3 กซัต 27:25 - ้พระคัมภีร์ละว้า

²⁵ คัก เฮี อื มัฮ มอยฮ โม ป แลน แก คาวคอง ยุฮ กซัต. ป โฮลฮ แลน คาวคอง ระ งวยฮ ยุฮ กซัต โตะ กไน เวียง เงอ มัฮ อัตมาเวต กวน อาดี่เอน. โยนาทัน กวน อุตซียา แปน โรฮ ป แลน แก คาวคอง ยุฮ กซัต ก พริ เวียง นึง ย่วง ระ ย่วง แตวะ ไม่ ปอม อาวต ตฮัน นึง อื โครยญ โดฮ.

3 กซัต 27:25 ပူးပေါင်းရင်းမြစ်များ

1 โมเซ 41:48

ไน ติ เจน อาแลฮ เนอึม เซ โยเซป ซาวป แฮรน อื กไน เวียง โฮวน โดฮ. เฮงาะ รโกะ ป ซาวป อื ซเพระ เน่อึม นึง แควน เวียง ออฮ, แฮรน อาึง อื โตะ เวียง เซ.

2 กซัต 18:15

เฮเซคียา เกือฮ มาื ป อาวต นึง วิฮัน ยุฮ พะจาว ละ อื ฆาื อื ไม่ มาื ป ไก นึง เญือะ กซัต เซ เตือง โอยจ อื.

3 กซัต 27:24

ป แปน ป โจต เซน ปุย เญือม เซ เยอ มัฮ โยอัป กวน เซรุยา, ปังเมอ โอ ฟวยจ ยุฮ อื. เญือม เซ พะจาว เกือฮ โม อิซราเอน ลอก ตุต แตะ ฆาื ไลลวง เซ. มัฮ เซ ป โอ ปุย โฮลฮ ไซฮ อาึง ไลลวง เมาะ ไก เซน ปุย เญือม เซ ฆาื อื นึง นังซื ลักทัน ซัมคัน ยุฮ ด่าวิต เตอ.

3 กซัต 27:26

ป แลน แก ชิจ ยุฮ อื ไม่ ควป คุม อื โม ป ยุฮ ชิจ เซ มัฮ เอซะรี กวน เคลูป.

3 กซัต 28:1

กซัต ด่าวิต ดวน ปุย โฮว กอก โม ป ระ ป คาว ไน โม อิซราเอน, เกือฮ อื ฮอยจ โพรม เคะ แตะ นึง เวียง เยรูซาเลม เตือง โอยจ อื. เญือม เซ เยอ โม ฮัวนา โครยญ เจอ อื, โม ฮัวนา ตฮัน ระ, ไม่ ไน พัน ไน ลอยะ, โม ป แลน แก คาวคอง ยุฮ อื, ฮอยจ ละ คาวคอง ยุฮ กวน อื, ป แลน แก คอง เลียง, ป แลน แก เญือะ อาวต อื, ฮอยจ ละ โม ตฮัน เกง เลือ ยุฮ อื, ฮอยจ โพรม เนอึม เคะ อื ตื.

3 กซัต 29:6

ฟวยจ เซ โม ฮัวนา เจอ โม อิซราเอน, โม ป ระ ป คาว, โม ไน พัน ไน ลอยะ, ฮอยจ ละ โม ป ไปญ กัน ยุฮ กซัต, ทไว โรฮ ป ไก ยุฮ แตะ ไม่ รพาวม เตม แตะ ละ ยุฮ แตะ วิฮัน เซ โรฮ.

4 กซัต 16:2

ฟวยจ เซ กซัต อาซา ซาวป ซเคระ ไคร มาื ป อาวต นึง วิฮัน ยุฮ พะจาว เซ, ไม่ ป อาวต อื นึง เญือะ อาวต โกะ แตะ. เกือฮ ปุย โฮว ตาว อื ละ เบ่นฮาดั่ต กซัต เมือง ซีเรีย, ป อาวต นึง เมือง ด่ามาซกัต เซ. รโปะ โรฮ มวยญ แตะ ละ อื ตอก เฮี,

4 กซัต 26:10

ยุฮ แม โรฮ ปอม อาวต ตฮัน นึง ลาึน เวือฮ. ซาวป โรฮ ปอยจ ซโมะ ระๆ ละ ดุง แตะ รอาวม นึง อื โฮวน โดฮ. มัฮ ฆาื โฮวน ซัตซิง ยุฮ อื เน่อึม นึง มู ป อาวต อื นึง ตู เตียม, ฮอยจ ละ มู ป อาวต อื นึง เตะ ลโลวง. กซัต เซ มัฮ ปุย ฮรัก ลัมเลือ กัน ซมา ลโลวง โอเอีฮ. ไก แม โรฮ โม กวนไจ ยุฮ ละ ยุฮ ชิจ นา ก ไมจ เตะ, ไม่ โม ป มอง แลน แก โคะ อะงุน นึง รปึม.

2 โมเซ 1:11

เญือม เซ โม อียิป เกือฮ โม ป มัฮ ไนกุม โคมเฮง อื, คนัป อื ยุฮ กัน โซะ. โม อิซราเอน โฮลฮ ยุฮ เวียง ปิโทม ไม่ เวียง ราอัมเซต ละ กซัต. มัฮ นา ก แฮรน ฟาโร คาวคอง ยุฮ แตะ.

เยเรมี 41:8

ลลาึง ปุย โม เซ ปังเมอ ไก กาว ปุย ป อัฮ ละ อิชมาเอน ตอก เฮี, “ปัว เปอะ โอ ยุฮ ยุม ไม่ เอะ, นึง เอีจ ไก ลั่ง เฮงาะ ซาลี, เฮงาะ บ่าเล, ลออยฮ กาวก ไม่ รอาวม โกะ แฮ โฮวน ลัมเลือ ป เม่าะ เอะ อาึง นึง ชิจ ยุฮ แตะ,” อัฮ เซ ละ อื อิชมาเอน เซ. ยุฮ เนอึม โตว ยุม ไม่ โม เซ ฆาื อื.