2 กซัต 9:17 - ้พระคัมภีร์ละว้า

¹⁷ เญือม เซ ไก ตฮัน มอง ญัม ติ ปุย อาวต นึง ก มอง ปุย แก โอเอีฮ นึง ย่วง ยิซเรเอน เซ ก ฮลาวง อื. ชวน โรฮ ฮอยจ เยฮู เซ ไม่ ปุโฮมว แตะ ติ มู. อัฮ เฮี ฆาื อื, “อาึ ชวน ฮอยจ ปุย ติ มู,” อัฮ เซ ปุย เซ. กซัต โยรัม อัฮ เฮี, “เกือฮ ตฮัน บุก บรอง โฮว ไฮมญ แลน ติ ปุย, ‘อัม มัฮ ฮอยจ ไมจ ฮอยจ มวน เปอะ?’ ” เกือฮ อัฮ เซ ละ อื.

2 กซัต 9:17 ပူးပေါင်းရင်းမြစ်များ

2 ซามูเอน 13:34

อัปซาโลม เซ ปังเมอ ลอต เอิน ตอ. เญือม เซ โม ตฮัน มอง ญัม แก โอเอีฮ ชวน ปุย โฮวน ติ มู เลีฮ ฌื นึง คระ เมือง โฮโรนาอิม, ลอต เอิน โฮว รโฮงะ อื ละ กซัต เซ.

2 ซามูเอน 18:24

เญือม เซ กซัต ด่าวิต เซ อาวต ลั่ง นึง ควง ซน่ะ รเวือะ กไน ไม่ รเวือะ ก พริ. โม ตฮัน มอง ญัม เซ ฮาวก ชุง นึง ฆรุง เมือง เซ ซื นา โตะ รเวือะ คระ เลียก ปุย. เมือต เอีจ ซาวป แก โอเอีฮ ชวน ตอ ปรเมะ เอีญ โน่ง ติ ปุย.

1 กซัต 2:15

อาโด่นียา เซ อัฮ เฮี, “ปะ ตึน เอีจ ยุง เปอะ ไอฮ ป ลัง โฮลฮ แปน กซัต เตอ มัฮ อาึ เฮี. ปัง มัฮ โม อิซราเอน เตือง โอยจ อื แกต โรฮ อื ตอก เซ. ป โฮลฮ แปน กซัต ปเลี่ย เฮี ปังเมอ มัฮ ปุ อาึ, นึง ปุก อื รพาวม พะจาว ตอก เซ.

2 กซัต 7:14

กซัต เซ เกือฮ เนอึม ปุย โฮว อาื แลน โม ตฮัน ยุฮ โม ซีเรีย เซ. อัฮ เฮี ละ อื, “โฮว แก แลน เมอะ,” อัฮ เซ ละ อื. โม เซ โฮว เนอึม ไม่ บรอง ไม่ เลาะ รุป เซิก ลอา กัน.

2 กซัต 9:11

เญือม เอีจ โอก เยฮู ฮอยจ เคะ ปุโฮมว แตะ ป มัฮ โม ฮัวนา ตฮัน ระ เซ, โม เซ ไฮมญ อื ตอก เฮี, “โม่ ไมจ ตื ป ยุ เคราะ ตื ป ฮมอง เปอ? เกียฮ ฮอยจ โน่ง ปุย เง่าะ เซ เคะ เปอะ เมอ?” อัฮ เซ ละ อื. เยฮู เซ โลยฮ อื ตอก เฮี, “โม เปะ เอีจ ยุง เปอะ ปุย เซ เยอ. ป อัฮ ป มวยญ อื ตึน เอีจ ยุง โรฮ เปอะ, โม่ เปอะ ยุง?” อัฮ เซ ละ อื.

2 กซัต 9:16

ฟวยจ เซ เยฮู โอก โฮว ไม่ เลาะ รุป เซิก ยุฮ แตะ, ฮอยจ นึง ย่วง ยิซเรเอน เซ นึง อาวต กซัต โยรัม ลโล่ะ นา เซ. เญือม เซ อาฮัตยา กซัต เมือง ยูด่า ปุก เญือม โฮว แลน อื โซะ กซัต โยรัม เซ.

