5 โมเซ 10:15 - ้พระคัมภีร์ละว้า

¹⁵ พะจาว เซ ปังเมอ ฮรัก ลั่ง โม จัตเจือ ไพรม เปอะ เซ, ปอ เอิน ปุน เลือก อื โม เปะ เกือฮ เปอะ ตัง โน่ง ฮา ปุย เมือง ไฮญ. เอีจ แปน เนอึม ตอก เซ ฮอยจ ละ ปเลี่ย เฮี.

5 โมเซ 10:15 ပူးပေါင်းရင်းမြစ်များ

ลืลาว 135:4

พะจาว เยอ เอีจ เลือก โม ยาโคป ละ โกะ แตะ ไอฮ, เอีจ เลือก โม อิซราเอน เกือฮ แปน คอง แตะ.

ลืลาว 44:3

กัน โฮลฮ อื ปลัฮเตะ เซ แปน คอง แตะ มัฮ โตว โฮลฮ อื เบือ วิจ ยุฮ โกะ แตะ, มัฮ โตว เบือ เรียง แด่น โกะ อื ไอฮ. มัฮ เบือ อัมนัต ระ ยุฮ ปะ ไม่ เบือ อาวต ปะ ไม่, ป เป อื เบือ อื. เอีจ ที นึง เซ ฮรัก ปะ โม เซ เยอ.

อาโมต 3:2

“ไน ปุย ติ ปลัฮเตะ เฮี มัฮ ปะเทต โม เปะ เฮี โน่ง ป เอีจ เลือก อาึ อาึง เงอ, มัฮ เซ ป ไมจ อาึ เกือฮ โม เปะ ลอก ตุต ตัม มั่ป พิต ยุฮ เปอะ เซ ฆาื อื,” อัฮ เซ.

4 โมเซ 14:8

พะจาว ดัฮ เอะ ปุก รพาวม อื โฮ ตึน ซ นัม เอะ เลียก อาวต นึง เมือง เซ ไม่ ซ เกือฮ อื แปน คอง เอะ. มัฮ เนอึม เมือง ตึม โครยญ โคะ โกะ โครยญ โกลง เอิน.

นังซื รโปะ ปาวโล ละ คริตซจัก เวียง โรม 11:28

โม ยิว แปน ป ตอซู ปุ แตะ ไม่ พะจาว นึง โอ แตะ ญอม เจือ ไลลวง พะเยซู. โอเอีฮ เซ แปน ป โกะ ละ โม เปะ ป มัฮ ปุย ตัง เมือง. พะจาว ปังเมอ ฮรัก โรฮ ลั่ง โม ยิว นึง เอีจ เลือก อื อาึง เบือ จัตเจือ ไพรม อื.

5 โมเซ 4:37

เอีจ เลือก โม เปะ ไม่ นัม อื โม เปะ โอก ฮา เมือง อียิป เบือ อัมนัต ระ ยุฮ โกะ แตะ ไอฮ นึง ฮรัก อื โม จัตเจือ ไพรม เปอะ.

1 เปโตร 2:9

โม เปะ ตอก เปอะ โตว เซ. โม เปะ เอีจ มัฮ เปอะ ปุย เลือก พะจาว, มัฮ เปอะ ซตุ ยุฮ กซัต, มัฮ เปอะ ปุย ซง่ะ ซงอม ติ เมือง, มัฮ เปอะ ปุย ไน พะจาว. พะจาว เอีจ เลือก โม เปะ ละ ซ เกือฮ อื โม เปะ ครอฮ ไลลวง กัน ซัมคัน ยุฮ แตะ. เอีจ กอก โม เปะ โอก เน่อึม ลั่ก เฟียก เอีญ เลียก ลั่ก ซเปีย คึนัก ยุฮ แตะ.