2 กซัต 9:12 - ้พระคัมภีร์ละว้า

¹² โม เซ โลยฮ อื ตอก เฮี, “เอะ ยุง โตว. ปัว เปอะ รโฮงะ ละ เอะ,” อัฮ เซ. เยฮู เซ อัฮ เฮี ละ อื, “ปุย เซ มัฮ ฮอยจ รโฮงะ อื ป อัฮ พะจาว ละ อาึ. อัฮ เฮี, ‘อาึ เอีจ ดุฮ ปะ แปน กซัต ละ โม อิซราเอน,’ อัฮ เซ เนิ ปุย เซ เยอ.”

2 กซัต 9:12 ပူးပေါင်းရင်းမြစ်များ

1 กซัต 19:16

ไมจ โรฮ เปอะ เรฮ ลออยฮ นึง ไกญ เยฮู ป มัฮ กวน นิมชี ละ ซ เกือฮ เปอะ แปน กซัต เมือง อิซราเอน. เรฮ โรฮ นึง ไกญ เอลีชา ป มัฮ กวน ชาฟัต ป อาวต ย่วง อาเบ่น-เมโฮลา เซ ละ ซ เกือฮ เปอะ แปน ป ซึป ลปุง พะจาว ฆรอ เปอะ.

2 กซัต 9:11

เญือม เอีจ โอก เยฮู ฮอยจ เคะ ปุโฮมว แตะ ป มัฮ โม ฮัวนา ตฮัน ระ เซ, โม เซ ไฮมญ อื ตอก เฮี, “โม่ ไมจ ตื ป ยุ เคราะ ตื ป ฮมอง เปอ? เกียฮ ฮอยจ โน่ง ปุย เง่าะ เซ เคะ เปอะ เมอ?” อัฮ เซ ละ อื. เยฮู เซ โลยฮ อื ตอก เฮี, “โม เปะ เอีจ ยุง เปอะ ปุย เซ เยอ. ป อัฮ ป มวยญ อื ตึน เอีจ ยุง โรฮ เปอะ, โม่ เปอะ ยุง?” อัฮ เซ ละ อื.

2 กซัต 9:13

เญือม เซ โม ตฮัน เซ เตือง โอยจ อื ซไจ เอิน ปอยจ ลปิ แตะ, ตุม อื นึง โบง ก โบฮ ลั่ง อื. เกือฮ เยฮู เซ บึน ปุ ฮาวก อื. ฟวยจ เซ โม เซ ปาึง โตวต, รโอง อัฮ เฮี ไม่ อื, “มัฮ เยฮู ป แปน กซัต เตอ,” อัฮ เซ.

1 ซามูเอน 10:1

ฟวยจ เซ ซามูเอน ตุย ปัง ลออยฮ, เรฮ อื นึง ไกญ ซาอุน เซ. ฮงาึต อื นึง นัปทื แตะ. อัฮ เฮี ละ อื, “พะจาว เอีจ มัฮ ดุฮ อื อาึง ปะ ละ ซ โฮลฮ เปอะ ตัตเตียง โม อิซราเอน ป มัฮ ปุย ไน แตะ เซ, ไม่ ซ เรอึม โรฮ เปอะ เกือฮ โปน ฮา ป ฆวต ตอซู ไม่ อื โรฮ. ซเงะ เนาะ เฮี ซ เกิต ป ซัมคัน ละ เปอะ ละ ซ เกือฮ ปะ ยุง แจง แน มัฮ ป อัฮ อาึ เฮี ป เนอึม.