2 กซัต 6:25 - ้พระคัมภีร์ละว้า

²⁵ เญือม เซ เวียง ซามาเรีย เกิต กัน ไปลญ เออึป ปุย นึง ฆาื อื. ไกญ บรัง ติ ติ อี ปุย โชะ เอิน อื ละ ปุ แตะ รเตะ เชเคน. เอีจ พริ เมาะ บลัฮ ลิต เตอ, ปุย โชะ เอิน อื ละ ปุ แตะ พอน เชเคน เอิน.

2 กซัต 6:25 ပူးပေါင်းရင်းမြစ်များ

1 โมเซ 41:55

ปุย เมือง อียิป เญือม โอยจ ป โซม ป ไอฮ โกะ อื, ปัว ป โซม ป ไอฮ แตะ นึง ฟาโร. ฟาโร เซ อัฮ เฮี ละ อื, “โฮว เคะ โยเซป เปอ. ยุฮ ตัม ดวน อื โม เปะ ยุฮ,” อัฮ เซ.

1 กซัต 18:2

เอลียา โอก โฮว เนอึม ฆาื อื. เญือม เซ นึง เมือง ซามาเรีย โซะ เนอึม ไปลญ เออึป ปุย นึง.

2 กซัต 25:3

เญือม เอีจ มัฮ อื วันที ซไตม เคิ ปาวน, เนอึม กาว โรฮ ติ เซ, เวียง เยรูซาเลม โซะ เนอึม ไปลญ เออึป ปุย นึง, โม ลัปซด่อน เญือะ ไก โตว ป โซม ป ปอน เฟือฮ เอิน.

2 กซัต 6:26

ลไล ฮาวก ไร กซัต เมือง อิซราเอน นึง ราว ฆรุง เวียง เงอ, ไก ปรโปวน ติ ปุย ฮอยจ อัฮ เฮี ละ กซัต. “โอ กซัต, ป มัฮ จาวไน ยุฮ อาึ, ปัว ปะ เรอึม แตะ,” อัฮ เซ ละ อื.

2 กซัต 7:12

กซัต เซ โกฮ เน่อึม ไอจ แตะ ฆาื อื เมือ ก ซาวม อื. อัฮ เฮี ละ ป มัฮ กวนไจ แตะ, “ซ อัฮ อาึ ละ เปอะ, โม ตฮัน ยุฮ โม ซีเรีย เฮี มัฮ ไก แพน ยุฮ อื ติ เจือ ละ ซ รุป แตะ ไม่ เอะ. ยุง ชุมเช เอะ นึง ไปลญ เออึป เปอะ. โม เซ ตึน ซ มัฮ โฮว เม่าะ อื ติ แตะ โตะ เพระด่าวก ไม่ อัฮ อื ตอก เฮี, ‘ดัฮ โม เซ เอีจ โอก ฮา เมือง อาวต แตะ โฮ, เอะ ซ โฮมวต ไอม เอิน เนอะ. ฟวยจ เซ ซ เลียก ยึต เอิน เมือง อื,’ ตึน ซ มัฮ อัฮ อื เซ.”

2 กซัต 7:4

ปัง เลียก อาวต โตะ เมือง มัฮ ยุม นึง ไปลญ แตะ. ปัง อาวต เตอะ นา เฮี มัฮ โรฮ ยุม โรฮ. ไมจ เอะ โฮว ฮา ฮอยจ นึง ไคะ อาวต โม ซีเรีย เซ. ดัฮ โม เซ ยุฮ ยุม ไม่ โม เอะ โฮ ตึน มัฮ ไอฮ ยุม ติ เซ. ดัฮ ลเวือง เอะ ไอม โฮ เอะ เกียฮ ไอม โรฮ เบือ อื โรฮ,” อัฮ เซ ละ ปุ แตะ.

เยเรมี 14:18

ดัฮ อาึ โฮว แลน นึง ชิจ นึง ม่า, อาึ ยุ ฆัว ยุม ปุย นึง รุป อื ปุ แตะ. ดัฮ อาึ เลียก นึง โตะ ย่วง อาึ ยุ โม ป ซ ยุม นึง ไปลญ แตะ. ป ซึป ลปุง พะจาว ไม่ โม ซตุ ยุฮ อื โฮว ไป โฮว มา ยุฮ กัน แตะ เลี่ป ปะเทต เตือง โอ อื ยุง ป ยุฮ แตะ’ ” อัฮ เซ เนิ พะจาว เยอ.

เยเรมี 32:24

“แลน เซ, ฮัน ฮลาวง ป ยุฮ ปุย ละ โปยญ อื เวียง เฮี เอีจ รวิต เอิน เวียง. กัน รุป เซิก ไม่ กัน ไปลญ เออึป ไม่ พาญัต ฆอก ซ เกือฮ เวียง เฮี จัมเปน อาวต ฆรึม อัมนัต โม บ่าบี่โลน เซ. เมาะ ป อัฮ เปอะ อาึง เซ เอีจ เกิต เนอึม ตอก อัฮ เปอะ ตอก ยุ เปอะ ปเลี่ย เฮี.

เยเรมี 52:6

เญือม เอีจ มัฮ อื วันที ซไตม เคิ ปาวน, เนอึม กาว โรฮ ติ เซ, เวียง เยรูซาเลม โซะ เนอึม ไปลญ เออึป ปุย นึง. โม ลัปซด่อน เญือะ ไก โตว ป โซม ป ปอน เฟือฮ เอิน.

เอเซเคียน 4:17

ซ เกือฮ เนอึม อาวต ไม่ วิต โซม ม่อยญ จัน แตะ. ซ เกือฮ อาวต ไม่ ตุก เญือะ รเกือะ โกะ แตะ ฆาื มั่ป พิต ยุฮ โม โกะ อื เซ,” อัฮ เซ พะจาว เยอ.

3 โมเซ 26:26

เญือม ยุฮ อาึ ไลจ ไม่ เฮงาะ รโกะ ยุฮ เปอะ เซ, ปรโปวน กาว ปุย เยอ, ซ โอป คโนมปัง ยุฮ แตะ นึง ตาว โอป ติ โน่ง นึง รมัฮ ลอน คโนมปัง ยุฮ อื. ซ จัมเปน เปอะ แฆ รฆุ โซม คโนมปัง เซ ไม่ ปุ แตะ ติ ปุย เญี่ยะๆ, ปังเมอ โอ ซ ปอ ซัก เปอะ.