5 โมเซ 1:1 - ้พระคัมภีร์ละว้า

¹ ไลลวง เฮี มัฮ ป อัฮ ไอ โมเซ ละ โม อิซราเอน เญือม อาวต ลั่ง อื นึง ลาึน เวือฮ บลัฮ โกลง จอแด่น ลวง ลั่ก โอก ซเงะ โฮ. นา เซ มัฮ ก อัฮ ปุย ลโลวง อาราบ่า ไม่. ปุก รเตือป ย่วง ซุฟา ซน่ะ ย่วง ปารัน, ไม่ ย่วง โทเฟน, ย่วง ลาบ่าน, ย่วง ฮาเซโรต, ไม่ ย่วง ดี่ซาฮัป.

5 โมเซ 1:1 ပူးပေါင်းရင်းမြစ်များ

1 โมเซ 21:21

มะ อื โฮว ซาวป ปรโปวน เญือะ อื ละ อื นึง เมือง อียิป.

1 กซัต 11:18

โม เซ เยอ โอก เน่อึม นึง นาตี โม มีเดี่ยน ฮอยจ นึง ลาึน ปารัน. บะ โรฮ โรวก โม ป อาวต นึง ลาึน ปารัน เซ โฮว ไม่ แตะ ฮอยจ นึง เมือง อียิป. โฮว เลียก เคะ กซัต ฟาโร เมือง อียิป เซ. ฟาโร เซ เกือฮ โรฮ เญือะ ละ อื ติ ลัง, ฮอยจ ละ ป โซม ป ปอน ไม่ นาตี ก ริ อื โซม เซ โรฮ.

ฮาบ่ากุก 3:3

พะจาว ฮอยจ เน่อึม นึง เมือง เทมัน, พะจาว ซง่ะ ซงอม เซ ฮอยจ เน่อึม นึง บลาวง ปารัน. อัมนัต โญตซัก อื ไก เอิน เลี่ป มะลอง, นึง ปลัฮเตะ นาวก เอิน นึง รซอม ลืลาว ปุย อื.

4 โมเซ 10:12

เญือม เซ โม อิซราเอน โอก โฮว เน่อึม นึง ลาึน ซีไน. ชุต รวู ซัมคัน เซ โฮว ลโล่ะ นึง ลาึน ปารัน.

4 โมเซ 11:35

ฟวยจ เซ ปุย โอก โฮว ฮา คิปโรต ฮัตทาวา ฮอยจ นึง นาตี ฮาเซโรต. ยุฮ แม ไคะ อาวต แตะ นา เซ.

4 โมเซ 12:16

ฟวยจ เซ ปุย โอก ฮา แควน ฮาเซโรต โฮว ยุฮ แม ไคะ อาวต แตะ นึง ลาึน ปารัน.

4 โมเซ 13:3

ไอ โมเซ ยุฮ เนอึม อื ตัม ดวน พะจาว แตะ. เกือฮ อื โอก ฮา ลาึน ปารัน เซ.

4 โมเซ 32:19

เอะ ซ ไอฮ โตว ปลัฮเตะ ป ไก นึง บลัฮ โกลง จอแด่น เซ เฟือฮ เอิน, นึง เอีจ โฮลฮ เอะ ปลัฮเตะ ป ไก บลัฮ โกลง จอแด่น ลวง ลั่ก โอก ซเงะ นึง อื เฮี แปน คอง แตะ,” อัฮ เซ ละ อื.

4 โมเซ 32:32

เอะ ซ เตือง ซองนา พะจาว ฮอยจ นึง เมือง คะนาอัน ละ ซ เรอึม แตะ รุป ดิ ไม่ ปุย ตอก เซ, ปลัฮเตะ ป ซ ไอฮ เอะ แปน คอง แตะ, ปังเมอ มัฮ บลัฮ โกลง จอแด่น ลวง ลั่กเอีฮ เฮี,” อัฮ เซ.

4 โมเซ 32:5

ดัฮ ปุก รพาวม เปอะ, ปัว เปอะ เกือฮ ปลัฮเตะ นา เซ ละ เอะ. ปัว เปอะ โอ เกือฮ เอะ โฮว อาวต นึง บลัฮ โกลง จอแด่น ลวง ลั่กเติต,” อัฮ เซ ละ อื.

4 โมเซ 33:20

ฟวยจ โอก อื ฮา ริมโมนเปเรต เซ, โฮว ยุฮ แม ไคะ อาวต แตะ นึง ลิปนา.

4 โมเซ 33:21

ฟวยจ โอก อื ฮา ลิปนา เซ, โฮว ยุฮ แม ไคะ อาวต แตะ นึง ริตซา.

4 โมเซ 34:15

ปุย ตา ลอา เจอ ไม่ บลัฮ เซ, มัฮ ป อาวต บลัฮ โกลง จอแด่น ลวง ลั่ก โอก ซเงะ ปุก รเตือป เมือง เยรีโค,” อัฮ เซ.

4 โมเซ 35:14

นึง บลัฮ โกลง จอแด่น ลวง ลั่ก โอก ซเงะ เซ ลอวย เมือง, นึง ปลัฮเตะ คะนาอัน เซ ลอวย เมือง.

5 โมเซ 2:8

เคียง เซ เอะ ลอต เนอึม โฮว เวีย โม เอียกปุ แตะ ป มัฮ จัตเจือ เอซาว ป อาวต นึง บลาวง เอโด่ม เซ. ลอต โอก ฮา คระ ลโลวง อาราบ่า ป มัฮ คระ โฮว ปุย นึง ย่วง เอลัต ไม่ ย่วง เอซิโอน เกเบ่อ, โฮว โวก คระ ลาึน เวือฮ ลวง ลั่ก โอก ซเงะ เมือง โมอัป.

