อาโมต 9:1 - ้พระคัมภีร์ละว้า

¹ อาึ ยุ ชุง พะจาว โบ คัน ทไว ปุย โอเอีฮ. พะจาว อัฮ เฮี เนิ, “ไมจ เปอะ ปุฮ เปือง ด่อง วิฮัน เฮี. ปุฮ เรียง ปอ ดุงเดียง อื ยุฮ เน่อึม วิฮัน เซ. ไมจ เปอะ เกือฮ ซโมะ เซ ม่ะ ปอ บลวย อื, เกือฮ ดุฮ ราว ไกญ โม ลัปซด่อน เตือง โอยจ อื. ป โอ อื ยุม นึง ลอก ซโมะ แตะ เซ อาึ ซ ยุฮ แม ยุม ไม่ นึง กัน รุป. ไก โตว ป ซ เกียฮ ตอ ฮา อื. ไก โตว ติ ปุย เนอึม ป ซ โปน อื ฮา ยุม แตะ.

อาโมต 9:1 ပူးပေါင်းရင်းမြစ်များ

4 กซัต 18:18

มีคายา อัฮ แม เฮี ละ อื, “ปเลี่ย เฮี ปัว เปอะ ง่อต ป อัฮ พะจาว, อาึ เอีจ ยุ งาวม พะจาว นึง เบือง ก งาวม แตะ นึง เมือง มะลอง. โม เตปด่า ยุฮ อื เซ ชุง ลวง วิ อื ง่อน, ชุง แม ลวง ดอม อื ง่อน.

ลืลาว 68:21

โม ป ตอซู ไม่ อื พะจาว ปังเมอ ลาวป ไกญ อื เกือฮ ม่ะ, มัฮ อัฮ ฮะ ไม่ โม ป ยุฮ ลอป ตัม กัมกุยฮ ฆอก แตะ เซ.

ลืลาว 68:22

พะจาว อัฮ อื ตอก เฮี, “อาึ ซ ตาว แม โม ป ตอซู ปุ แตะ ไม่ เปอะ เซ ฮอยจ เน่อึม นึง เมือง บ่าชัน. ซ กอก โรฮ โอก เน่อึม นึง ปลัฮ รอาวม โด่ะ เซ ละ ซ ฮอยจ อื เคะ เปอะ.

อิซยา 30:16

โม เปะ เอีจ ง่อต เปอะ ตอก ซ โฮลฮ แตะ บุก บรอง ไกลจ ละ ซ ตอ เปอะ ฮา ป รุป ไม่ แตะ, ซ โฮลฮ เนอึม เปอะ ตอ ตอก เซ. โม เปะ เอีจ แกต โรฮ เปอะ ไกลจ บรอง บุก แตะ เซ, ป มัฮ บรอง บุก โม ป อาื รุป ไม่ เปอะ เซ ปังเมอ ไกลจ แม ฮา เซ.

อิซยา 6:1

ไน เนอึม ยุม กซัต อุตซียา เยอ, อาึ โฮลฮ ยุ พะจาว งาวม ก ฮลาวง อื. มัฮ ตังอี คึนัก ก งาวม อื เซ. ลปิ อื เซ ดา ปอ นาวก เอิน อื ยุฮ วิฮัน.

เยเรมี 11:11

ปเลี่ย เฮี อาึ ป มัฮ พะจาว อัฮ ลปุง เฮี ละ ตัม เนอึม อื. อาึ ซ เกือฮ ป โตะ ป ตอง เกิต ละ อื ไม่ โอ อื ซ ไก ตอก โปน เฟือฮ เอิน. ปัง ปัว อาึ เรอึม แตะ ไม่ เยือม แตะ ญุ่ก, อาึ ซ ง่อต โตว ป อัฮ อื.

เยเรมี 42:16

กัน รุป ปุย ปุ แตะ ป ฮลัต โม เปะ นึง เซ ซ อาื โม เปะ ฮอยจ นึง เมือง อียิป เซ ฆาื อื. กัน ไปลญ เออึป ป รไจจ เปอะ นึง เซ ซ เครอึป โรฮ โม เปะ นึง เมือง อียิป เซ โรฮ. ซ ยุม เปอะ ฆาื นา เซ.

เยเรมี 48:44

“ดัฮ ไก ป ริ ตอ ฮา กัน โตวฮ ฆราึง เซ ซ ดุฮ โตะ ครุฮ. ดัฮ ไก ป ริ โอก ฮา โตะ ครุฮ เซ ซ เคริ เอิน แฮวะ ซราว เซ, นึง เอีจ เติง ซเงะ พัต ซาวม จี อาึ ละ ซ เกือฮ อื เมือง โมอัป ไลจ โลม,” อัฮ เซ พะจาว.

