กันไกญกอ 2:28 - ้พระคัมภีร์ละว้า

²⁸ ปะ เอีจ เกือฮ เปอะ อาึ ยุง คระ ฮอยจ ละ จีวิต แตะ, ไม่ ซ เกือฮ เปอะ อาึ มวน รพาวม กุมปอ นึง อาวต เปอะ ไม่ เยอะ,’ อัฮ เซ ด่าวิต เตอ.

กันไกญกอ 2:28 ပူးပေါင်းရင်းမြစ်များ

ลืลาว 16:11

ปะ เอีจ เกือฮ เปอะ อาึ ยุง คระ ฮอยจ ละ จีวิต แตะ, ไม่ ซ เกือฮ เปอะ อาึ มวน รพาวม กุมปอ นึง อาวต เปอะ ไม่ เยอะ. เญือม โฮลฮ อาวต ไม่ ปะ อา มัฮ เนอึม ป ไมจ ป มวน โอ เญาะ ไก ลอยจ.

ลืลาว 17:15

อาึ ปังเมอ ซ โฮลฮ เอิน ยุ นา ปะ, นึง เอีจ โฮลฮ โฮะ แปน ปุย ซืไซ. เญือม ซ โปวะ เน่อึม ไอจ แตะ อาึ ซ โฮลฮ รพาวม ไมจ มวน แตะ นึง โฮลฮ แตะ ยุ ปะ.

ลืลาว 21:4

เญือม ปัว อื จีวิต นึง เปอะ, ปะ เอีจ เกือฮ เนอึม เปอะ จีวิต ลั่ง ไอม ละ, ไม่ ไมจ ป ยุ เคราะ ป ฮมอง แตะ โอ เญาะ ไก ลอยจ.

ลืลาว 21:6

ป ไมจ ป ญุ่ก ป เกือฮ เปอะ ละ อื มัฮ ป ไก ลอป โอ เญาะ ไก ลอยจ. มัฮ เซ ป โฮลฮ กซัต เซ รพาวม ไมจ มวน แตะ เบือ อื, นึง อาวต ปะ ไม่ อื.

ลืลาว 25:4

โอ พะจาว, ปัว เปอะ เพอึก อาึ เกือฮ ยุง คระ โครง ยุฮ เปอะ, ไม่ เพอึก เปอะ อาึ เกือฮ โฮว นึง คระ โครง ยุฮ เปอะ เซ.

ลืลาว 42:5

อาึ อัฮ ละ โกะ แตะ ตอก เฮี, “เมอยุ เกือฮ ติ แตะ อาวต แนฮ ไม่ ตุก เปละ นัน พาวม แตะ? เมอยุ เกือฮ ติ แตะ ไลจ ลอป รพาวม เมอ? ไมจ อาึ เกือฮ ติ แตะ ซโอว รพาวม ไม่ พะจาว. ซ ไก ติ ซเงะ เญือม ซ โฮลฮ แม เยอะ ลืลาว พะจาว ยุฮ แตะ, ป เกือฮ อาึ โปน ป โอ ไมจ เซ.” อาึ อัฮ เซ โตะ รพาวม แตะ.

ซตอกรเง่อึม 2:19

โม ป ฮอยจ เคะ ปรโปวน ตอก เซ เญาะ ซ โฮลฮ โตว ลเตือฮ แม ติ ปุย เนอึม. เญาะ โฮลฮ โตว เอีญ แม นึง คระ จีวิต แตะ เฟือฮ.

ซตอกรเง่อึม 8:20

คระ โฮว อาึ อื มัฮ คระ ปุก คระ ลอก, ไม่ เกือฮ ปุย ยุฮ โอเอีฮ ตัม ซื ตัม ไซ อื โครยญ เจือ.

โยฮัน 14:6

พะเยซู อัฮ เฮี ละ อื, “อาึ มัฮ ฮะ คระ เซ, มัฮ ลปุง เนอึม, มัฮ จีวิต. ไก โตว ป ฮอยจ เคะ เปือะ เกอะ โนก ฮา คระ ยุฮ อาึ อื.

กันไกญกอ 2:27

ปะ แจง โอ เปอะ ซ ละ โปวฮ ลปุ อาึ นึง เมือง ป ยุม, ไม่ โอ เปอะ ซ เกือฮ กวนไจ เนอึม รพาวม ยุฮ เปอะ ซเออึม ลโฮก เกอ.

กันไกญกอ 2:29

“เอียกปุ, ไลลวง ด่าวิต ป มัฮ จัตเจือ ไพรม เอะ เซ, อาึ ซ อัฮ ซโตฮ ละ เปอะ. ด่าวิต เซ เอีจ ยุม. ปุย เอีจ รปาึง อื. เบือง รมอยจ อื เซ ไก ลั่ง เมือง เอะ ฮอยจ ปเลี่ย.

ฮีบรู 12:2

ไมจ เอะ แก แนฮ พะเยซู นึง มัฮ อื ป นัม รพาวม เจือ เอะ เน่อึม เมือ โรง อื ฮอยจ ละ เกือฮ อื รพาวม เจือ เอะ กุมปอ โครยญ เจือ. เอีจ ปุน โอต ป โซะ นึง ไมะซาวแควง. ง่อต โตว ไลลวง ซ โซะกิจ แตะ นึง เคิง ปุย แตะ ตอก เซ, นึง ง่อต อื รพาวม ไมจ มวน ป ซ ไก ลั่กกา แตะ. ปเลี่ย เฮี โฮลฮ งาวม ลวง ดอม ก งาวม คึนัก ยุฮ พะจาว.