กันไกญกอ 1:26 - ้พระคัมภีร์ละว้า

²⁶ โม ลุกซิก เรียก โคะ นึง ปุย ลอา เซ. เญือม เอีจ ฟวยจ โซวต อื โคะ เซ ปุก มัตเทีย. มัตเทีย เซ ลอต แปน ป โฮว ฆรอ ลปุง ตัง พะเยซู ไม่ ปุย กาว โรฮ ติ เซ.

กันไกญกอ 1:26 ပူးပေါင်းရင်းမြစ်များ

3 กซัต 24:5

เกือฮ แม โรฮ โม เซ โจก เบ่อ ไม่ ปุ แตะ ละ เมกไม อื เวน นึง กัน ลัง ยุฮ แตะ, นึง เอีจ ไก ป เกียฮ แปน ป รัป พิต ชอป นึง กัน แลน แก ฮอง ซัมคัน ไม่ กัน พะจาว นึง เตือง โอยจ อื เตือง จัตเจือ เอเลอาซา ไม่ จัตเจือ อิทามา นึง อื.

เนฮะมี 10:34

“โม เอะ ป มัฮ โม ลัปซด่อน เตือง โอยจ เจอะ, ไม่ โม ซตุ, ไม่ โม เลวี, ซ โจก เบ่อ นึง ตัม ซฆลาวม อาวต แตะ โครยญ เนอึม ละ ซ เกือฮ ติ แตะ ยุง ป ลัง ตาว เคิ นึง วิฮัน เซ, ละ ซ ตอง ปุย ป ทไว แตะ นึง ละ เยโฮวา ป มัฮ พะจาว ยุฮ เอะ, ตัม ป ไซฮ ปุย อาึง นึง โกตไม ยุฮ อื เซ.

เนฮะมี 11:1

โม ป มัฮ ฮัวนา ปุย นึง อื ลอต อาวต นึง เวียง เยรูซาเลม เซ. โนก ฮา เซ โม ลัปซด่อน โจก เบ่อ นึง อื. ไน ปุย กาว ปุน ซ เกือฮ อื อาวต นึง เวียง เยรูซาเลม ป มัฮ เมือง ซัมคัน เซ ติ ปุน, เตอึม เญือะ ป ปุก เบ่อ อาวต เซ, ปุย ตา ซไตม ปุน นึง อื เซ แปน ลั่ง อาวต นึง ย่วง ก ไฮญ.

ซตอกรเง่อึม 16:22

ละ โม ป ไมจ พันญา เยอ, กัมกึต วิไซ ไมจ เจอ มัฮ ตอก รอาวม ปลาึฮ ป เกือฮ จีวิต ละ อื. ละ ปุย งาว เยอ กัน งาว อื เซ ปังเมอ แปน เอิน ตุต ละ อื.

ซตอกรเง่อึม 16:33

ปุย กอ โจก เบ่อ ละ ซ ตัตซิน แตะ โอเอีฮ. กัน ตัตซิน ป ปุก ป ลอก เกอ ปังเมอ ฮอยจ เน่อึม นึง พะจาว.

3 โมเซ 16:8

ไมจ อื โจก เบ่อ นึง ปิ ลอา ตัว เซ. ติ ตัว อื ลัง ทไว อื ละ พะจาว. ติ ตัว อื เซ ลัง พลวย อื แปน ปิ โรวก มั่ป ยุฮ ปุย.

โยนา 1:7

เญือม เซ ป อาวต นึง ซปาว เซ อู ดิ ฆาื อื ไม่ ปุ แตะ. “ไมจ เอะ ซโปก แลน เดอึม ซ ยุง ตัว ป พิต ลลาึง เอะ เฮี, ป มัฮ ควน ฆาื นึง กัน เกิต ป ญัก ป นอ ละ เอะ ฆาื อื,” อัฮ เซ. ซโปก เนอึม อื. ปุก โยนา.

มาระโก 6:30

ฟวยจ เซ โม ป โฮว ฆรอ ลปุง ตัง พะเยซู เซ เอีญ เน่อึม โฮว แตะ, รโฮงะ กัน ยุฮ แตะ ละ พะเยซู ไม่ รซอม เพอึก ตอม แตะ ปุย โครยญ เจือ.

กันไกญกอ 1:23

โม เซ ลอต เอิน เมก มอยฮ ปุย ลอา ปุย. มัฮ โยเซป ติ ไม่ มัตเทีย ติ. (โยเซป เซ ปุย อัฮ บ่าระซาบ่า ละ อื ง่อน. อัฮ โรฮ ยุซโท ละ อื ง่อน.)

กันไกญกอ 13:19

เญือม เซ พะจาว ยุฮ ไลจ ไม่ ปุย อาแลฮ เจือ ปุย ป อาวต นึง เมือง คะนาอัน เซ. เกือฮ ปลัฮเตะ ยุฮ อื เซ แปน นาตี ยุฮ โม อิซราเอน. โอเอีฮ ไล เซ โกว เวลา เตือง โอยจ อื ด่าว ปาวน รอย ไม่ รฮอน เนอึม.”

กันไกญกอ 2:14

เปโตร โกฮ ชุง ดิ ไม่ โม ปุโฮมว แตะ กาว โรฮ ติ ปุย เซ. อัฮ เฮี ละ โม ป รเจอึม เซ นึง ลเลาะ รโปยญ แตะ, “เอียกปุ, โม เปะ ป มัฮ โม ยิว, ไม่ โม ป อาวต นึง เวียง เยรูซาเลม เตือง โอยจ เปอะ, ปัว โม เปะ ง่อต ลปุง ป ซ อัฮ อาึ เฮี ปอ เลียก อื โตะ รพาวม เปอะ.

โยชูวา 14:2

โม เซ รฆุ ปลัฮเตะ เซ ละ ปุย ซไตม เจอ ไม่ บลัฮ, ตัม ป ซตอก พะจาว อาึง ละ ไอ โมเซ, เกือฮ อื โจก เบ่อ นึง อื.

โยชูวา 18:10

โยชูวา เซ โจก เนอึม เบ่อ นึง อื ละ อื ซองนา พะจาว นึง ย่วง ชิโล. ลอต เอิน รฆุ ปลัฮเตะ นา เซ ละ โม อิซราเอน เซ, ตัม เจอ อื เตือง ไพ เตือง มัน.

รโฮงะ 21:14

ฆรุง เวียง เซ โก อื ราว ซโมะ ระ ปาวน เลียม กาว ลอา กอน. ซโมะ โม เซ ไก มอยฮ โม ป โฮว ฆรอ ลปุง ตัง กวน แกะ เซ นึง เตือง กาว ลอา ปุย อื.