1 โคริน 11:16 - ้พระคัมภีร์ละว้า

¹⁶ ดัฮ ไก ง่อน ป ฆวต กัฮ เก ไลลวง เฮี, เญือะ ไก โตว ตอก อัฮ ไฮญ เญอ. ปัง มัฮ เอะ, ปัง มัฮ คริตซจัก ก ไฮญ ญุ่ก, เอะ ไอฮ โตว ปซี ปซา ไฮญ.

1 โคริน 11:16 ပူးပေါင်းရင်းမြစ်များ

เยเรมี 32:11

ฟวยจ เซ อาึ ตุย นังซื ชโนต เซ เตือง ป ไก ทา อื ไม่ ป โอ อื ไก ทา เซ. นังซื เซ มัฮ ลักทัน นึง ไลลวง ตอก โชะ ตอก รวี ปุย ชิจ เซ.

กันไกญกอ 21:21

โม เซ เอีจ ฮมอง อัฮ ปุย ปะ เพอึก ตอม โม ยิว ป อาวต ลลาึง ปุย ตัง เมือง, อัฮ ปะ ดวน อื ละ โปวฮ ป ไซฮ ไอ โมเซ อาึง เตือง โอยจ อื, ไม่ อัฮ เปอะ กวน อื โอ ลัมเปิง ไอฮ ริตกิต, ไม่ เกือฮ เปอะ ปุย โอ เญือะ ยุฮ ตัม ปซี ปซา ยุฮ โม ยิว, อัฮ เซ.

กันไกญกอ 21:24

ไมจ เปอะ ยุฮ ดิ ไม่ อื ตัม ปซี ปซา เกือฮ อื ติ แตะ ซง่ะ. ไมจ เปอะ กัฮ งวยฮ โอเอีฮ รโตง อื ไม่ เกือฮ เปอะ คุต ฮาึก แตะ. ดัฮ เปอะ ยุฮ ตอก เซ โม ป เอีจ ฮมอง รโจฮ ปุย เปอะ เซ ตึน ซ ยุง มัฮ อื ป โอ เนอึม ป ฮมอง แตะ เซ. ปุย เตือง โอยจ อื ซ ยุง ยุฮ ปะ อื ตัม โกตไม ยุฮ ไอ โมเซ ฆาื อื.

1 โคริน 11:15

ปรโปวน ดัฮ ลเวือง ฮาึก แตะ ลั่ง, ปังเมอ เอีจ โฮลฮ โญตซัก แตะ เบือ ฮาึก ลั่ง แตะ เซ. ฮาึก อื เซ มัฮ ป เกือฮ พะจาว ละ อื นึง ซ แปน อื ควน เพาะ ไกญ อื.

1 โคริน 16:1

ปเลี่ย เฮี เยอ ซ อัฮ ไลลวง มาื ทไว ป ซ เรอึม เปอะ ปุย ไน พะจาว นึง ละ เปอะ. ดวน อาึ โม คริตซจัก นึง จังวัต กะลาเทีย ยุฮ ตอก ออฮ, โม เปะ ไมจ โรฮ เปอะ ยุฮ ตอก เซ โรฮ.

1 โคริน 4:5

มัฮ เซ ป โอ โม เปะ ไมจ รเตีฮ ปุย ไม่ เติ เปอะ ฆาื อื. ไมจ เปอะ มอง ฮอยจ ละ ซเงะ ฮอยจ รเตีฮ พะโองจาว โอเอีฮ ลั่ก ก ลอยจ อื. เญือม เซ ซ เปลีฮ ป เม่าะ ป พรึต ปุย ก เฟียก อื เกือฮ โอก, ไม่ ซ เปลีฮ อื ป คิต ป ง่อต ปุย โตะ รพาวม แตะ เกือฮ โอก โอยจ. เญือม เซ เยอ พะจาว ซ อวต ลื โรฮ ปุย ตัม ป ยุฮ ป อัฮ อื โครยญ โฆะ อื.

1 โคริน 7:17

ไมจ ปุย อาวต ตัม ตอก เกือฮ พะจาว แตะ อาวต โครยญ โฆะ ปุย. เลือก พะจาว ปุย เมือ โรง อื ตอก ออฮ ไมจ อื อาวต แนฮ ตอก เซ. เฮี มัฮ ป เพอึก อาึ ละ คริตซจัก โครยญ โดฮ.

1 โคริน 9:1

อาึ ซ อัฮ ละ เปอะ, อาึ มัฮ โตว ครา เซีญ ปุย. อาึ มัฮ โรฮ ป โฮว ฆรอ ลปุง ตัง พะเยซู ติ ปุย, โม่ มัฮ? อาึ โม่ เอีจ โฮลฮ ยุ นึง ไง่ แตะ พะเยซู จาว ยุฮ เอะ เอ? โม เปะ โม่ มัฮ เอีญ เปอะ เคะ พะจาว เบือ ยุฮ อาึ กัน ละ พะโองจาว?

1 โคริน 9:6

อัม แกต เปอะ มัฮ อาึ ไม่ บ่าระนาบ่า โน่ง ป ไมจ แนฮ รซอฮ ละ ริ แตะ ป โซม ป ปอน แตะ?

1 เทซะโลนิกา 2:14

โม เปะ ป มัฮ เอียกปุ อู, เอีจ เกิต เนอึม กัน โคมเฮง ละ เปอะ ตอก เกิต อื ละ คริตซจัก นึง จังวัต ยูเดี่ย, ป มัฮ ปุย ไน พะเยซูคริต เซ. โอต โม เซ ป โซะ ป ไซญ เน่อึม นึง โม ยิว ตอก ออฮ, โม เปะ เอีจ โอต โรฮ เปอะ ป โซะ ป ไซญ เน่อึม นึง ปุ ย่วง แตะ ตอก เซ โรฮ.