กซัต ซาโลมอน เนอ โกว โคะ จัน เซ ละ ยุฮ แตะ ควน ปดั่ป ปด่า โตะ กไน วิฮัน เซ นึง อื ไม่ นึง เญือะ อาวต โกะ แตะ เซ โรฮ. ยุฮ แม โรฮ พิน ระ พิน แตวะ นึง อื ละ โม นักโด่นตรี. โคะ จัน ซครัก ฮอยจ ตาว อื เซ มัฮ โคะ จัน ซครัก ป ตึก นึง ไมจ แตะ. เมาะ โคะ เอีจ ตาว ปุย ละ โม อิซราเอน เนอ ดิ ยุ โตว ป ไมจ อื เมาะ เซ ติ โฮน เนอึม.
3 กซัต 25:1 - ้พระคัมภีร์ละว้า1 กซัต ด่าวิต ไม่ โม ฮัวนา ตฮัน ยุฮ อื เลือก อาึง โม เลวี ง่อน ละ ซ แปน อื ป นัม กัน ลืลาว พะจาว. โม ป เลือก อื เซ มัฮ จัตเจือ อาซัป, จัตเจือ เฮมัน, ไม่ จัตเจือ เยดู่ทุน. โม เซ มัฮ โรฮ โม ป ซึป ลปุง พะจาว, เกียฮ เตียต โรฮ พิน ระ พิน แตวะ, ดิฮ แม โรฮ อื ไม่ ชา. เฮี มัฮ มอยฮ โม ป ยุฮ กัน เกว ไม่ กัน นัม กัน ลืลาว พะจาว เซ. အခန်းကိုကြည့်ပါ။ |
3 กซัต 25:1
46 ပူးပေါင်းရင်းမြစ်များ
ปุย 288 เซ รฆุ แม อื เลีฮ แปน ง่า โรฮ ปาวน มู. ติ ติ มู เซ เกือฮ อื ไก กาว โรฮ ลอา ปุย ตัม ซฆลาวม โม โกะ อื ไอฮ. ปุย ไน ซฆลาวม ติ ติ เซ ไก แม โรฮ ฮัวนา ยุฮ โม โกะ ไอฮ ติ มู ติ ปุย ตอก เฮี. ฮัวนา มู ติ นึง อื มัฮ โยเซป ป มัฮ จัตเจือ อาซัป เซ. ฮัวนา มู ลอา มัฮ เกด่าลิยา. มู ลอวย มัฮ ซักเกอ. มู ปาวน มัฮ เซรี. มู พอน มัฮ เนทานิยา. มู แลฮ มัฮ บุ่กคิยา. มู อาแลฮ มัฮ อาชาเรลา. มู ซเตะ มัฮ เยชายา. มู ซไตม มัฮ มัตทานิยา. มู กาว มัฮ ชิเมอี. มู กาว โรฮ ติ มัฮ อุตซีเอน. มู กาว ลอา มัฮ ฮาชาบิ่ยา. มู กาว ลอวย มัฮ เชบู่เอน. มู กาว โรฮ ปาวน มัฮ มัตทีทิยา. มู กาว โรฮ พอน มัฮ เยรีโมต. มู กาว โรฮ แลฮ มัฮ ฮานานิยา. มู กาว อาแลฮ มัฮ โยตเบ่คาชา. มู กาว ซเตะ มัฮ ฮานานี. มู กาว ซไตม มัฮ มันโลที. มู ง่า มัฮ เอลียาทา. มู ง่า โรฮ ติ มัฮ โฮที. มู ง่า ลอา มัฮ กิตดั่นที. มู ง่า ลอวย มัฮ มาฮะซีโอต. มู ง่า โรฮ ปาวน มัฮ โรมัมที-เอเซอ.
มอยฮ จัตเจือ ไพรม โม ป ไปญ กัน เซ ตวย เน่อึม นึง กวน แม ฮอยจ ละ เปือะ อื มัฮ ตอก เฮี. โม โคฮัต นึง อื มัฮ เฮมัน ป นัม โม ป เชีย เซ. จัตเจือ เฮมัน เซ เน่อึม นึง โกะ อื ซึป ตอ ปุ แตะ ฮอยจ ละ จัตเจือ ไพรม อื มัฮ ตอก เฮี, มัฮ เฮมัน, โยเอน, ซามูเอน, เอนคานา, เยโรฮัม, เอลีเอน, โทอา, ซูป, เอนคานา, มาฮัต, อามาไซ, เอนคานา, โยเอน, อาซาริยา, เซฟันยา, ทาฮัต, อัตซี, เอบี่ยาซัป, โครา, อิตซฮา, โคฮัต, เลวี, ยาโคป. (เน่อึม นึง เฮมัน เซ แม ฮอยจ ละ ยาโคป ไก 23 เจน ปุย.)
อาซัป มัฮ โรฮ ป นัม โม ป เชีย เซ ป อาวต ลวง ดอม เฮมัน ละ ซ เรอึม อื รซอฮ ไม่ อื. จัตเจือ อาซัป เซ ตวย เน่อึม นึง กวน แม ฮอยจ ละ เปือะ อื มัฮ ตอก เฮี. มัฮ อาซัป, เบ่เรคิยา, ชิเมอา, มีคาเอน, บ่าอาเซยา, มันคิยา, เอตนี, เซรา, อาด่ายา, เอทัน, ซิมมา, ชิเมอี, ยาฮัต, เกอโชน, เลวี. (เน่อึม นึง เลวี ฮอยจ ละ อาซัป ไก 15 เจน ปุย.)
