3 กซัต 29:29 - ้พระคัมภีร์ละว้า

²⁹ เมาะ ไลลวง กซัต ด่าวิต ไม่ กัน ยุฮ อื เน่อึม เมือ โรง ฮอยจ ลั่ก ลอยจ อื, เอีจ ไซฮ ปุย อาึง นึง นังซื ยุฮ โม ป ซึป ลปุง พะจาว ลอวย ปุย. เอีจ มัฮ นังซื ป ไซฮ ซามูเอน, นาทัน, ไม่ กาต.

3 กซัต 29:29 ပူးပေါင်းရင်းမြစ်များ

2 ซามูเอน 24:11

เญือม เอีจ โกฮ ด่าวิต เมือ กซะ อื, ลปุง พะจาว ฮอยจ ละ กาต ป กอ ซึป ลปุง พะจาว ละ ด่าวิต เซ.

1 กซัต 11:41

เมาะ กัน ไฮญ ป เอีจ ยุฮ กซัต ซาโลมอน ไม่ ตอก โฮลฮ อื ซติ พันญา แตะ เอีจ ไซฮ ตื ปุย อาึง นึง นังซื เกว ไม่ กัน ยุฮ กซัต ซาโลมอน เซ.

1 กซัต 14:29

เมาะ กัน ไฮญ ยุฮ กซัต เรโฮโบ่อัม เซ, เอีจ ไซฮ ตื ปุย อาึง นึง นังซื ป มัฮ ไลลวง กซัต ยุฮ โม ยูด่า เตือง โอยจ อื.

3 กซัต 29:30

ไลลวง ป ไซฮ โม เซ เยอ มัฮ ไลลวง ตอก ตัตเตียง อื ปุย, ไลลวง เมาะ ระ อัมนัต อื, ไม่ ไลลวง ป เกิต ป ไก ละ อื, ฮอยจ โรฮ ละ ป เกิต ป ไก ละ โม อิซราเอน เตือง บั่นเมือง ไฮญ ป อาวต รวิต รเวียง อื โรฮ.

3 กซัต 9:22

โม ป เอีจ เลือก ปุย ละ เกือฮ อื มอง โตะ รเวือะ วิฮัน โครยญ ลวง เงอ, ไก 212 ปุย. มัฮ โม ป เอีจ โจต ปุย เซน อื ตัม ย่วง อาวต อื. ป เอีจ เลือก อาึง จัตเจือ ไพรม ปุย โม เซ เน่อึม เมือ โรง อื เอีจ มัฮ เอิน กซัต ด่าวิต ไม่ ซามูเอน ป ซึป ลปุง พะจาว เซ. เอีจ มัฮ โรฮ เลือก อื โม เซ นึง เอีจ ปุน อาึง อื รพาวม แตะ นึง.

4 กซัต 12:15

เมาะ กัน ยุฮ กซัต เรโฮโบ่อัม เน่อึม เมือ โรง อื ฮอยจ ละ ลอยจ อื, เอีจ ไซฮ โรฮ ปุย อาึง นึง นังซื ยุฮ เชไมอา ป ซึป ลปุง พะจาว ติ, ไม่ นังซื ยุฮ อิตโด่ ป ซึป ลปุง พะจาว เซ โรฮ. กซัต เรโฮโบ่อัม ไม่ กซัต เยโรโบ่อัม เซ กอ ตอซู ลอป ปุ แตะ.

4 กซัต 25:26

โนก ฮา เซ เมาะ ไลลวง ป ยุฮ ป อัฮ กซัต อามาซิยา เน่อึม เมือ โรง ฮอยจ ละ ลอยจ อื, เอีจ ไซฮ ตื ปุย อาึง นึง นังซื ป มัฮ ไลลวง กซัต ยุฮ โม ยูด่า ไม่ ไลลวง กซัต ยุฮ โม อิซราเอน เซ เตือง โอยจ อื.

4 กซัต 9:29

โนก ฮา เซ, เมาะ กัน ยุฮ กซัต ซาโลมอน เน่อึม เมือ โรง อื ฮอยจ ละ ลอยจ อื, เอีจ ไซฮ ปุย อาึง นึง นังซื ยุฮ โม ป ซึป ลปุง พะจาว ลอวย ปุย, มัฮ นาทัน, ไม่ อาฮิยา ย่วง ชิโล, ไม่ อิตโด่ โรฮ. ป ไซฮ อิตโด่ เซ เกว โรฮ ไม่ ไลลวง เยโรโบ่อัม กวน เนบั่ต โรฮ.

1 ซามูเอน 22:5

ฟวยจ เซ ไก ป ซึป ลปุง พะจาว ติ ปุย, มอยฮ อื มัฮ กาต. อัฮ เฮี ละ ด่าวิต, “ปะ ปุ เญาะ อาวต นา เฮี เยอ, ไมจ เปอะ ซไจ โฮว ฮอยจ นึง เมือง ยูด่า ปเลี่ย เฮี เอิน,” อัฮ เซ. ด่าวิต โฮว เนอึม ฆาื อื. โฮว อาวต นึง เพระด่าวก ติ โดฮ. มอยฮ นา เซ มัฮ เฮเรต.

1 ซามูเอน 9:9

ซาอุน โลยฮ โรฮ อื ละ กวนไจ แตะ เซ ตอก เฮี, “ดัฮ มัฮ ตอก เซ โฮ, ไมจ โฮว, ไมจ เอะ โฮว เคะ ปุย เซ,” อัฮ เซ. ปุย ลอา เซ โกฮ โฮว เนอึม เคะ ปุย ซัมคัน ยุฮ พะจาว เซ. ลไล โฮว ฮาวก อื บลาวง ละ ซ โฮว แตะ ฮอยจ นึง ย่วง เซ, ปุย ลอา เซ รโตฮ ยุ โม ปเครีฮ โฮว เชียต รอาวม ติ มู, ไฮมญ ปรโปวน โม เซ, “ป เกียฮ ยุง โอเอีฮ ลั่กกา แตะ เซ อัม อาวต นึง ย่วง เฮี?” อัฮ เซ. (โม อิซราเอน เจน โฆะ โอ, ดัฮ ฆวต ยุง โอเอีฮ เน่อึม นึง พะจาว โฮ, กอ อัฮ เฮี ละ ปุ แตะ, “ไมจ เอะ โฮว ไฮมญ นึง ป เกียฮ ยุง โอเอีฮ ลั่กกา แตะ เซ,” อัฮ เซ. ปุย เจน โฆะ อัฮ “ป เกียฮ ยุง โอเอีฮ ลั่กกา แตะ” ไม่ อื. ปุย ปเลี่ย อัฮ “ป ซึป ลปุง พะจาว” ไม่ อื.)