เอเซเคียน 1:28

รัง ซเปีย ป ชวน เนอะ โอก อื เน่อึม นึง อื เซ, โฮวน ซี ตอก ซี รยุง โฮ. เอีจ มัฮ ตอก เซ ตอก เปลีฮ ซเปีย คึนัก ยุฮ พะจาว ติ แตะ เนิ อี. เญือม ชวน อาึ โอเอีฮ ตอก เซ เยอ อาึ วัต เอิน ติ แตะ ฆลาื รเคอึป เอิน เนอะ ลังเตะ. ฟวยจ เซ อาึ ฮมอง แม โรฮ เซียง ปุย ติ.

เอเซเคียน 10:4

เญือม เซ รัง ซเปีย คึนัก ยุฮ พะจาว เยอ, ฮาวก ฮา โม เตปด่า ไก โพรยจ เซ, ลอต โอก นึง คระ โตะ รเวือะ วิฮัน เซ. ชุต รวู เยอ เลีฮ เลอึป เอิน โรฮ วิฮัน ยุฮ พะจาว เซ ปอ ไฆลป เอิน อื. นึง ควง วิฮัน เซ นาวก เอิน โรฮ นึง รัง ซเปีย คึนัก ยุฮ พะจาว เซ.

เอเซเคียน 15:7

อาึ ซ ตอซู ปุ แตะ ไม่ โม เซ. ปัง เอีจ โฮลฮ โม เซ ตอ โอก ฮา งอ ติ โฮน, ปังเมอ ซ ฮะ ลั่ง นึง งอ. เญือม เอีจ ตอซู อาึ ไม่ โม เซ เยอ, ปะ ซ ยุง เปอะ ฆาื อื มัฮ อาึ พะจาว เยอ.

เอเซเคียน 9:2

เญือม เซ อาึ ยุ ปรเมะ แลฮ ปุย เลียก ดิ เน่อึม นึง โตะ รเวือะ ลวง ลั่กล่าวง นึง อื. โม เซ เยอ ไก ตื วิจ ยุฮ ไม่ เพลียฮ ละ ซ ยุฮ แตะ ไลจ ไม่ โอเอีฮ. ไก แม ปรเมะ ติ ปุย จาวป เครอึง พา แนน ไมจ. ซเยี่อก โรฮ ปุ โฮว เอิป ป ไก ควน ไซฮ แตะ โอเอีฮ นึง, โอก โฮว ดิ ไม่ ปุย โม เซ. โฮว ชุง ดิ นึง เฆียง คัน ทไว ป ยุฮ ปุย นึง ไร ซเงี เซ.

อาโมต 3:14

ซเงะ ซ เกือฮ อาึ โม อิซราเอน ลอก ตุต แตะ ฆาื เอีจ โฮวน ลอน มั่ป พิต ยุฮ อื เซ, อาึ ซ เญื่อฮ คัน ทไว ยุฮ อื นึง ย่วง เบ่ตเอน เซ โครยญ โดฮ. ป มัฮ โด่วง ไก นึง โจง คัน เซ ซ กิต ปุย เกือฮ ดุฮ ลังเตะ.

อาโมต 7:17

เคียง มัฮ อื ตอก เซ พะจาว อัฮ เฮี ละ เปอะ ฆาื อื, “อามาซิยา, ปรโปวน เญือะ เปอะ ซ แปน เยือ ปรโปวน โชะ ติ แตะ นึง โตะ เมือง. กวน รเมะ กวน รโปวน เปอะ ซ ยุม นึง กัน รุป. บั่นเมือง อาวต เปอะ ซ รฆุ ปุย ละ ปุย ไฮญ. ตัว โกะ เปอะ ซ ยุม เยือ นึง เมือง ป โอ ยุง พะจาว. โม อิซราเอน แจง ซ โฮลฮ โฮว แปน ครา นึง เมือง ปุย ป ซไง ฮา เมือง โกะ แตะ,” อัฮ เซ.

อาโมต 7:9

ป มัฮ นา ก ไว โม จัตเจือ ยิซฮัก เซ อาึ, ซ แปน เอิน ป เญื่อฮ ป ไลจ เยือ. ป มัฮ นาตี ซัมคัน ยุฮ โม อิซราเอน ซ แปน เอิน ป ม่าวง ป ฮัง เยือ. อาึ ซ โกฮ ตอซู ไม่ โม จัตเจือ กซัต เยโรโบ่อัม นึง วิจ,” อัฮ เซ พะจาว เยอ.

