ZEKHARIA 7:3 - Lacid Common Language Bible

³ Khainjung bi" yo' lapi: yiri «Aseing yhoem: moo" byo, yoin" loo" yoomo lid: lo da" myoo" sho' zain mo zoo: noem zeing: yhang: ti" akhid" ju" lo wim: khyab' moo zoo: noem zeing: shi" wa la" ein: yhe: myid: ge'» ga: nhang: kaid.

ZEKHARIA 7:3 ပူးပေါင်းရင်းမြစ်များ

EZRA 3:10

Noku Yhoem: Moo" koid bang: ayang: zhug shid lo" da" uri khainjung yigi khainjung byisheing: void wigi nyangnu" joyoo moo laboo" ci: lho: nyid ago". Levi byumyu" Asab akung: mo bang: we' jhabceing ci: wigi houg moo yab jo, ago". Nyangnu" gi khokham David pyaid mo koid gyoo" lo ziyo' dakhyoo" ti" Aseing ri coung" nghei boem bye:.

PHAJHI" DANG: 3:4

Nyang: gi kougshu: da" ayo, yo' ngei pyo: da" ayo, koug ngoug wa ayo, yo' goo" wa da" ayo,

HOSEA 4:6

Nga" byumyu" yigi joem: lo" boem bye:. Ciwim gari nyangnu" gi ngoo ri ayhen: yu nghoid ago". Khainjung yi nanu" gi ngoo ri yhen: yu wa he: pyam lho: nga" jhoug" shed khyoo: ri ngeug pyam abye: go". Houg: yoomo ngoo gi nanu" ri ngeug pyam lho: nanu" da" yuggi zoo: yiri we' nga" da" khainjung yi khyo" ayhen: yu wa.

YOELA 2:17

Xoin" ngei" wa phoin: yo' Noku Yhoem: Moo" khyoo: vang lo" da" khoem" duang: agyoo: moo Aseing ri xoin" ngei" byid: nyid da" khainjung yigi «Aseing we" re" da" byumyu" yiri nheig khyeug yu shi" we' gootu: byumyu" yi wigi nanu" da" Mangsoo gi khayoo: nyid lha" ga: ngoonu" ri aphoug" akhyoid koid lho: ajuang" yi pyam nhang:» ga: wigi koug ngau lho: akyu" mho' boem ca" wa nghoid.

HAGI 2:11

«Nang gi khainjung yiri ‹He: tarha" moo" zoo" yo' sen: lho: myid: yu" we'.

ZEKHARIA 7:4

He: zigi nga" jang" moo ju" lo da" Aseing mungdang: nghoid.

ZEKHARIA 7:5

Nyang: tid zigi «mungdain: mo mung" byu yi dangain" yo' khainjung yiri hidsu" ein: tid kyoo" we' lid: loo" bye: nyhed xi: zain- khau: moo lhammoo" 5 khyab yo' 7 khyab moo zoo: noem zeung: lho: ngoug khyang" fang" nyid zigi ngoo ri phoug" tab ngi: byid: khyoo: anghoid.

ZEKHARIA 8:19

«Lhammoo" myid: khyab wim: khyab nyhed khyab yo' xi: khyab ein: wa lhoo' khyab joem moo zoo: noem zeing: ayo, moo: gi Yuda byu yi shid re" gau yi ziyo' ngei pyo: da" pui" bidnyid bue" loo wa zi nghoid. Houg: yoomo nanu" gi deingmain" ziyo' myenjham" khyoo: ri vho: ngei ca"» ga: tid.

MALAKHI 2:7

Khainjung yigi yoem: moo" bo da" Aseing Mangso da" lagyoo: yi nghoid yoomo mung" byu yiri Mangso deingmain" da" lasi phajhi" ri jhau" byid: cang bo nyid. Mung" byu yi we' ngoo vho: ngei khyoo: ri khainjung yi jang" mo yhe: jhoug" yu ca" nyid.

MATHE 9:15

Yesu gi «phoo seig gi loxo' yab, yo' sen: da" pui" re" byu yi yo" dage" danyid shi" uri nyanu" nyang: koug" shu: zi shau" goo" wa la". nghoid loug we' phoo seig ri kang" kaid wa da" bidnyid ju" loo wa. Houg: lang" nyangnu" gi zoo: noem zeung: zi nghoid.

1Korinthians 7:5

Nanu" gi shid mo wigi- akyu" mho' wa shid re"- daso, zoo: azoem" goo" loo: nyid wa shid re" myid veing" go" to" da" ayo, lid' lang" gi yhoem: seing: phoo, yhoem: seing: myhi' gung shoo" zoem" khoug: wa shid re"- ajang" pyam goo. akyu" mho' da" ayo, lid' lang" gi doem zoem" khau: nyid ge'. Hougsu" nghoid lang" gi nanu" da" gung doem: ri ayo" khang" yoomo satan gunglau" zi ashoug" goo" baja".

TARHA" TID POIN" 33:10

Nyangnu" gi re" tarha" ri tam" gyoo: wa shid re" re" byumyu" yiri jhau" byid: loo goo" wa. Nyangnu" gi re" phoin: moo xoin" to' byid: loo goo" wa.