ZEKHARIA 7:7 - Lacid Common Language Bible

⁷ Shid phyang" Yerusalem gi nyid gi nyid de: lho: byupug thu: ziyo' ayam aqei: mo voogung joem moo za: we' anghoid- moug: thang: jang: dam mung" yo' bidvang shoid mo boem khyid: moo ju" sho' byu myoo" sho' nyid shi" uri lapi: yi khyo" Aseing gi he: khyoo: ri tid too" bye:.

ZEKHARIA 7:7 ပူးပေါင်းရင်းမြစ်များ

ESAIA 55:3

«Nga" byumyu" we"- akhid" tam" gyoo: ge' nga" jhang loo ge'. Nga" jhang loo we'. Nanu" kangso' yo" yu wa. Ngoo gi nanu" yo' dang: theing myang" sho' koid wa. David ri ngoo dangsoo" byid: to" da" mainkaid jeju joem ngoo nanu" ri byid: wa.

YEREMIA 13:19

Yuda mung" mougpyi: shoid voogung joem gi vang: to" zi shau" abye: go". Nyangnu" jhang hang" ayo" ju" vang yhi: nghoid da:. Yuda mung" byu dangain" bang: gi pyoung" she: lo" zi shau" abye:.

YEREMIA 17:26

Byu yigi Yuda mung" voogung joem mo yo' Yerusalem lheing khoem mo voogung joem mo ju" lo boem goo" wa. Nyangnu" gi Benyamin mung" mo bouggung khyid: joem mo boem joem mo Yuda mung" mougpyi: shoid mo ju" lo boem goo" wa. Nyangnu" gi nga" Noku Yhoem: Moo" khyoo: nghe' ngei" xoin" joem shivoo: xoin" joem shoem: nam pyo: ja: yo' jeju" boin: so" xoin" joem ri ci: lo boem goo" wa.

YEREMIA 22:21

Nang yoo" zoo: yoo" shug uri Aseing gi nang ri dang: tid da:. Nghoid loug we' nang atam" gyoo: byid: nghoid da:. Hau: zigi nanu" pyaid goin" moo nanu" koid lo zi nghoid abye:. Nanu" gi khanham we' Aseing ri tid dang: alhoung tam" gyo: loo: nghoid da:.

YEREMIA 32:44

Byu yigi yoothung" ri qei loo wa. Myid veing" mougsoug" ri lo, xoem" lhid" dazid thung"- sagse: too" wigi koid loo goo" we'. He: zigi Benyamin mougmyid moo Yerusalem lheing khoem voogung joem moo boem moug: mo voogung joem moo boem khyid: mo voogung joem moo Yuda mung" mougpyi: shoid moo bue" loo wa. Byumyu" yiri nyangnu" mungdain: moo doem pyeing byid: wa. Ngoo Aseing tid bye:» ga: tid.

YEREMIA 33:13

Boug gung mo voogung joem mo boem khyid: joem moo Yuda mougpyi:- shoid moo Benyamin mougmyid moo Yerusalem aqei: ayam voogung joem moo Yuda voogung joem moo yang zung" bang: gi nyangnu" yang joem ri dalheing: doem nghab loo wa. Ngoo Aseing tid too" bye:» ga: tid da:.

YEREMIA 44:4

Ngoo ngheing" da" he: gyoug dain tung" da" moo" ri akoid wa shid re" nanu" ri tid kyo" da" nga" dei zoo: Lapi: yiri nanu" jhang ngoo xo' wigi nhang: kaid byid: bye:.

YEREMIA 7:23

Nghoid loug we' ngoo gi nyangnu" Mangsoo bue" wigi nyangnu" gi nga" byumyu" bui" wa shid re" nga" tid dang: tam" gyoo: wa khyo" koem' gi nyangnu" ri ngoo amyeing" byid: too" bye:. Houg: lho: nyangnu" nyid gi yab gi wa shid re" nyangnu" ri ngoo amyeing" byid: to" da" khyo" nyid wa shid re" ngoo tid too" bye:.

YEREMIA 7:5

Nanu" nyid da" avoid ri thid pyam ge'. Nanu" koid da" moo" ri theing: pyam ge'. Nanu" nyang: cang" zoem" khau: jang" moo tarha" deingmain" khyo" zoem" ge'.

ZEKHARIA 7:12

Nyangnu" gi nyangnu" nheigloem: ri lugzeing su" thain: nhang: to" ago". Khasu" wim ga: ri nyangnu" gi shid phyang" mo lapi: yi khyo" tid kaid da" nga" jhoug" myeing" ri acang yoomo ngoo gye" nheig yoo: nau loo bye:.

ZEKHARIA 7:6

Nanu" zo: shug uri nanu" nya: nheugshid: wa shid re" koid zi danghoid.

ZEKHARIA 7:8

Aseing gi Zekharia ri he: da" mungdang: byid: too" bye:.

TARHA" TID POIN" 34:3

Yuda mougpyi: shoid yo' Zora mo zi thab gam joem da" voomoo" Yerikho ju" sho' da" jang: pa: jang: dam joem ri toin" shed da:.