2 กซัต 9:13 - ้พระคัมภีร์ละว้า

¹³ เญือม เซ โม ตฮัน เซ เตือง โอยจ อื ซไจ เอิน ปอยจ ลปิ แตะ, ตุม อื นึง โบง ก โบฮ ลั่ง อื. เกือฮ เยฮู เซ บึน ปุ ฮาวก อื. ฟวยจ เซ โม เซ ปาึง โตวต, รโอง อัฮ เฮี ไม่ อื, “มัฮ เยฮู ป แปน กซัต เตอ,” อัฮ เซ.

2 กซัต 9:13 ပူးပေါင်းရင်းမြစ်များ

2 ซามูเอน 15:10

อัปซาโลม เซ ปังเมอ เอีจ บระ เกือฮ ปุย โฮว รโฮงะ อื ละ ปุย เลี่ป เมือง อิซราเอน โครยญ เจอ อื ตอก เฮี, “โม เปะ เตือง โอยจ เปอะ ดัฮ เปอะ เอีจ ฮมอง เซียง ปาึง ปุย โตวต เญือม ออฮ, เญือม เซ ไมจ เปอะ อัฮ ตอก เฮี, ‘อัปซาโลม เอีจ โฮลฮ แปน กซัต นึง เมือง เฮปโรน,’ ไมจ เปอะ อัฮ ตอก เซ.”

1 กซัต 1:25

ซเงะ เนาะ เฮี อาโด่นียา เอีจ มอก ทไว แกะ โมวก, ไม่ กวน โมวก โกลยญ โฮวน ตัว. เอีจ กอก แม โรฮ โม ป มัฮ กวน รเมะ กซัต, เตือง โยอัป ป มัฮ ฮัวนา ตฮัน ไม่ อาบี่ยาทา ป มัฮ ซตุ เซ ฮอยจ เคะ แตะ โรฮ. ง่อต แลน, ปเลี่ย เฮี โม เซ เยอ เอีจ งาวม โซม ญุ่ก กุก ญึม ไม่ ปุ แตะ, ไม่ เอีจ อัฮ โรฮ แตะ เฮี, ‘ปัว เกือฮ กซัต อาโด่นียา ไมจ ป ยุ เคราะ ป ฮมอง.’ เอีจ อัฮ เซ ละ อื.

1 กซัต 1:34

เกือฮ โรฮ ซาโด่ก ไม่ นาทัน เซ เรฮ ลออยฮ นึง ไกญ ซาโลมอน ละ ดุฮ อื เกือฮ แปน กซัต ละ โม อิซราเอน เฮี. ฟวยจ เซ โม เปะ เอ ไมจ โรฮ เปอะ ปาึง โตวต ไม่ อัฮ แตะ เฮี, ‘ปัว กซัต ซาโลมอน อาวต ไม่ ไมจ ป ยุ เคราะ ป ฮมอง แตะ,’ ไมจ เปอะ อัฮ ตอก เซ.

1 กซัต 1:39

ซาโด่ก ป มัฮ ซตุ เซ ตุย โด่วง ซัตซิง ป อาึง ปุย ลออยฮ นึง ป โรวก อื เน่อึม พากัง ซัมคัน ยุฮ พะจาว เซ. เรฮ ลออยฮ อาวต นึง อื เซ นึง ไกญ ซาโลมอน. ฟวยจ เซ โม เซ เยอ ปาึง แม โตวต ยุฮ แตะ. ป มัฮ โม ลัปซด่อน เตือง โอยจ อื เซ อัฮ เฮี, “ปัว กซัต ซาโลมอน ไมจ ป ยุ เคราะ ป ฮมอง,” อัฮ เซ.

2 กซัต 11:12

ฟวยจ เซ เยโฮยาด่า เซ เกือฮ โรฮ โยอัต กวน กซัต อาฮัตยา เซ โอก. จาวป วอม กซัต ละ อื. มอป โรฮ พะทัม โกตไม ยุฮ พะจาว ละ อื. ฟวยจ เซ เรฮ ลออยฮ นึง ไกญ อื นึง ดุฮ อื แปน กซัต. ครอฮ แม โรฮ อื ละ ปุย. ฟวยจ เซ โม เซ เตือง โอยจ อื ดิฮ เตะ แตะ. อัฮ เฮี ไม่ อื เรียง, “ปัว เกือฮ ลอป กซัต ไมจ ป ยุ เคราะ ป ฮมอง,” อัฮ เซ ละ อื.

2 กซัต 11:14

ยุ โรฮ ชุง กซัต โคระ เซ ซื นา ด่อง คระ เลียก ปุย โตะ รเวือะ วิฮัน เซ ตัม ปซี ปซา กอ ยุฮ ปุย ไพรม อื. ยุ โรฮ อาวต โม ตฮัน เซ แปน ไล แตะ ไม่ ชุง อื ปาึง โตวต ยุฮ แตะ เฆียง กซัต โคระ เซ โรฮ. ยุ โรฮ อาวต โม ลัปซด่อน เซ ไม่ มวน โมฮ รโอฮ รออง แตะ ไม่ ปาึง อื โตวต ยุฮ แตะ โรฮ. เญือม เซ อาทาลิยา เซ แจฮ เอิน เครอึง แตะ ฆาื อื. อัฮ เฮี ไม่ อื, “โม เฮี เอีจ เลฮ เตียงๆ,” อัฮ เซ.

2 กซัต 9:12

โม เซ โลยฮ อื ตอก เฮี, “เอะ ยุง โตว. ปัว เปอะ รโฮงะ ละ เอะ,” อัฮ เซ. เยฮู เซ อัฮ เฮี ละ อื, “ปุย เซ มัฮ ฮอยจ รโฮงะ อื ป อัฮ พะจาว ละ อาึ. อัฮ เฮี, ‘อาึ เอีจ ดุฮ ปะ แปน กซัต ละ โม อิซราเอน,’ อัฮ เซ เนิ ปุย เซ เยอ.”

ลืลาว 98:6

ไมจ โรฮ เปอะ รโพ นึง เซียง โตวต ไม่ เซียง กวย. ไมจ เปอะ เชีย ไม่ เซียง ไมจ ลเลาะ มวน แตะ ละ ทไว เปอะ ละ กซัต ระ ป มัฮ พะจาว เซ.

ลูกา 19:36

ลไล โฮว พะเยซู คระ เซ ปุย โฮวน เซ ตุม เครอึง เซอึก แตะ นึง คระ ซ โฮว อื.