3 กซัต 25:8 - ้พระคัมภีร์ละว้า

⁸ โม เซ เยอ โจก เบ่อ นึง เวน กัน ลัง ยุฮ แตะ โครยญ โฆะ แตะ เตือง ป ระ ป แตวะ, เตือง โม คู ไม่ โม ป เฮียน เซ, เกือฮ อื ตอก ปุ แตะ ตื.

3 กซัต 25:8 ပူးပေါင်းရင်းမြစ်များ

3 กซัต 15:22

เคนานิยา ป มัฮ ฮัวนา โม เลวี เซ, แปน ป นัม นึง ไลลวง กัน เชีย นึง มัฮ อื ปุย เกง นึง กัน เชีย เซ.

3 กซัต 24:31

โม ฮัวนา ซฆลาวม โม เลวี เซ โฮลฮ โรฮ โจก เบ่อ นึง กัน ยุฮ แตะ ตอก โจก โม จัตเจือ อาโรน อื โฮ. เอีจ โฮลฮ เนอึม โจก เบ่อ เซ ซองนา กซัต ด่าวิต, ไม่ ซาโด่ก, ไม่ อาฮิเมเลก, ไม่ ซองนา โม ป มัฮ จัตเจือ ซตุ ไม่ ฮัวนา เจอ เลวี เซ เตือง โอยจ อื โรฮ. ป มัฮ เอียกระ ปุย ไม่ ปุ รเคะ ปุย โฮลฮ โจก อื ตอก ปุ แตะ. ตัง โตว นึง อื.

3 กซัต 24:5

เกือฮ แม โรฮ โม เซ โจก เบ่อ ไม่ ปุ แตะ ละ เมกไม อื เวน นึง กัน ลัง ยุฮ แตะ, นึง เอีจ ไก ป เกียฮ แปน ป รัป พิต ชอป นึง กัน แลน แก ฮอง ซัมคัน ไม่ กัน พะจาว นึง เตือง โอยจ อื เตือง จัตเจือ เอเลอาซา ไม่ จัตเจือ อิทามา นึง อื.

3 กซัต 25:2

กวน อาซัป นึง อื มัฮ ซักเกอ, โยเซป, เนทานิยา, ไม่ อาชาเรลา. ฮัวนา ปุย โม เซ เอีจ มัฮ อาซัป เปือะ โม โกะ อื เซ ไอฮ. ปุย โม เซ เอีจ มัฮ โม ป ซึป ลปุง พะจาว ตัม ดวน กซัต แตะ.

3 กซัต 25:9

ปุย 288 เซ รฆุ แม อื เลีฮ แปน ง่า โรฮ ปาวน มู. ติ ติ มู เซ เกือฮ อื ไก กาว โรฮ ลอา ปุย ตัม ซฆลาวม โม โกะ อื ไอฮ. ปุย ไน ซฆลาวม ติ ติ เซ ไก แม โรฮ ฮัวนา ยุฮ โม โกะ ไอฮ ติ มู ติ ปุย ตอก เฮี. ฮัวนา มู ติ นึง อื มัฮ โยเซป ป มัฮ จัตเจือ อาซัป เซ. ฮัวนา มู ลอา มัฮ เกด่าลิยา. มู ลอวย มัฮ ซักเกอ. มู ปาวน มัฮ เซรี. มู พอน มัฮ เนทานิยา. มู แลฮ มัฮ บุ่กคิยา. มู อาแลฮ มัฮ อาชาเรลา. มู ซเตะ มัฮ เยชายา. มู ซไตม มัฮ มัตทานิยา. มู กาว มัฮ ชิเมอี. มู กาว โรฮ ติ มัฮ อุตซีเอน. มู กาว ลอา มัฮ ฮาชาบิ่ยา. มู กาว ลอวย มัฮ เชบู่เอน. มู กาว โรฮ ปาวน มัฮ มัตทีทิยา. มู กาว โรฮ พอน มัฮ เยรีโมต. มู กาว โรฮ แลฮ มัฮ ฮานานิยา. มู กาว อาแลฮ มัฮ โยตเบ่คาชา. มู กาว ซเตะ มัฮ ฮานานี. มู กาว ซไตม มัฮ มันโลที. มู ง่า มัฮ เอลียาทา. มู ง่า โรฮ ติ มัฮ โฮที. มู ง่า ลอา มัฮ กิตดั่นที. มู ง่า ลอวย มัฮ มาฮะซีโอต. มู ง่า โรฮ ปาวน มัฮ โรมัมที-เอเซอ.

