ZEKHARIA 7:9 - Lacid Common Language Bible

⁹ Yoem: moo" bo da" Aseing tid zigi «Nanu" gi deingmain" da" tarha" dang: kho' lho: yugkhang" moo" nya: mang: nya: nhung" ri nheig khyeug go" wigi hau: nheig khyeug nheigloem: toin" shed go" nyid we'.

ZEKHARIA 7:9 ပူးပေါင်းရင်းမြစ်များ

2 SAMUELA 9:7

David gi «Agyug lhe"- re" phoo Yonathan da" jeju" yoomo nang ri ngoo nheig khyeug shoomyen: wa zi nghoid. Ngoo nang ri re" phoug" Sholu seing: to" da" mougmyid dangain" ziri doem byid: wa. Houg: lho: nang nga" zoo: shug zoobui" moo khanham we' yo" zo: nyid wa zi nghoid» ga: tid bye:.

YOBA 31:20

Nyang: ri ngoonya: yang kyung mo shoug" yu da" yang moug" wigi yo, da" soug" goug" byimi lhung byid:. Houg: lang" nyang: gi nheigloem: bain sho' yo' ngoo ri coung: da:.

YOBA 6:14

Mangsoo ri ngoo she: pyam bye: zi nghoid nghoid ashe: pyam nghoid nghoid Hid yhang: te" da" yau khe" da" uri ngoo gi jhug zug da" byencang" ca" da:.

DANG: ZHOEM 21:3

Deingmain" ziyo' nyeung veung" khyoo: ri koid we' hau: zigi Aseing ri ngei" byid: wa xoin" du: ci: yhe: tho' re" vho: ngei nheig shed: khyoo: nghoid nyid.

YEREMIA 22:3

Hau: zigi «Ngoo Aseing gi deingmain" ziyo' jo ziri koid wa shid re" nanu" ri amyeing" byid:. Mhau' fain" zi shau" da" su ri nyang: ri mhau' fain" su: da" lo, mo goem loem byid: we'. Tungbau byu yi coug" zoo: yi cougmoo" yiri age zi akoid goo"- azeig zoo: goo"- he: gyeung" shang: joyoo moo ce: yooboo ayo" da" bang: ri asaid pyam go".

YEREMIA 7:23

Nghoid loug we' ngoo gi nyangnu" Mangsoo bue" wigi nyangnu" gi nga" byumyu" bui" wa shid re" nga" tid dang: tam" gyoo: wa khyo" koem' gi nyangnu" ri ngoo amyeing" byid: too" bye:. Houg: lho: nyangnu" nyid gi yab gi wa shid re" nyangnu" ri ngoo amyeing" byid: to" da" khyo" nyid wa shid re" ngoo tid too" bye:.

YEREMIA 7:5

Nanu" nyid da" avoid ri thid pyam ge'. Nanu" koid da" moo" ri theing: pyam ge'. Nanu" nyang: cang" zoem" khau: jang" moo tarha" deingmain" khyo" zoem" ge'.

EZEKIEL 18:8

Nyang: gi atu" amyaid shid re" ngei ri ajhid" byid:. Nyang: gi akhyeing" moo" koid wa ziri he: pyam lho: cite" myeing" myoo: go" jang" moo nghoid loug goolhoo' za: dang: phyed byid: da:.

EZEKIEL 45:9

Yoem: moo" bo Aseing tid. «Israela ri vhoeb bang: nanu" we"- nanu" gi sung nyang: myang" sho' yooboo shoid abye: go". Nanu" da" athoug" akhyoug: moo" yo' zeug zo: moo" ri theing: pyam ge'. Jo ziyo' deingmain" ziri koid we'. Nanu" gi nga" byumyu" yiri nyangnu" da" mougmyid mo khanham we' adoem yo" khaid thu loo goo" wa. Ngoo yoem: moo" bo Aseing gi nanu" ri he: zi tid nyid bye:.

