ZEKHARIA 5:3 - Lacid Common Language Bible

³ Houg: lang" nyang: ngoo ri tid zigi «He: zigi moug: gyab goin" jang" khyoo: thu lo" da" nheing" khoin" lhid" to" zi nghoid. Dashoid moo gi khoug" mo, gi he: mougmyid mo shoem" thu pyam' zi shoug" wa khyoo: lhid" to" lho: dashoid moo gi adeing amain" khyo" jham' tang: mo, yugkhang" moo" gi shoem" thu pyam' wa khyoo: lhid" to"» ga: tid nyid.

ZEKHARIA 5:3 ပူးပေါင်းရင်းမြစ်များ

THU' LO" MOUGSOUG" 20:15

Akhoug" goo".

DANG: ZHOEM 29:24

Khoug" foeb da" byencang" gi nya: shid re" age thang da" gyivoo nghoid. Nyang: wigi tarha" yung" moo: deingmain" zi tid nghoid rigi khoug" foeb gi yooboo dam kaid zi shoug" wa nghoid. Nyang: khyo" wigi deingmain" da" dang: atid nghoid rigi Mangso wigi nheing" wa zi nghoid.

DANG: ZHOEM 3:33

Aseing gi akhyeing" bang: da" yhoem: ikoin deungkhu: ri nheing" khoin" kaid wigi deingmain" bang: da" yhoem: ikoin deungkhu: ri koem gi mainkaid jeju" byid: nyid.

DANG: ZHOEM 30:9

Ngoo moo: ca" nyid tho' re" jonu" ziyoo yo" jo, loo lang"-nang ri ngoo ci: aca" loo: ga: tid loo wa zi nghoid. Nghoid lang" ngoo sho" jhen: nyid wigi khoug" zo: lho: nga" Mangsoo ri myeing yoin" loo" nhang: wa zi nghoid.

ESAIA 24:6

Houg: yoomo Mangsoo gi mougmyid ri nheing" kaid da:. Mougmyid byu xangsu: yigi nyangnu" koid lo da" lo, moo" shid re" aphoug" byid: nyid ago". Nyid deing mo, je je neing: lo" ago".

ESAIA 43:28

Nanu" da" vhujhung: yigi nga" gyeung" shang: joyoo ri ayung" alho' koid pyam ago". Hougsu" yoomo ngoo gi: Israela adang moo byo, yoin' zi bui" nhang: wigi Ngoo gi: ngoonya: byumyu" ri aphoug" akhyoid rue" zi shoug" nhang: wa» ga: tid.

ESAIA 48:1

Yuda kung moo gyoo" lo da" Israela byu nanu" we"- he: ziri tam" gyoo: we'. Nanu" gi Aseing myeing ri lang: wigi jham' tang: lho: Israela da" Mangsoo ri noku wa ga: tid ago". Nghoid loug we' nanu" tid zi dakhoin" ri we' acang boem nghoid da:.

YEREMIA 23:10

Mungdain: gi Mangsoo ri jhug azug da" byu yi byeung" jo, da:. Nyangnu" akhyeing" da" khyo" kangso' dei wigi nyangnu" yoem: so' ri anghoid da" khyo" ci: ago". Aseing da" nheing" khoin" yoomo mougmyid gi koug ngau wigi dain" yoo joem gi kyug byug da:.

YEREMIA 26:6

Nanu" xo' wigi atam" gyoo: acang yhi: nghoid rigi ngoo Shilo voogung ri koid yhang: ti" he: Noku Yhoem: Moo" ri we' koid wa. Houg: lho: mougmyid gyab goin" mo byumyu" yi dangain" gi he: voomoo" byumyu" yi dangain" gi he: voomoo" myeing ri nheing" khoin" khyo" ci: loo goo" wa» ga: tid.

YEREMIA 5:2

Nanu" gi Aseing ri noku ga: phau: tid fu" nghoid loug we' Nanu" tid ziyo' koid zigi azhung" nghoid ago".

