1 ซามูเอน 20:14 - ้พระคัมภีร์ละว้า

¹⁴ ดัฮ อาึ ไก ลั่ง จีวิต โฮ, ปัว ปะ เปลีฮ รพาวม ฮรัก ตอน ฮมัน ป ฮอยจ เน่อึม นึง พะจาว เซ ละ อาึ, เดอึม อาึ โอ ซ ยุม ฆาื.

1 ซามูเอน 20:14 ပူးပေါင်းရင်းမြစ်များ

1 โมเซ 40:14

เญือม ไมจ แม ป ยุ เคราะ แม ป ฮมอง เปอะ ปัว เปอะ โอ เบีย อาึ. ปัว เปอะ เลียก พาวม นึง เงอะ. อู ไลลวง อาึ ละ กซัต เกือฮ เรอึม อาึ เกือฮ โปน ฮา คอก เฮี.

2 ซามูเอน 9:1

ฟวยจ เซ ด่าวิต ไฮมญ ปุย ตอก เฮี, “อัม ไก ลั่ง ง่อน จัตเจือ เญือะ ซาอุน เนอ? ดัฮ ไก อาึ ฆวต เปลีฮ รพาวม เลียก พาวม แตะ ละ, นึง โตก แตะ ละ โยนาทัน,” อัฮ เซ.

2 ซามูเอน 9:3

กซัต เซ ไฮมญ อื, “อัม ไก ลั่ง ง่อน จัตเจือ เญือะ ซาอุน เนอ? ดัฮ ไก อาึ ฆวต ยุฮ ป ไมจ ละ ตัม ป เอีจ ซันญา แตะ อาึง ซองนา พะจาว,” อัฮ เซ ละ อื. ซีบ่า อัฮ เฮี, “ไก ลั่ง ติ ปุย. มัฮ กวน โยนาทัน. มัฮ ปุย คาโด่ เตือง ลอา ก บลัฮ แตะ,” อัฮ เซ.

1 ซามูเอน 20:13

ดัฮ เปือะ เกอะ ง่อต ตอก ซ ยุฮ แตะ ไลจ ไม่ เปอะ, ตัม โอ อาึ รโฮงะ ละ เปอะ, ไม่ โอ เยอะ เกือฮ ปะ ตอ โปน อื โฮ, ปัว พะจาว เกือฮ อาึ ลอก ตุต แตะ ฆาื อื โฮฮ ฮา เซ แม. ปัว พะจาว อาวต ไม่ ปะ ตอก อาวต อื ไม่ เปือะ เกอะ โรฮ.

1 ซามูเอน 20:15

เญือม เอีจ เรอึม พะจาว ยุฮ ไลจ ไม่ โม ป เกละยุ เปอะ เกือฮ ไฆร โอยจ เจอ, ปัว เปอะ เกือฮ รพาวม ฮรัก ตอน ฮมัน ยุฮ เปอะ ไก ลอป ละ เญือะ เญะ, ฮอยจ ละ โม จัตเจือ เยอะ โอ เญาะ ไก ลอยจ.

1 ซามูเอน 20:23

ไลลวง ป ซันญา เอะ ไม่ ปุ แตะ เฮี, เอีจ มัฮ พะจาว ป แปน พีญัน ซน่ะ อาึ ไม่ ปะ เฮี โอ เญาะ ไก ลอยจ,” อัฮ เซ.

1 ซามูเอน 24:21

ปเลี่ย เฮี อาึ ปัว ปะ ซันญา อาึง เบือ มอยฮ พะจาว นึง โอ เปอะ ซ ยุฮ ชิป ไม่ จัตเจือ อาึ เดอึม มอยฮ เญือะ เญะ โอ ซ ไฆร ฮา ปลัฮเตะ,” อัฮ เซ ละ ด่าวิต.