3 กซัต 22:11 - ้พระคัมภีร์ละว้า

¹¹ “กวนงัก, อาึ ปัว เนอึม พะจาว อาวต ไม่ เปอะ. ปัว เนอึม เกือฮ กัน ยุฮ เปอะ เซ จเลิน โครยญ เจือ. ไลลวง ยุฮ เปอะ วิฮัน ยุฮ เยโฮวา พะจาว ยุฮ เปอะ เซ, ปัว เนอึม เกือฮ ฟวยจ ไมจ ตอก เอีจ ซันญา พะจาว อาึง.

3 กซัต 22:11 ပူးပေါင်းရင်းမြစ်များ

3 กซัต 28:20

ฟวยจ เซ กซัต ด่าวิต อัฮ แม เฮี ละ ซาโลมอน ป มัฮ กวน แตะ เซ, “ไมจ เปอะ เกือฮ ติ แตะ ตอน ฮมัน ไม่ เรียง รพาวม แตะ. ไมจ เปอะ ยุฮ กัน เซ เกือฮ ฟวยจ. ปุ ฮลัต, ปุ รไจจ, มัฮ ฆาื เอีจ อาวต เยโฮวา พะจาว ยุฮ อาึ ไม่ เปอะ. ไน ติ เจน ยุฮ เปอะ วิฮัน เซ พะจาว ซ ละ โปวฮ โตว ปะ, ฮอยจ ละ ฟวยจ ปะ ยุฮ กัน เซ โครยญ เจือ.

4 กซัต 1:1

ซาโลมอน กวน กซัต ด่าวิต เตอ, โฮลฮ เนอึม ตัตเตียง บั่นเมือง อิซราเอน เกือฮ ตอน เกือฮ ฮมัน. เยโฮวา ป มัฮ พะจาว ยุฮ อื เซ อาวต ลอป ไม่ อื, เกือฮ โรฮ อัมนัต โญตซัก ละ อื โรฮ.

4 กซัต 6:10

“ปเลี่ย เฮี พะจาว เอีจ ยุฮ เนอึม อื ตัม ป เอีจ ซันญา แตะ อาึง, เอีจ เกือฮ เนอึม อาึ โฮลฮ แปน กซัต ตัตเตียง โม อิซราเอน ฆรอ ด่าวิต ป มัฮ เปือะ เกอะ เซ. ตอก เนอึม เอีจ ซันญา พะจาว อาึง, อาึ เอีจ โฮลฮ เนอึม ยุฮ วิฮัน ละ เกือฮ แตะ แปน ก อาวต มอยฮ เยโฮวา พะจาว ยุฮ โม อิซราเอน เซ โรฮ.

อิซยา 26:12

โอ พะจาว, ปะ ซ ปุน เกือฮ เปอะ เอะ โฮลฮ อาวต เฮน ฮลอง ตอน ฮมัน. เมาะ ป มัฮ กัน ยุฮ เอะ โครยญ เจือ เอีจ ฟวยจ เนอึม เบือ ปะ.

มัตไท 1:23

มัฮ อัฮ อื ตอก เฮี, “ง่อต แลน, ปเครีฮ ม่อง ติ ปุย ซ โรวก, ซ เกิต กวน รเมะ ติ. มอยฮ อื ซ อัฮ ปุย อิมานูเอน ไม่.” มัฮ อัฮ อื พะจาว อาวต ไม่ เอะ ไม่, อัฮ เซ.

มัตไท 28:20

ไมจ เปอะ เพอึก ตอม เกือฮ ยุฮ อื ตัม ป เอีจ อัฮ อาึ อาึง ละ เปอะ โครยญ เจือ. ไตม อาึง, อาึ ซ อาวต ลอป ไม่ โม เปะ เตือง ซเง่ะ รซาวม ฮอยจ ละ โอยจ ซเงะ ปลัฮเตะ เฮี,” อัฮ เซ ละ อื.

นังซื รโปะ ปาวโล ละ คริตซจัก เวียง โรม 15:33

ปัว พะจาว ป เกือฮ เอะ อาวต ไม่ ไมจ เปละ ลโลวง พาวม แตะ เซ อาวต ไม่ โม เปะ โครยญ โฆะ เปอะ. อาเมน.

2 ทิโมที 4:22

ปัว พะโองจาว กุม รพาวม รโม่ยฮ เปอะ. ปัว กุนมุ่น ยุฮ พะจาว อาวต ลอป ไม่ โม เปะ เตือง โอยจ เปอะ.

1 ซามูเอน 17:37

พะจาว ป เกือฮ อาึ โปน ฮา รเวีย ไม่ เครีฮ เซ, ซ เกือฮ โรฮ อาึ โปน ฮา ฟีลิซเตีย เซ ตอก เซ โรฮ,” อัฮ เซ ละ ซาอุน. ซาอุน อัฮ เฮี, “ดัฮ ตอก เซ โฮว เมิฮ. ปัว พะจาว โฮว ไม่ เปอะ,” อัฮ เซ ละ อื.

1 ซามูเอน 20:13

ดัฮ เปือะ เกอะ ง่อต ตอก ซ ยุฮ แตะ ไลจ ไม่ เปอะ, ตัม โอ อาึ รโฮงะ ละ เปอะ, ไม่ โอ เยอะ เกือฮ ปะ ตอ โปน อื โฮ, ปัว พะจาว เกือฮ อาึ ลอก ตุต แตะ ฆาื อื โฮฮ ฮา เซ แม. ปัว พะจาว อาวต ไม่ ปะ ตอก อาวต อื ไม่ เปือะ เกอะ โรฮ.