2 ซามูเอน 23:23 - ้พระคัมภีร์ละว้า

²³ เบ่ไนยา เซ ลอต แปน ปุย ไก มอยฮ ไมจ โฮฮ ฮา ปุย ไฮญ ไน โม ตฮัน ป อัฮ ปุย มู ง่วย ไม่ เซ, ปังเมอ โอ ลั่ง ดิ ระ เนอึม มอยฮ เมาะ ตฮัน เกง ลอวย ปุย เซ. ด่าวิต ลอต เกือฮ อื แปน ฮัวนา ตฮัน ป โซะโกะ ฮรักซา นึง กซัต เซ.

2 ซามูเอน 23:23 ပူးပေါင်းရင်းမြစ်များ

2 ซามูเอน 20:23

โยอัป มัฮ ฮัวนา ตฮัน ไน โม อิซราเอน เตือง โอยจ อื. เบ่ไนยา กวน เยโฮยาด่า มัฮ ฮัวนา ยุฮ ตฮัน ป มอง โซะโกะ ฮรักซา นึง กซัต.

2 ซามูเอน 23:22

มัฮ กัน ตอก เซ ป ยุฮ เบ่ไนยา กวน เยโฮยาด่า เซ. แปน โรฮ ปุย พรุ มอยฮ เบือ อื ตอก ตฮัน เกง เลือ ลอวย ปุย เซ โรฮ.

2 ซามูเอน 23:24

มอยฮ ปุย ไฮญ นึง อื ไน โม ตฮัน เกง ป อัฮ ปุย มู ง่วย ไม่ เซ มัฮ ตอก เฮี, อาซาเฮน มัฮ ปุ โยอัป. เอนฮานัน มัฮ กวน รเมะ โด่โด่, มัฮ ปุย ย่วง เบ่ตเลเฮม. ชัมมา ไม่ เอลีคา มัฮ ปุย เมือง ฮาโรต. เฮเลต มัฮ ปุย ซฆลาวม โม เปเลต. อิรา กวน อิกเคต มัฮ ปุย เมือง เทโคอา. อาบี่เยเซอ มัฮ ปุย ย่วง อานาโทต. เมบุ่นไน มัฮ ปุย ซฆลาวม โม ฮุชา. ซันโมน มัฮ ปุย เมือง อาโฮ. มาฮะไร มัฮ ปุย เมือง เนโทฟา. เฮเลป กวน บ่าอานา มัฮ ปุย เมือง เนโทฟา. อิตไท กวน รีไบ่ มัฮ ปุย เมือง กิเบ่อา, มัฮ เจอ เบ่นยามิน. เบ่ไนยา มัฮ ปุย เมือง ปิราโทน. ฮิตได่ มัฮ ปุย อาวต โตะ โลก โบ เมือง กาอัต. อาบี่อันโบ่น มัฮ ปุย ซฆลาวม อาราบ่า. อัตมาเวต มัฮ ปุย เมือง บ่าฮูริม. เอลียาบ่า มัฮ ปุย ย่วง ชาอันโบ่น. โม กวน ยาเชน. โยนาทัน. ชัมมา มัฮ ปุย ย่วง ฮารา. อาฮิยัม มัฮ กวน ชารา ปุย ย่วง ฮารา. เอลีเฟเลต มัฮ กวน อาฮัตไบ่ ปุย ย่วง มาอาคา. เอลีอัม มัฮ กวน อาฮิโทเฟน ปุย ย่วง กิโล. เฮตโร มัฮ ปุย ย่วง คาระเมน. ปาไร มัฮ ปุย ย่วง อารัป. อิกัน มัฮ กวน นาทัน ปุย ย่วง โซบ่า. บ่านี มัฮ ปุย เจอ กาต. เซเลก มัฮ โม อัมโมน. นาฮะไร มัฮ ปุย ย่วง เบ่เอโรต, มัฮ ปุย ไปญ เครอึง รุป ยุฮ โยอัป. อิรา ไม่ เกเรป มัฮ ปุย อาวต ย่วง อิตไร เตือง ลอา แตะ. อุรีอา มัฮ โม ฮิตไท. โม ตฮัน เกง เลือ เซ เตือง โอยจ อื รโจะ แปน ง่วย โรฮ อาแลฮ ปุย.

2 ซามูเอน 8:8

ตุย โรฮ โรวก ไร ซเงี เน่อึม นึง เมือง เบ่ทา ไม่ เมือง เบ่โรไท เซ โฮวน. เมือง ลอา เซ มัฮ เมือง เตียง ฮาดั่ตเอเซอ เซ.

คูไมจพันญา 4:12

ปุย ดัฮ อาวต โน่ง โฮ, ญัก ซ เป อื ป ฮอยจ รุป ไม่ แตะ. ดัฮ อาวต ดิ ลอา ปุย โฮ, แจง ซ เกียฮ เป อื. ตอก โรฮ เซ, โม่ะ บวน ลอวย ญัก โรฮ ซ เกียฮ ดุต อื.

1 ซามูเอน 22:14

อาฮิเมเลก โลยฮ อื ละ กซัต เซ ตอก เฮี, “ด่าวิต เซ มัฮ ปุย ซืไซ ไม่ เนอึม รพาวม อื ฮา ปุย ไฮญ. เอีจ มัฮ กวนพา เปอะ ไอฮ ไม่ มัฮ อื ฮัวนา ตฮัน ป มอง โซะโกะ ฮรักซา นึง เปอะ. ปุย เตือง โอยจ อื, เมาะ ป รซอฮ ละ เปอะ, นัปทื เนอึม อื.