HOSEA 12:7

Aseing gi «Israela byumyu" yigi Khanan byumyu" yi yo' dayhang: ti" adeingmain" nghoid ago". Nyangnu" gi nyangnu" mo ziyoo qei mo, ri amain" da" jangshi" ci: lho: mhoug zo: khyoo: ri vho: ngei boem ago".

XOIN" NGEI" 19:15

«Tarha" dang: phyed uri deingmain" wigi tarha" khyo" koid ge'. Sho" jhen: da" yug ri we' myonhoo: abyid:- yoo" zoo: bang: ri we' agyug goo".

AMO 5:24

Hau: gungthid tarha" nyeung veung" khyoo: gi gyid zoo: gyung: su" deing byeung" da" khyoo: gi khanham we' akyoug kain" lo" da" gyid moo" lang su" yau loo" nhang: nyid we'.

MIKHA 6:8

Anghoid- Aseing gi ngoonu" ri ge da" khyoo: ri toin" shed too" bye:. Nyang: ngoonu" mo vho: nyid zigi tarha" dain: khyo" zei: so' khyoo:- geung: teing jheddab khyoo: ri toin" shed wa ziyo' nheigloem: khyo' nyhoem: khyoo: Mangsoo yo' zoem" khau: wa khyoo: nghoid.

ZEKHARIA 7:7

Shid phyang" Yerusalem gi nyid gi nyid de: lho: byupug thu: ziyo' ayam aqei: mo voogung joem moo za: we' anghoid- moug: thang: jang: dam mung" yo' bidvang shoid mo boem khyid: moo ju" sho' byu myoo" sho' nyid shi" uri lapi: yi khyo" Aseing gi he: khyoo: ri tid too" bye:.

ZEKHARIA 7:8

Aseing gi Zekharia ri he: da" mungdang: byid: too" bye:.

MATHE 23:23

«Ayid void to" da" Tarha" sara: yi yo" Pharishe yi we"- Nanu" gi joem: lo" abye: go". Nanu" gi sheing: nham"- pagyoem, rin" soi: shi" mo daxi: boem mo daboem da" alu: ri byid: nghoid loug we' hau: tarha" moo bo da" je yhoug gyen: da" tarha" nyeung veung" jheddab da" khyoo:- nheig khyeig da" khyoo: yo"- deungmain" da" khyoo: rigi nanu" lid too" kho, ago". He: gu: ri we' cang pyeing" nyid ri ge'.

LUKA 11:42

Pharishe yi nanu" gi joem: loo" goo" wa. Nanu" gi nghang" pho, nyoug yu: fu- shabain sheing: nham: mo ju sho' to xi: boem mo daboem da" alu: kaid boem nghoid loug we' myonhoo: khyen: ziyo'- Mangsoo ri jheddab deung main" khyoo: aboo. Nanu" gi daxi: boem mo daboem da" alu: kaid zi za: anghoid. Myo, nhoo: akhyen: ziyo'- Mangsoo ri loem: khau gyoug phau" khyoo: we' bo koid: tho.

YOHAN 7:24

Atho' pyam: mo da" akhyoo" again ri za: yu" lho: dang: aphyed goo. Deung main" da" khyoo" khyo" dang: daphyed ge ga: tid.

YOHAN 7:51

Nikodi gi «Ngoonu" da" tarha" khyo" ce: moo" ri shoid da" khyoo: ri kyeung yu zi akoid. Tarha" shoid su: ri tid nyheing tid feing wa akhang"- we abyid:- loo: za: dayug yug ri tarha" dang: phyed' yu" la".» ga: tid.

TARHA" TID POIN" 22:1

«Nang gi Israela mang: nhung" dayug da" nu: anghoid lang" yang so" lam" yen" ziri shau" myang ri agoin: ayu" lhid: kaid. Nya: jang" khyoo: doem koin" loo" byid: we'.