2 กซัต 9:18

ป ดวน อื โฮว เซ โฮว เนอึม ฮอยจ เคะ เยฮู เนอึม. อัฮ เฮี ละ อื, “กซัต อัฮ เฮี ละ เปอะ, ‘อัม มัฮ ฮอยจ ไมจ ฮอยจ มวน เปอะ?’ อัฮ เซ ละ เปอะ.” เยฮู เซ โลยฮ อื ตอก เฮี, “เกว โตว ไม่ ปะ ไลลวง เซ เยอ. โฮว ฟวต อาึ เฮี,” อัฮ เซ ละ อื. เญือม เซ ตฮัน มอง ญัม เซ อัฮ เฮี ละ กซัต โยรัม, “ป ดวน เปอะ โฮว เซ เอีจ ฮอยจ เคะ โม เซ ปังเมอ โอ เญือะ แม,” อัฮ เซ ละ อื.

2 กซัต 9:19

เญือม เซ กซัต โยรัม ดวน แม ตฮัน บุก บรอง ยุฮ แตะ โฮว ติ ปุย แม. ตฮัน โฮว เซ โฮว อัฮ โรฮ เฮี ละ เยฮู โรฮ, “ ‘ปะ อัม มัฮ ฮอยจ ไมจ ฮอยจ มวน เปอะ?’ อัฮ เซ ละ เปอะ กซัต เตอ.” เยฮู โลยฮ โรฮ อื ตอก เฮี, “เกว โตว ไม่ ปะ ไลลวง เซ เยอ. ลเตือฮ โฮว ฟวต อาึ เฮี,” อัฮ เซ ละ อื.

อิซยา 56:10

พะจาว อัฮ อื ละ อื ตอก เฮี, “โม ป มัฮ พูนัม ป ลัง ซตอก ปุย ไน อาึ เซ, มัฮ ตื โม ป จัก ไง่ เตือง โอยจ แตะ. ปุย โม เซ มัฮ ป โอ ไก ป ยุ ป ยุง เฟือฮ. มัฮ เยือ ตอก เซาะ มอง เญือะ ป โอ เกียฮ โรฮ โฮ, มัฮ แนฮ ไอจ โซะ โซม ญึม, ไมจ รโมะ ลั่ง รโม่ยฮ โน่ง ป ง่อต อื.

อิซยา 62:6

“เออ เยรูซาเลม, อาึ เอีจ ดุฮ ป มอง ญัม เกือฮ อาวต นึง ราว ฆรุง ยุฮ เปอะ. โม เซ ไมจ โตว อื อาวต โฆย. ซ เปลียง ลอป เตือง เมือ ซเง่ะ เมือ ก ซาวม อื. โม เปะ ป เกือฮ พะจาว โตก ละ รซอม ซันญา แตะ อาึง เงอ, ไมจ เปอะ โตว โรฮ ลโล่ะ ป อัฮ แตะ ละ อื.

1 ซามูเอน 16:4

ซามูเอน ยุฮ เนอึม อื ตอก อัฮ พะจาว อาึง ละ แตะ. เญือม ซ ฮอยจ อื ย่วง เบ่ตเลเฮม โม ป กวต ย่วง เซ โฆง โอก โฮว เคะ อื นึง คระ. “อัม มัฮ ฮอยจ ไมจ ฮอยจ มวน เปอะ?” อัฮ เซ ละ อื นึง ฮลัต แตะ นึง ปอ รกุฮ แตะ.

1 ซามูเอน 17:22

ด่าวิต ละ อาึง ป โซม ป ปอน โรวก แตะ เซ ไม่ ป แลน แก เครอึง. ตอ ฮอยจ เคะ ตฮัน ป อาวต แปน ทอย แตะ เซ. เญือม ยุ อื โม เอียกระ เอียกตุ แตะ ไฮมญ กอ บาึง อื.