3 กซัต 26:13

ฟวยจ เซ โม เซ เยอ โจก แม โรฮ เบ่อ ละ ซ ยุง แตะ โตะ รเวือะ นา ก ลัง ไมจ แตะ อาวต มอง เซ ตัม ซฆลาวม อาวต แตะ เตือง ป ระ ป แตวะ.

3 กซัต 26:16

ชุปปิม ไม่ โฮซา เยอ, โฮลฮ แปน ป มอง โตะ รเวือะ ลวง ลั่ก เลียก ซเงะ นึง อื, ไม่ โตะ รเวือะ อัฮ ปุย ชันเลเคต ไม่. โตะ รเวือะ เซ ปุก ซื นา คระ โฮว ปุย ลวง ก ล่าวง อื. โม ป มอง ญัม เซ ลล่อยฮ มอง อื ตัม เวลา ลัง มอง โกะ แตะ เซ.

4 กซัต 23:13

ยุ โรฮ ชุง กซัต โคระ เซ ซื นา ด่อง คระ เลียก ปุย โตะ รเวือะ วิฮัน เซ. โม ฮัวนา ตฮัน ไม่ โม ตฮัน ปาึง โตวต อาวต โรฮ เฆียง กซัต เซ. โม ลัปซด่อน เตือง โอยจ อื มวน โมฮ รโอฮ รออง ปาึง โตวต ไม่ อื. โม นักรอง นักโด่นตรี เยอ นัม ปุย นึง กัน จอยะ เชีย ลเบี่ย ปาึง. เญือม เซ อาทาลิยา เซ แจฮ เอิน เครอึง จาวป แตะ ฆาื อื. อัฮ เฮี ไม่ อื, “โม เฮี เอีจ เลฮ เตียงๆ,” อัฮ เซ.

เนฮะมี 12:24

โม ฮัวนา ยุฮ โม เลวี เซ มัฮ ฮาชาบิ่ยา, เชเรบี่ยา, ไม่ เยชูอา กวน คัตมีเอน, ไม่ โม ปุโฮมว อื. โม เซ ไก ลอา มู ป ลล่อยฮ โลยฮ รซอม เชีย ยุฮ ปุ แตะ นึง กัน ญันดี่ แตะ นึง พะจาว, ตัม ลปุง ซตอก ด่าวิต ป มัฮ ปุย ซึป ลปุง พะจาว เซ.

ซตอกรเง่อึม 16:33

ปุย กอ โจก เบ่อ ละ ซ ตัตซิน แตะ โอเอีฮ. กัน ตัตซิน ป ปุก ป ลอก เกอ ปังเมอ ฮอยจ เน่อึม นึง พะจาว.

3 โมเซ 16:8

ไมจ อื โจก เบ่อ นึง ปิ ลอา ตัว เซ. ติ ตัว อื ลัง ทไว อื ละ พะจาว. ติ ตัว อื เซ ลัง พลวย อื แปน ปิ โรวก มั่ป ยุฮ ปุย.

กันไกญกอ 1:26

โม ลุกซิก เรียก โคะ นึง ปุย ลอา เซ. เญือม เอีจ ฟวยจ โซวต อื โคะ เซ ปุก มัตเทีย. มัตเทีย เซ ลอต แปน ป โฮว ฆรอ ลปุง ตัง พะเยซู ไม่ ปุย กาว โรฮ ติ เซ.