อาโมต 1:8 - ้พระคัมภีร์ละว้า

⁸ อาึ ซ ยุฮ ไลจ ไม่ โม ป ตัตเตียง เมือง อัตชโด่ต ไม่ อัตเคโลน เซ แกล เอิน, ไม่ ซ ยุฮ โรฮ ไลจ ไม่ เมือง เอโครน. เญือม เซ โม ฟีลิซเตีย เมาะ ป โฮฮ ลั่ง อื อาึ ซ ยุฮ ยุม ไม่ แกล เอิน,” อัฮ เซ พะจาว เยโฮวา เยอ.

อาโมต 1:8 ပူးပေါင်းရင်းမြစ်များ

4 กซัต 26:6

ติ โฮน อื, กซัต อุตซียา โฮว รุป ปุ แตะ ไม่ โม ฟีลิซเตีย. ลอต โฮว ยุฮ ไลจ ไม่ ฆรุง เวียง กัต, ฆรุง เวียง ยัปเน, ไม่ ฆรุง เวียง อัตชโด่ต. ฟวยจ เซ โฮว ซาวป แม โรฮ ยุฮ ปอม อาวต ตฮัน นึง นาตี เวียง อัตชโด่ต เซ, ฮอยจ ละ นา ก อาวต โม ฟีลิซเตีย โฮวน โดฮ.

ลืลาว 81:14

มัฮ ยุฮ อื ตอก เซ, อาึ ซ เกือฮ โม ป ตอซู ปุ แตะ ไม่ อื เซ ไป นึง อื ไกลจๆ เอิน. อาึ ซ เกือฮ เป โม ป เกละยุ อื เซ เตือง โอยจ อื.

อิซยา 1:25

อาึ ซ เกือฮ โม เปะ อาวม เตะ แตะ, อาึ ซ โล โม เปะ นึง เบิ่ง เกือฮ ซง่ะ ตอก โล ปุย แฮ เกือฮ ซง่ะ ฮา ครัม โอเอีฮ ป โอ ไมจ นึง อื โฮ.

อิซยา 20:1

ติ โฮน อื ซากอน ป มัฮ กซัต นึง เมือง อัตซีเรีย, เกือฮ ฮัวนา ตฮัน โฮว ดิ ไม่ โม ตฮัน ยุฮ แตะ, ละ ซ รุป อื ปุ แตะ ไม่ เวียง อัตชโด่ต, ป ไก นึง เมือง ฟีลิซเตีย. เป เมือง เซ ไม่ ลอต เอิน อื โฮลฮ กุม.

เยเรมี 47:1

กา เฆียง ฮอยจ กซัต เมือง อียิป ละ ซ ตอซู อื ปุ แตะ ไม่ เมือง กาซา, ลปุง พะจาว ป เกว ไม่ โม ฟีลิซเตีย ฮอยจ ละ เยเรมี ป มัฮ ป ซึป ลปุง พะจาว.

เอเซเคียน 25:16

เคียง ยุฮ อื ตอก เซ อาึ ป มัฮ พะจาว เยโฮวา รโฮงะ ตอก เฮี, อาึ ซ ตอซู ไม่ โม ฟีลิซเตีย เกือฮ ยุม โอยจ เอิน. ซ ยุฮ โรฮ ไลจ ไม่ โม เครีที ไม่ โม ป อาวต นึง เตะ ลโลวง เฆียง ปลัฮ รพาวม เซ เตือง โอยจ อื.

โยเอน 3:4

“เออ, โม เปะ ป อาวต เมือง ไทระ เมือง ไซด่อน, ไม่ ป อาวต นึง เมือง ฟีลิซเตีย โครยญ ย่วง, โม เปะ อัม มัฮ แกต เปอะ ติ แตะ ซ ปุน โรก เวน ละ อาึ นึง ป ยุฮ เปอะ เซ? ดัฮ เปอะ แกต ตอก เซ โฮ, อาึ ซ ลเตือฮ เอิน โรก ละ โม โกะ เปอะ ไอฮ ฆาื อื จุบั่น ตัน ด่วน เอิน.

อาโมต 1:7

อาึ ซ เกือฮ เอิน งอ เลีฮ นึง ฆรุง เวียง กาซา เซ ฆาื อื ปอ ฮะ ล่อยญ อื ฮอยจ ละ ปอม ตฮัน นึง อื.

อาโมต 3:9

ไมจ เปอะ ครอฮ ละ โม ป อาวต นึง เญือะ กซัต เวียง อัตชโด่ต ไม่ นึง เมือง อียิป เซ ตอก เฮี, “ไมจ เปอะ ฮอยจ รโจะ ดิ ไม่ ปุ แตะ นึง บลาวง ซามาเรีย ละ ซ ยุ ที เปอะ เมาะ ซุกซัก โอเอีฮ ไม่ กัน โคมเฮง ป กัมลัง เกิต ละ ปุย นึง เวียง เซ,” อัฮ เซ.

โอบ่าดี่ 1:18

โม จัตเจือ ยาโคป ซ แปน ตอก งอ. โม จัตเจือ โยเซป ซ แปน โรฮ ตอก งอ รเออึป โฮ. โม จัตเจือ เอซาว เยอ ปังเมอ มัฮ เยือ ตอก โงว เบระ โฮ. งอ โม เซ ซ ฮะ เอิน ยุฮ อื ปอ โอยจ แกล เอิน อื. โม จัตเจือ เอซาว เซ เญาะ ซ ไก โตว ป โปน ฮา ยุม แตะ นึง อื ติ ตื เนอึม, นึง มัฮ อื พะจาว ป เอีจ อัฮ อาึง ตอก เซ.

เซคาริยา 13:7

พะจาว กุม ตฮัน มะลอง อัฮ เฮี, “เออ วิจ, โกฮ ตอซู ไม่ ป เลียง แกะ ยุฮ อาึ อื เมิฮ. ไมจ เปอะ ตอซู ไม่ ปุย เซ ป ซดิ ไม่ อาึ เซ. ไมจ เปอะ ยุฮ เอิน ยุม ไม่ อื, เกือฮ แกะ เซ แตกฟุง เฮียไฮ ติ แตะ. อาึ ซ ลเตือฮ ตอซู ไม่ แกะ แตวะ โม เซ.

เซคาริยา 9:5

เญือม ยุ ปุย เวียง อัตเคโลน โอเอีฮ ตอก เซ เยอ, ซ ฮลัต เตีจ ฆาื อื. ปุย เวียง เอโครน ซ ตอก โรฮ เซ, นึง เอีจ ไฆร โอยจ ควน ซโอว รพาวม อื. เวียง กาซา เญือะ ซ ไก โตว กซัต นึง, เวียง อัตเคโลน เญือะ ซ ไก โตว โรฮ ป อาวต นึง.

เซคาริยา 9:6

เวียง อัตชโด่ต ซ ฮอยจ อาวต ปุย นัมพา นึง. พะจาว อัฮ เฮี, “อาึ ซ เกือฮ โม ฟีลิซเตีย ป เกียฮ ฮุน เซ โฮลฮ แปน ป ตุ ป เตียม.

1 ซามูเอน 6:17

โม ฟีลิซเตีย เซ, เกือฮ โมวก เซ โรวก ฮุป เบราะ เบิ ป มัฮ ไคร เซ ละ ทไว อื ละ พะจาว แปน ควน รไซจ อื พิต โฌวะ ยุฮ แตะ เซ. ฮุป เซ มัฮ รโตง เมือง อัตชโด่ต, เมือง กาซา, เมือง อัตเคโลน, เมือง กัต, ไม่ เมือง เอโครน, ติ เมือง ติ.