ฮาบ่ากุก 3:13

ปะ เอีจ มัฮ ฮอยจ เรอึม เปอะ โม ป มัฮ ปุย ไน แตะ เกือฮ โปน ฮา ป โอ ไมจ, ไม่ เรอึม เปอะ กซัต ป เอีจ เลือก แตะ อาึง เซ. ปะ เอีจ ยุฮ เปอะ ยุม ไม่ ฮัวนา จัตเจือ ปุย ฆอก ปุย เบร, ไม่ ยุฮ เปอะ ไลจ ไม่ โม ป มัฮ ไม่ อื.

เซฟันยา 1:12

เญือม เซ อาึ ซ เตี ออม ละ ซ ซาวป แตะ กวต เวียง เยรูซาเลม นึง, ซ เกือฮ ปุย นึง อื ลอก ตุต แตะ. โม เซ มัฮ ป อาวต ซไบ่ ซบ่วง ตอก ไปล อะงุน ป โอ ปุย เรฮ ไป เรฮ มา โฮ. มัฮ โรฮ โม ป อัฮ โตะ รพาวม โกะ แตะ ตอก เฮี, ‘พะจาว แจง โอ อื ซ ยุฮ โอเอีฮ ติ เจือ เนอึม, ปัง มัฮ ป โซะ ปัง มัฮ ป ไมจ,’ อัฮ เซ โม เซ.

เซฟันยา 2:14

นา เซ ซ ลอต เอิน แปน นา ก อาวต ซัตซิง นึง โครยญ เจือ. ซ ไอจ ซไบ่ ซบ่วง เอิน นึง อื เตือง โกะพริ โกะย่วง, จัก ปอยฮ ฆอยฮ ฆวต ซ อาวต ตื นึง อื. ป มัฮ ปลักโปลฮ แตวะ ซ ซาวป จัป นึง เปือง ด่อง โฮวน นึง อื, ไม่ ซ รัก อื เน่อึม นึง นาตัง นึง อื. รงั่ก ซ อัก โรฮ เน่อึม นึง ไกญ รเวือะ นึง อื, โอเอีฮ ไมจๆ ป ยุฮ ปุย นึง โคะ โซน ซีด่า เซ ซ อาวต เยือ นึง เฮละ นึง กอยจ.

โยฮัน 1:18

ไก โตว ติ ปุย เนอึม ป โฮลฮ ยุ พะจาว. ป มัฮ กวน ติ อื เซ ป อาวต ลอป ซดิ ไม่ เปือะ แตะ เซ, เอีจ เปลีฮ ตอก มัฮ ตอก มอยฮ พะจาว ละ ปุย.

โยฮัน 1:32

โยฮัน เซ รโฮงะ แม ไลลวง อื ตอก เฮี, “อาึ ชวน เลีฮ ลปุ พะจาว เน่อึม มะลอง ตอก รโกะ เกอื โฮ. เลีฮ อาวต นึง ปุย เซ.

กันไกญกอ 26:13

โอ กซัต อะกริพา, ง่อต แลน เมอะ, เญือม ง่อน ซเงะ ลไล โฮว เยอะ นึง คระ เซ, อาึ โฮลฮ ยุ รัง ซเปีย ซอต เลีฮ เน่อึม มะลอง, เรียง เอิน ฮา รฌิญ ซเงะ, รวิต อาึ ไม่ ป โฮว ไม่ เยอะ เซ.

โยชูวา 10:18

โยชูวา อัฮ เฮี, “ไมจ เปอะ ลฆุยฮ ซโมะ ระ นา เซ เกลาะ โตะ ทัม เซ นึง, เกือฮ แม ปุย อาวต มอง ญัม นา เซ ง่อน.

รโฮงะ 1:17

เญือม ยุ อุ ตอก เซ อาึ เบฮ เอิน โบ ชวง อื ตอก ป ยุม โฮ. เญือม เซ ปุย เซ พรอก เตะ ดอม แตะ ราว อาึ, อัฮ เฮี เนิ, “ปุ ฮลัต นึง โอเอีฮ ฮี. อาึ มัฮ ป รกา ไม่ ป รเคะ.

รโฮงะ 8:3

ไก แม เตปด่า ติ เลียก ชุง โบ คัน ทไว เซ. ไปญ ซโลวง ไคร. ไก ป เกือฮ ป ซออย ฮงาื ละ โฮวน, ละ ซ รไม่ อื ไม่ รซอม ไววอน ปุย ไน พะจาว โครยญ โฆะ อื, ทไว อื ละ พะจาว ราว คัน ไคร ป อาวต ลั่กกา ก งาวม คึ เซ.