YEREMIA 7:9

Nanu" gi khau" zo:- byu said- myi: shoid lang shoid- jham' tang: wigi mhau'- Bala ri xoin" ngei" byid:- nanu" shid phyang" khanham we' ase' lo da" yu phara" joem ri no' ago".

EZEKIEL 2:9

Nga" shid moo lo, dalo, yhoin" thu re" zi ngoo shau" myang. Hau: lo, gi mougsoug" deing: zhoeb ci: da:.

DANIELA 9:11

Israela byu dangain" bang: gi re" da" tarha" joem ri phyo' pyam wigi nyangnu" gi nang tid ziri ngeug pyam ago". Ngoonu" gi nang ri yooboo shoid bye:. Houg: lho: nang gi re" dei zoo: Moshe da" tarha" moo: lhid" to" da" nheing" khoin" ri ngoonu" dang moo khyo' kaid byid: abye:.

HOSEA 4:2

Nyangnu" gi dangsoo" to" to" lho: hau: ziri doem phyo' pyam ago". Nyangnu" gi mhau' tid- byu said- khau" ziyo' myi: shoid lang shoid ago". Yooboo koid moo" je myoo: nhang: wigi byu said moo" ri daloem: bain thang: daloem: koid thu ago".

XOIN" NGEI" 19:11

«Akhoug" goo"- afain" goo"- amhoug goo".

XOIN" NGEI" 19:12

Nanu" dang: azung" wa nghoid rigi nga" myeing moo: dangsoo" akoid too" goo". Hau: zigi nga" myeing ri sho' phu" nhang: nyid da:. Ngoo nanu" Aseing Mangsoo nghoid.

AMO 3:10

Aseing tid zigi «He: byumyu" yigi youg: moo" yo' athoug" akhyoug: khyo" lhoid yu da" zi joem ri nyangnu" da" yhoem: moo" joem moo kaid pyeung to" ago". Nyangnu" gi khasu" yo" deingmain" wa zi lang" atho' si' loo nghoid da:.

ZEKHARIA 5:4

Yoem: moo" bo da" Aseing gi hau: mougsoug" deing: ri nhang: kaid lang" gi khoug" mo, yugkhang" moo yhoem: yo' nga" myeing ri lang: lho: adeing amain" khyo" jham' tang: mo, yugkhang" moo" yhoem: khyoo: vang lo" lho: nyangnu" da" yhoem: joem ri byo, yoin" loo" nhang: pyam' wa nghoid» ga: tid.

ZEKHARIA 8:17

Nanu" nyang: cang" noo nhang: goo" wa khyo" phajhi" akhyoug" go". Jham' tang: lho: mhau' da" sagse: ri akham go". Ngoo gi mhau' zi adeingmain" zi pyi: sho: da" khyoo: yo' athoug" akhyoug: koid da" moo" ri ngheing" nyid» ga: tid.

MALAKHI 3:5

Yoem: moo" bo da" Aseing gi hidsu" ga: tid nyid «Ngoo ri dang: phyed wa shid re" nanu" da" mo, phung: gung moo thu myang loo wa. Fa" zo: yen" mo, soem" lid shoo: mo, adeing amain" khyo" jham' tang: mo, vhu" kung: yiri vhu" kung phoug" ashang" mo, coug" zoo: cougmoo" yi yo' being" voo yiri doin: zeig zoo: mo, -ngoo ri aphoug" amyang: mo, dangain" ziri vhu" zhug lho: yooboo dang: phyed wa zi nghoid.

MALAKHI 4:6

Ngoo gi nanu" da" mung" ri ajoem: loo" nhang: wa shid re" nyang: gi nya: pho yo' nya: zoo: ri dage" veing" go" loo nhang: wa zi nghoid» ga: tid.

MATHE 25:41

«Hau: da" thang: ri khokham" gi lo, koung" shoid khyoo nyid mo, ri ‹joem: so: zhung" da" byu yi we"- nga" jang" mo gang: loo" ge'. Yu satan: yo' nya: lagyoo: yi shid re" ein: nyheing to" da:- moo myi: apyaid atoo: thoem" khyoo vang loo" ge'› ga: tid.

