3 กซัต 15:14 - ้พระคัมภีร์ละว้า

¹⁴ ฟวยจ เซ โม ซตุ ไม่ โม เลวี เซ เกือฮ เนอึม ติ แตะ ซง่ะ ไล ละ ซ โฮว กลอม แตะ ฮิต ยุฮ เยโฮวา พะจาว ยุฮ โม อิซราเอน เซ.

3 กซัต 15:14 ပူးပေါင်းရင်းမြစ်များ

3 กซัต 15:12

อัฮ เฮี ละ อื, “โม เปะ เอ มัฮ เปอะ ฮัวนา ซฆลาวม โม เลวี เตือง โอยจ แตะ. ไมจ เปอะ เกือฮ ติ แตะ แปน ป ซง่ะ ไล เตือง โกะ เปอะ, ฮอยจ ละ โม ป มัฮ เอียกปุ เปอะ เตือง โอยจ อื, ละ ซ ตาว เปอะ ฮิต ยุฮ พะเยโฮวา ป มัฮ พะจาว ยุฮ โม อิซราเอน เฮี, ฮอยจ นึง ก ลัง อาวต อื ป เอีจ เพรียง อาึ อาึง ละ อื เซ.

3 กซัต 15:15

โม เลวี เซ โฮว กลอม เนอึม โรวก ฮิต ยุฮ พะจาว เซ นึง โคะ ลกลอม อื, ตัม ลปุง เอีจ ซตอก พะจาว อาึง ละ ไอ โมเซ โฮ.

4 กซัต 29:15

ปุย โม เซ ซาวป รโจะ โม เลวี ไฮญ เซ. ฟวยจ เซ เกือฮ แม โรฮ ติ แตะ แปน ปุย ซง่ะ ไล ละ พะจาว. ยุฮ เนอึม อื ตัม รซอม ดวน กซัต แตะ, เกือฮ เนอึม โรฮ วิฮัน ยุฮ พะจาว เซ แปน ป ซง่ะ ไล ตัม ป อัฮ โกตไม ยุฮ พะจาว เซ.

4 กซัต 29:34

เญือม เซ ซตุ ป รซอฮ ละ พะจาว นา เซ ปังเมอ โอ ดิ โฮวน ป เกือฮ ติ แตะ แปน ปุย ซง่ะ ไล นึง อื. กา เฆียง เกือฮ โม ซตุ ติ แตะ แปน ปุย ซง่ะ ไล เตือง โอยจ อื, จัมเปน โม เลวี เรอึม ฮอยจ ละ ฟวยจ กัน เซ. กา เซ โม เลวี เซ เอีจ ที รพาวม นึง เกือฮ อื ติ แตะ แปน ปุย ซง่ะ ไล ฮา โม ซตุ.

4 กซัต 5:11

เญือม เซ โม ซตุ เตือง โอยจ อื, ปัง มัฮ โม ป ยุฮ กัน ออฮ กัน เอีฮ นึง อื ญุ่ก, เอีจ ฟวยจ ตื โรฮ เกือฮ อื ติ แตะ ซง่ะ ไล เยอ. โม เลวี ป มัฮ โม ป เชีย, โม ป เลน โด่นตรี ฮอยจ ตื โรฮ นา เซ โรฮ, เตือง อาซัป, เฮมัน, เยดู่ทุน, เตือง โม กวน โม เฌือต อื. เญือม เซ โม เซ จาวป พา แนน ไมจ, โรวก ชา, พิน ระ, พิน แตวะ ไม่ แตะ. ชุง ดิ นึง รเตือป คัน ทไว เซ ลวง ลั่ก โอก ซเงะ นึง อื. โม ซตุ ป มอง ปาึง โตวต ป อาวต นา เซ เยอ ไก ไม่ ปุ แตะ 120 ปุย. เญือม เซ โม ป เชีย ป เลน โด่นตรี เซ เชีย ดิ, ลืลาว พะจาว ไม่ ปุ แตะ. โม ป เชีย เซ บรุก เชีย เกือฮ อื โปง ปุ แตะ ไม่ เซียง โด่นตรี เซ. รซอม เชีย ยุฮ อื เซ มัฮ ตอก เฮี, ป ตึก นึง ไมจ แตะ มัฮ พะจาว, คาว ละ ลืลาว โญตซัก อื. รพาวม ฮรัก อื เอีจ ตอน ฮมัน, คัน อื ไก ลอป โอ เญาะ ลอยจ, อัฮ เซ. เญือม เซ วิฮัน ยุฮ พะจาว เซ เลีฮ เอิน ชุต รวู นึง ปอ นาวก เอิน อื.

เนฮะมี 12:30

โม ซตุ ไม่ โม เลวี เกือฮ ติ แตะ ซง่ะ ไล, เกือฮ โรฮ โม ลัปซด่อน ไม่ โตะ รเวือะ ไม่ ฆรุง เวียง เซ แปน ป ซง่ะ ไล เตือง โอยจ อื.

3 โมเซ 10:3

เญือม เซ ไอ โมเซ อัฮ เฮี ละ อาโรน. “เอีจ มัฮ เฮี ป อัฮ พะจาว ละ เปอะ, ‘เมาะ ป รซอฮ ละ อาึ เตือง โอยจ อื ไมจ อื เมีญ อาึ มัฮ ป ซัมคัน เนอึม. อาึ ซ เปลีฮ อัมนัต โญตซัก แตะ ละ ปุย เตือง โอยจ อื,’ อัฮ เซ ละ เปอะ พะจาว,” อัฮ เซ. อาโรน เกียฮ โลยฮ โตว อื ติ มวยญ เนอึม.