5 โมเซ 27:1

เญือม เซ ไอ โมเซ ไม่ โม ป กวต ป เฮียง ไน โม อิซราเอน. อัฮ อื ละ โม ลัปซด่อน เซ ตอก เฮี, “ไมจ เปอะ ยุฮ ตัม ลปุง ซตอก อาึ ละ เปอะ ไน ซเงะ เนาะ เฮี โครยญ เจือ.

5 โมเซ 29:1

เคียง เฮี โฮว มัฮ ลปุง ซันญา ยุฮ พะจาว ป ดวน อื ไอ โมเซ รโฮงะ ละ โม อิซราเอน นึง เมือง โมอัป, มัฮ โนก ฮา ลปุง ซันญา ป เอีจ เกือฮ อื ละ อื นึง บลาวง ซีไน เซ.

5 โมเซ 31:1

ไอ โมเซ อัฮ ลั่ง โอเอีฮ ละ โม อิซราเอน ลั่ง.

5 โมเซ 33:2

อัฮ อื ตอก เฮี, พะจาว เลีฮ เน่อึม นึง บลาวง ซีไน, ซอต ซเปีย แตะ เน่อึม นึง บลาวง เซอี ละ ปุย เตือง โอยจ อื. พะจาว ซอต โรฮ ซเปีย แตะ เน่อึม นึง บลาวง ปารัน. พะจาว ฮอยจ ไม่ โม ป ซง่ะ ซงอม ยุฮ แตะ แปน ฮมาึนๆ แตะ. นึง เตะ ดอม อื เซ ไก รเออึป งอ นึง.

5 โมเซ 5:1

ไอ โมเซ กอก โม อิซราเอน โพรม ไม่ ปุ แตะ. เญือม เซ อัฮ เฮี ละ อื, โม เปะ ป มัฮ โม อิซราเอน, ไมจ เปอะ ง่อต โกตไม ป ซ อัฮ อาึ ละ เปอะ ซเงะ เนาะ เฮี เตือง โอยจ อื. เกือฮ ติ เปอะ ไตม อาึง ไม่ ยุฮ เปอะ ตัม เซ โครยญ เจือ.

โยชูวา 22:4

ปเลี่ย เฮี พะจาว ยุฮ เปอะ เอีจ เกือฮ เนอึม โม เอียกปุ เปอะ โฮลฮ อาวต ลโล่ะ ไมจ มวน ตอก เอีจ ซันญา อื อาึง ละ อื. เคียง มัฮ อื ตอก เซ โม เปะ เอีญ ฮอยจ นึง เญือะ นึง ย่วง เปอะ เมิฮ. เอีญ ฮอยจ นึง เมือง ป มัฮ นาตี เอีจ มอป ไอ โมเซ กวนไจ ยุฮ พะจาว เซ ละ เปอะ, ป ไก นึง บลัฮ โกลง จอแด่น ลวง ลั่ก โอก ซเงะ เซ.

โยชูวา 3:16

เมาะ บึน โม ซตุ เซ โกลง จอแด่น, รอาวม ป ปัต เลีฮ เน่อึม ก ล่าวง เซ อาวต เอิน เน่อึม นึง ย่วง อาดั่ม แควน เซเรทัน ก ซไง อื. ไฮจ ซออฮ เอิน. เญือะ ไก โตว รอาวม ปัต ฮอยจ ละ ปลัฮ รอาวม ยุม เฟือฮ เอิน. ปุย โฮลฮ เอิน เตือง ซไบ่ รเตือป เมือง เยรีโค ฆาื อื.

โยชูวา 9:1

โม กซัต ป อาวต บลัฮ โกลง จอแด่น ลวง ลั่ก เลียก ซเงะ เซ, เน่อึม นึง ก เซฮ อื, ฮอยจ ละ เมือง เลบ่านอน ก ล่าวง อื, ฮมอง ไลลวง ป ยุฮ โม อิซราเอน เซ. โม เซ อาวต นึง บลาวง ฮลาวง ง่อน, อาวต นึง ตู เตียม ง่อน, อาวต เฆียง ปลัฮ รอาวม ระ ง่อน. โม เซ เยอ มัฮ โม ฮิตไท, โม อาโมไร, โม คะนาอัน, โม เปริซี, โม ฮีไว ไม่ โม เยบุ่ต.

โยชูวา 9:10

ฮมอง โรฮ โฮะ โอเอีฮ ป ยุฮ อื ละ กซัต ยุฮ โม อาโมไร ลอา ปุย ป มัฮ ซีโฮน กซัต เมือง เฮตโบ่น ไม่ โอก กซัต เมือง บ่าชัน ป อาวต เวียง อัตทาโรต โฮ. กซัต ลอา เซ อาวต บลัฮ โกลง จอแด่น ลวง ลั่ก โอก ซเงะ.

1 ซามูเอน 25:1

เญือม ยุม ซามูเอน เซ, โม อิซราเอน รโจะ ดิ, เยือม ยุม อื เตือง มู แตะ, ฟวยจ เซ โฮว รมอยจ อื นึง ย่วง รามา ป มัฮ ย่วง โกะ อื เซ. ด่าวิต เซ ลอต โฮว อาวต นึง ลาึน ปารัน.