เซ ป ลัง โฮลฮ รโตง แตะ นึง โอเอีฮ ทไว ปุย ละ พะจาว ยุฮ โม อิซราเอน ตัม ป เอีจ ซตอก พะจาว อาึง ละ ไอ โมเซ เซ.

โยชูวา 13:33

ไอ โมเซ ปังเมอ โอ มอป ปลัฮเตะ ละ เจอ เลวี, นึง เอีจ มัฮ พะจาว ทื โม อิซราเอน ป มัฮ รโตง โม เลวี เซ, ตัม ป อัฮ พะจาว ละ อื.

โยชูวา 18:7

โม เลวี ไก โตว รโตง นึง ปลัฮเตะ รฆุ ปุย ตอก โฮลฮ โม เปะ อื, นึง มัฮ โม เลวี เซ ป ลัง แปน ซตุ รซอฮ ละ พะจาว. เอีจ มัฮ กัน แปน อื ซตุ เซ โน่ง ป มัฮ รโตง อื. เจอ กาต ไม่ เจอ รูเบ่น ไม่ เจอ มะนาเซ ตา บลัฮ เจอ, เอีจ โฮลฮ รโตง แตะ นึง ปลัฮเตะ ป ไก บลัฮ โกลง จอแด่น ลวง ลั่ก โอก ซเงะ, ตัม ป เอีจ มอป ไอ โมเซ ป มัฮ กวนไจ ยุฮ พะจาว เซ ละ อื,” อัฮ เซ.