1 ซามูเอน 13:15 - ้พระคัมภีร์ละว้า

^15-16 เญือม เซ ซามูเอน โอก เอีญ เน่อึม นึง กิละกัน เซ, เอีญ ฮอยจ นึง ย่วง กิเบ่อา ป มัฮ นาตี โม เบ่นยามิน. ฟวยจ เซ ซาอุน ไม่ โยนาทัน ป มัฮ กวน ซาอุน ไม่ โม ตฮัน ยุฮ อื เซ, ตัง ไคะ ยุฮ แตะ นึง ย่วง เกบ่า ป มัฮ นาตี โม เบ่นยามิน เซ. เญือม เซ ซาอุน เมีญ แลน ตฮัน อาวต ไม่ แตะ เซ. ไก พามัน เมาะ แลฮ รอย ปุย. โม ฟีลิซเตีย เซ ตัง โรฮ ไคะ ยุฮ แตะ นึง ย่วง มิกมัต.

1 ซามูเอน 13:15 ပူးပေါင်းရင်းမြစ်များ

1 ซามูเอน 13:2

กังเคะ เอ ซาอุน เลือก ตฮัน ลอวย เปือน. เกือฮ อื อาวต ไม่ โกะ แตะ นึง นาตี มิกมัต ซดิ โบ บลาวง ราว ย่วง เบ่ตเอน ลอา เปือน ปุย. เกือฮ อื อาวต ไม่ โยนาทัน นึง ย่วง กิเบ่อา นาตี เจอ เบ่นยามิน ติ เปือน ปุย. ตฮัน ไฮญ นึง อื พลวย อื เกือฮ เอีญ เญือะ แตะ เตือง ไพ เตือง มัน.

1 ซามูเอน 14:2

เญือม เซ ซาอุน กัง พากัง ยุฮ แตะ ฆรึม โคะ ทัปทิม นึง นาตี มิกโรน ซดิ ไม่ ย่วง กิเบ่อา. ตฮัน อาวต ไม่ อื ไก เมาะ แลฮ รอย.

1 ซามูเอน 15:12

ปวยฮ พริ เซ ซามูเอน งาวป โกฮ ละ ซ โฮว แตะ เคะ ซาอุน. ไก ป อู ละ ซามูเอน ตอก เฮี, “ซาอุน เอีจ โฮว ฮอยจ ย่วง คาระเมน. ลบุ่ฮ อาึง ซโมะ ติ ละ ซ เกือฮ อื ปุย ไตม โกะ แตะ นา เซ. ฟวยจ เซ ลอต ฮอยจ ย่วง กิละกัน,” อัฮ เซ ละ อื.