LUKA 21:35

Houg: su" alhid zid" nyid nghoid rigi Tarha" dang: kho" da" bidnyid gi mang: khung" beig gyoo" lo yhangti"- nanu" da" atho' moo dalheing: dam beig gyoo" loo wa. Hau: bidnyid gi byu xangsu: bain sho' mo, da" tho' moo gyoo" loo wa nghoid.

Ephesu 4:28

Lhoung khau" yu" su: gi khau" da" moozoo" ri to" pyam' lho: adoem khoug" loo goo"- ca" yo nyid bang: ri yo" pang" thoug sho' nyang: nya: da" lo, yo' deingmain" da" voem: doug: khu: da" moozoo" ri zei: shid" lo" boem loo: ge'.

1 TIMOTHI 1:9

Gyeing" nyang: ein: rigi ngoonu" se' gyo: too" ca" da" khyoo: gi hau: toung: to" da" tarha" gi byugi yi shid re" anghoid. Tarha" ri shoid nyid mo, yo' yooboo yoo" bang:- Mangsoo ayoo" mo, yo' yooboo dab, bang:- loem, khau: da" noku thung ri acang bang:- loem" jeung" khyoo:- hougsu" anghoid lang" gi Venyi khyoo: moo nheigloem: aboo mo, nyang: nya: myhi' phoo yi ri said' pyam' bang: yo' byu ri said' mo,

YAKU 5:12

Nga" mang: nhung" yi we"- nanu" jham tang: go" khyoo: gi dajhi' we' akoid goo"- moug: khung: ri we' anghoid- myidjang: myeing yu lho: we' anghoid- ce" noem myeing ri lang: lho: we' jham atang: goo". Nanu" da" dang: gi nghoid ga: lang" gi nghoid bye- anghoid ga: lang" we' anghoid baja"- houg su: nghoid lang" gi nanu" ri Mangso dang: kho' zi ashau" boem wa.

YAKU 5:4

Nanu" gi nanu" nya: da" tung yoo yoothung" joem moo moo" zei: nyid da" byu yi gi ce" vhu" kung: phoug" we' ashang" kaid boem. Nyang: nu" nheig yoo: nheig jhug nyho: nyid thui: ri tam" gyo: yu" ge'. Nanu" da" shivoo: shiloem, shung: byid: nyid mo da" thui: gi athang agoin da" yoem: moo" bo da" Aseing: Mangso nukhyab' moo khyang: vang loo" bye.

YOSHU 9:20

Ngoonu" da" dangsoo" yoomo ngoonu" gi nyangnu" ri nyid nhang: ca" da:. Ngoonu" hougsu" akoid lang" Mangsoo gi ngoonu" ri yooboo dam byid: wa zi nghoid.

Pang Shug 21:8

Nghoid loug we' gyoug da" nheigloem: boo mo, aloem" ajeung" mo, anyhoin: athoung" bang:- aved, avhu: youg: shoo: goo: bang:- goem, phain" maintain: khyoug" bang:- soolhoo: ri noku mo, yo' no" zo mhau' fain" da" dang: ri tid mo, dangain" gi houg: bang: da" joyoo gi myi: yo' fang nge" nyid da" myimi: thoem" moo nghoid. Hau" zigieig lheing: ein: da" shid: lo" khyoo: nghoid- ga: tid nyid.

Pang Shug 22:15

Nghoid loug we' voogung da" nghe: shoid moo nyid mo, gi loem" jeung" khyoo: moo khyoo: vhang: vhang: mo, goem, phain" maintain: khyoug" mo, yo' aved, avhu: koid mo, byu said mo, soolhoo: ri noku mo, yo' ung: khoug: mo we' zei: da" moozoo" khyo" we' no" zo mhau' fain" voo mo, nghoid nyid boem ago".