2 ซามูเอน 22:48 - ้พระคัมภีร์ละว้า

⁴⁸ มัฮ พะจาว ป เอีจ โรก เวน ละ ปุย ฆรอ อาึ อื, ไม่ เกือฮ อื ปุย โฮวน เมือง ญอม อาวต ฆรึม อัมนัต อาึ.

2 ซามูเอน 22:48 ပူးပေါင်းရင်းမြစ်များ

2 ซามูเอน 18:19

เญือม เซ อาฮิมาอัต กวน ซาโด่ก อัฮ เฮี ละ โยอัป, “ปัว เปอะ เกือฮ อาึ ตอ เอีญ รโฮงะ ละ กซัต เซ ตอก เฮี, ‘ปเลี่ย เฮี พะจาว เอีจ เรอึม เนอึม ปะ เกือฮ โปน ฮา โม ป เกละยุ เปอะ เซ,’ ซ อัฮ เซ ละ,” อัฮ เซ.

2 ซามูเอน 18:31

เญือม เซ ปุย คุต เซ ฮอยจ โรฮ, อัฮ เฮี, “ไก ไลลวง ไมจ ป ฆวต รโฮงะ ละ กซัต ป มัฮ จาวไน ยุฮ แตะ. ไน ซเงะ เนาะ เฮี พะจาว เอีจ เรอึม เนอึม ปะ เกือฮ โปน ฮา โม ป ฆวต ตอซู ไม่ เปอะ เซ,” อัฮ เซ.

2 ซามูเอน 4:8

ปุย ลอา เซ โรวก ไกญ อิตโบ่เชต เซ เอีญ ตาว อื ละ กซัต ด่าวิต นึง เมือง เฮปโรน เซ. อัฮ เฮี ละ อื, “เอะ ปัว ตาว ไกญ อิตโบ่เชต กวน ซาอุน เซ ละ เปอะ, นึง มัฮ ซาอุน เซ ป เกละยุ ปะ ไม่ ฆวต ยุฮ อื ยุม ไม่ เปอะ. ซเงะ เนาะ เฮี พะจาว เอีจ เกือฮ ปะ โฮลฮ โรก เวน ละ กซัต ซาอุน เซ, ไม่ โม จัตเจือ อื,” อัฮ เซ.

ลืลาว 110:1

พะจาว อัฮ อื ละ จาวไน ยุฮ อาึ ตอก เฮี, “ไมจ เปอะ งาวม ลวง ดอม อาึ ฮอยจ ละ เกือฮ อาึ โม ป รุป ไม่ เปอะ อาวต ฆรึม ชวง เปอะ,” อัฮ เซ พะจาว.

ลืลาว 144:2

มัฮ ป ฮรัก ไฌม เนอึม อาึ, มัฮ ตอก ปอม ตอน ฮมัน ยุฮ ฮุ. มัฮ โรฮ ตอก ฆรุง ตอน ป โฮลฮ อาึ เปิง, ไม่ มัฮ อื ป เรอึม อาึ. มัฮ โรฮ โล ควน เฆีญ อาึ, ไม่ นา ก โฮลฮ อาึ เปิง. เอีจ มัฮ เนอึม พะจาว ป เกือฮ อาึ โฮลฮ เป ปุย โฮวน ปะเทต เตอ.

ลืลาว 94:1

โอ พะจาว, ปะ มัฮ เปอะ พะจาว ป เกียฮ เกือฮ ปุย ลอก ตุต แตะ. ปัว เปอะ เปลีฮ รที แตะ ละ ซ เกือฮ เปอะ ปุย โม เซ ลอก เนอึม ตุต แตะ.

1 โคริน 15:25

พะคริต เซ ไมจ อื แปน ป ตัตเตียง โอเอีฮ, ฮอยจ ละ เกือฮ พะจาว โม ป ตอซู ไม่ อื อาวต ฆรึม ชวง อื เตือง โอยจ อื.

5 โมเซ 32:35

“มัฮ อาึ ป รเตีฮ เกือฮ ลอก ตุต แตะ. มัฮ อาึ ป ซ โรก เวน ละ อื. มอง แลน เญือม โคะ ซดุฮ อื ไม่ ลอต อื ฆลาื. ซเงะ ซ ไลจ โลม อื เซ เอีจ ซดิ, กัน ซ ลอก อื ตุต แตะ เซ ซ ฮอยจ พราวป เอิน,” อัฮ เซ.

1 ซามูเอน 24:12

ปัว พะจาว รเตีฮ ละ เอะ ลอา ป พิต ป ปุก นึง อื. ปัว พะจาว โรก เวน ละ โม ป ยุฮ ป โซะ ละ อาึ. อาึ ปังเมอ โอ ซ ยุฮ ป โซะ ละ เปอะ เฟือฮ เอิน.

1 ซามูเอน 25:30

เญือม เอีจ ยุฮ พะจาว ป ไมจ ละ เปอะ โครยญ เจือ ตัม ลปุง ซันญา อื เซ, ไม่ เกือฮ อื ปะ โฮลฮ แปน กซัต ละ โม อิซราเอน,

1 ซามูเอน 25:39

ด่าวิต เญือม ฮมอง อื เอีจ ยุม นาบั่น ตอก เซ, อัฮ เฮี ฆาื อื, “ลืลาว พะจาว, นึง เอีจ โรก อื เวน ละ นาบั่น เซ รโตง อาึ, นึง มัฮ นาบั่น เซ ป พลิฮ บึน ลัมเลือ เอิน อาึ. พะจาว เอีจ ปุน เฆีญ อาึ ละ โอ อื ซ เกือฮ อาึ ยุฮ กัน พิต. พะจาว เอีจ เกือฮ เนอึม นาบั่น เซ ลอก ตุต แตะ ตัม กัน ฆอก ยุฮ โกะ อื เซ ไอฮ,” อัฮ เซ. ฟวยจ เซ ด่าวิต ดวน ปุย โฮว ไฮมญ อาบี่กายิน เซ ละ แตะ, ละ ซ เกือฮ อื แปน ปรโปวน เญือะ แตะ.