3 โยฮัน 1:6 - ้พระคัมภีร์ละว้า

⁶ โม เซ เอีจ รโฮงะ ไลลวง ตอก ฮรัก ปะ ปุย ไน พะจาว ละ คริตซจัก นา เฮี. อาึ ฆวต ปัว ลั่ง ปะ เรอึม โม เซ นึง คระ โฮว อื ตอก โปง อื ไม่ มัฮ อื ป ยุฮ กัน ละ พะจาว.

3 โยฮัน 1:6 ပူးပေါင်းရင်းမြစ်များ

1 โมเซ 4:7

ดัฮ ปะ ยุฮ ป ปุก โฮ, โม่ ซ ปุก โรฮ ละ อาึ อื? ดัฮ ปะ ยุฮ ป โอ ปุก, มั่ป เซ เอีจ อาวต นึง โตะ รเวือะ ละ ซ ดัม อื บุก ปะ ตอก ซัตซิง โฮ, นึง ฆวต เป อื ปะ. ไมจ เปอะ โตว เกือฮ ติ แตะ ไป นึง,” อัฮ เซ ละ อื พะจาว เยอ.

โยนา 4:4

พะจาว อัฮ เฮี ละ อื, “กัน รอก พาวม เปอะ ตอก เซ อัม มัฮ ป ปุก?” อัฮ เซ.

กันไกญกอ 15:29

มัฮ เกือฮ โม เปะ เวีย ปอน แตะ โอเอีฮ ป ตัน ปุย ละ ฮุป, ไม่ เวีย เปอะ ปอน แตะ ฮนัม ไม่ โตะ ซัตซิง ป กุน ปุย โงก อื. ไมจ โรฮ เปอะ ทอเนาะ ติ แตะ ฮา กัน เลน จุ. โม เปะ ดัฮ เปอะ ปุน เวีย กัน เมาะ เซ โฮ, ซ มัฮ ป ไมจ ละ เปอะ. ปัว เกือฮ โม เปะ โฮลฮ อาวต ไมจ โซม ญุ่ก,” อัฮ เซ รซอม นังซื เซ.

กันไกญกอ 15:3

เญือม เซ คริตซจัก ไจไซ เนอึม เกือฮ อื โฮว. เญือม โฮว อื คระ แควน ฟีนิเซีย ไม่ จังวัต ซามาเรีย, รโฮงะ ไลลวง เอีจ ไอฮ ปุย ตังเมือง รพาวม โคระ แตะ ละ โม เอียกปุ แตะ ไน พะจาว. โม เซ ไมจ มวน เนอึม รพาวม เบือ อื โครยญ โฆะ แตะ.

กันไกญกอ 21:5

เญือม เอีจ ไก อื อาแลฮ ซเงะ เอ, เอะ โอก โฮว ฮา นา เซ. โม เซ ตาว เอะ นึง คระ ซ โฮว เยอะ ฮอยจ ก พริ ย่วง, เตือง ปุย เญือะ ไม่ กวน ไม่ เฌือต อื เตือง โอยจ อื. เอะ ชุง นึง มะฆราวง แตะ นึง เฆียง รอง ปลัฮ รอาวม เซ, ไววอน เนอะ เตือง โอยจ แตะ. ฟวยจ เซ ละ ปุ แตะ.

นังซื รโปะ ปาวโล ละ คริตซจัก เวียง โรม 15:24

อาึ มัฮ ฆวต วิฮ เคะ เปอะ เญือม โฮว แตะ คระ เมือง ซเปน. ดัฮ เอีจ โฮลฮ อาวต ไม่ เปอะ ติ วัง โฮ, ละ ซ โฮลฮ แตะ ไมจ มวน ดิ รพาวม ไม่ เปอะ, อาึ ฆวต เกือฮ โรฮ โม เปะ เรอึม แตะ นึง คระ ซ โฮว แตะ เซ.

2 โคริน 1:16

เญือม โฮว เยอะ นึง จังวัต มาซิโด่เนีย เซ, ตะ วิฮ เคะ เปอะ ลวง โฮว แตะ ติ โฮน. ลวง เอีญ เญอะ ตะ โรฮ ลั่ง วิฮ เคะ เปอะ ติ โฮน แม, ละ ซ โฮลฮ โม เปะ เรอึม อาึ นึง คระ โฮว เยอะ จังวัต ยูเดี่ย.

ฟีลิปปี 4:14

ปัง มัฮ ตอก เซ ญุ่ก, โม เปะ เอีจ ไมจ เนอึม กัน ยุฮ เปอะ นึง เรอึม เปอะ อาึ นึง ไลลวง เม่ะมั่ก ลอก เกอะ เฮี.

โคโลซี 1:10

ดัฮ เปอะ โฮลฮ ตอก เซ ซ ปุน ยุฮ เปอะ โอเอีฮ ตัม โปง อื จีวิต พะโองจาว, ไม่ ซ ปุน ยุฮ ลอป เปอะ ป ปุก รพาวม อื. จีวิต โม เปะ ซ ไก เนอึม เปลิ นึง กัน ไมจ โครยญ เจือ ฆาื อื, ไม่ ซ จเลิน เปอะ ปุๆ นึง กัน ยุง แตะ ไลลวง พะจาว.

1 เทซะโลนิกา 2:12

เอะ เอีจ ซตอก รเง่อึม โม เปะ, เอีจ เกาะ โลม รพาวม เปอะ, เอีจ ดวน โม เปะ เกือฮ เปอะ ยุฮ โอเอีฮ ตอก ซ ปุก อื รพาวม พะจาว, นึง เอีจ กอก อื โม เปะ ฮอยจ นึง บั่นเมือง ยุฮ แตะ ละ ซ โฮลฮ เปอะ อาวต ไม่ โญตซัก ยุฮ อื.

ติโต 3:13

ไมจ เปอะ เรอึม เนอึม เซนา ป มัฮ ทไนควัม ไม่ อะโพนโล นึง คระ โฮว อื. ปุ เกือฮ ไก ป วิต ป วัง ละ ติ เจือ เนอึม.

1 เปโตร 2:20

ปัง ปุน โอต เปอะ กัน เฟียต ปุย แตะ, ดัฮ มัฮ โอต เปอะ ฆาื ยุฮ โกะ แตะ ป พิต โฮ, แจง โอ อื แปน กุน ละ เปอะ. ดัฮ เปอะ ปุน โอต ป โซะ เตือง ยุฮ แตะ ป ปุก เอีจ มัฮ เนอึม ป ปุก รพาวม พะจาว.

3 โยฮัน 1:12

ไลลวง เด่เมตริโอ เยอ ปุย เตือง โอยจ อื อัฮ ตื อื มัฮ ปุย ไมจ ไล. จีวิต อื เอีจ โฮว โรฮ ตัม ลปุง เนอึม. เอะ เอีจ ปุน แปน โรฮ พีญัน อื ตอก เซ โรฮ. ลปุง พีญัน ยุฮ เอะ เซ โม เปะ เอีจ ยุง เปอะ มัฮ อื ป เนอึม เมอ.