เอทัน มัฮ โรฮ ป นัม โม ป เชีย เซ ป อาวต ลวง วิ เฮมัน ละ ซ เรอึม อื รซอฮ ไม่ อื. เอทัน นัม โม เมรารี ป เชีย เซ เตือง มู อื. จัตเจือ อาทัน เซ ตวย เน่อึม นึง กวน แม ฮอยจ ละ เปือะ อื มัฮ ตอก เฮี. มัฮ เอทัน, คีชี, อัปดี่, มันลุก, ฮาชาบิ่ยา, อามาซิยา, ฮินคียา, อัมซี, บ่านี, เชเมอ. มาลี, มูชี, เมรารี, เลวี. (เน่อึม นึง เอทัน แม ฮอยจ ละ เลวี ไก 14 เจน ปุย.)
ยุ โรฮ ชุง กซัต โคระ เซ ซื นา ด่อง คระ เลียก ปุย โตะ รเวือะ วิฮัน เซ. โม ฮัวนา ตฮัน ไม่ โม ตฮัน ปาึง โตวต อาวต โรฮ เฆียง กซัต เซ. โม ลัปซด่อน เตือง โอยจ อื มวน โมฮ รโอฮ รออง ปาึง โตวต ไม่ อื. โม นักรอง นักโด่นตรี เยอ นัม ปุย นึง กัน จอยะ เชีย ลเบี่ย ปาึง. เญือม เซ อาทาลิยา เซ แจฮ เอิน เครอึง จาวป แตะ ฆาื อื. อัฮ เฮี ไม่ อื, “โม เฮี เอีจ เลฮ เตียงๆ,” อัฮ เซ.
กซัต เฮเซคียา เซ รฆุ โม ซตุ ไม่ โม เลวี เลีฮ แปน มู แปน มู อื. เมกไม โรฮ กัน ลัง ยุฮ อื ละ อื. เกือฮ อื ยุฮ กัน เกว ไม่ กัน ตอง ทไว ซัตซิง ง่อน, ยุฮ กัน เกว ไม่ ป ทไว ปุย ละ รโจะ อื รพาวม แตะ ไม่ พะจาว ง่อน. แปน โรฮ โม ป ทไว รซอม ญันดี่ แตะ ไม่ ลืลาว อื พะจาว ง่อน. มัฮ ตื กัน ป เกว ไม่ โตะ กไน ควง วิฮัน เซ.
โม นักโด่นตรี นักรอง โม เลวี ป มัฮ ซฆลาวม อาซัป เซ, เลียก อาวต นึง นาตี กัน ลัง ยุฮ โม โกะ แตะ ไอฮ เตือง ไพ เตือง มัน. มัฮ ยุฮ อื ตอก ป เอีจ อัฮ ด่าวิต อาึง, มัฮ โรฮ ตัม ป อัฮ อาซัป, เฮมาน, ไม่ เยดู่ทุน เซ โรฮ. เยดู่ทุน เซ มัฮ โรฮ ป ซึป ลปุง พะจาว ซไม กซัต ด่าวิต เซ. โม ป มอง ญัม นึง โตะ รเวือะ วิฮัน เซ โครยญ โดฮ โฮ, จัมเปน โตว ละ เอิน กัน ไปญ แตะ เซ ฆาื อื, นึง เอีจ เพรียง โรฮ เอียกปุ โม เลวี ป ลัง ไมจ แตะ เพรียง รโตง อื โรฮ.
กซัต ซาโลมอน เมกไม กัน ละ โม ซตุ ไม่ โม เลวี เซ ตัม ป เอีจ อัฮ ด่าวิต เปือะ โกะ อื เซ อาึง. เกือฮ เนอึม โม เลวี เซ แปน ป เรอึม โม ซตุ เซ, ไม่ เกือฮ อื แปน ป เชีย ลืลาว พะจาว ง่อน. เกือฮ โรฮ อื แปน ป มอง โตะ รเวือะ วิฮัน เซ ตัม เวน ลัง อาวต อื โครยญ ซเง่ะ, ตอก เอีจ อัฮ ด่าวิต ป มัฮ ป ซึป ลปุง พะจาว อาึง โฮ.
ฟวยจ เซ ปะ ซ ฮอยจ แม เปอะ นึง กิเบ่อา ย่วง เลือก พะจาว เซ. นา เซ มัฮ นา ก ไก ไคะ อาวต โม ตฮัน ฟีลิซเตีย. เญือม เอีจ ฮอยจ เปอะ โตะ รเวือะ ย่วง เซ, ปะ ซ ยุ เปอะ โม ป ซึป ลปุง พะจาว ติ มู เลีฮ เน่อึม นา ก ทไว แตะ โอเอีฮ นึง บลาวง เซ, เตียต พิน ระ พิน แตวะ, ดิฮ คราึง, ปาึง เปี, เชีย, ซึป ลปุง พะจาว ไม่ อื.
ကြော်ငြာတွေ