ZEKHARIA 4:7 - Lacid Common Language Bible

⁷ «Gye" gyi: da" boem moo" we"- nang gi cenoem nghoid la". Zerubabela shidkhoin" moo nang gi jang: dam bue" loo" wa zi nghoid. Nyang: gi Noku Yhoem: Moo" ri doem zhug lho: thang" thang moo yhoem: jhoin: mo khung: phoug lug zhug to" uri mung" byu yigi ‹Gye" yung" gye" yung"› ga: nyho: thu lo boem wa» ga: tid.

ZEKHARIA 4:7 ပူးပေါင်းရင်းမြစ်များ

YEREMIA 51:25

Babelon we" nang gi mougmyid gyab goin" ri phyo' shoin' pyam da" boem yhang: ti" nghoid da:. Nghoid loug we' ngoo Aseing gi re" gyivoo nghoid. Ngoo gi nang ri koid: yu wigi myidgung khyoo: du" khyo' pyam wa nang ri myimoeb boem" za: teing too" wa.

ZEKHARIA 4:9

Zerubabela gi he: yhoem: ri ayang: zhug too" bye:. Hau: lho: zhug we' bain zhug too" bye:. Hid: myhoo' ja: bue" lo uri nyangnu" nyid jang" moo nyang: ri nhang: kaid su: gi Aseing Mangsoo: ngoo nghoid ziri nga" mung" byu yi se' loo goo" wa nghoid.

MIKHA 4:1

Lo" thang da" bidnyid ayo, moo gi Noku Yhoem: Moo" jo, da" boem gi bouggung dangain" atho' moo myhang: thang boem nghoid wa byumyu" yi myoo" sho' bang: gi houg: khyoo: lo" boem wa zi nghoid.

COUNG" NGHEI 118:22

Yhoem: zhug mo, gi ce" akyu" aboo ga: khyen: lei" pyam, to" da" lug loem: gi dangain" tho' moo: je" yhouggyen: da" yhoem: jhoin: mo lugzeing bue" loo bye:.

COUNG" NGHEI 114:4

Boem joem gi coidbaid joem yhang: ti" thu' byam nyid wigi bouggung joem gi yang joem yhang: ti" byam yen" ago".

1PETERU 2:7

Loem" jeung" mo, nanu" shid re" gi hau: lug moo" boem, gi gye" phau" zi nghoid. Nghoid loug we' aloem" ajeung" mo, shid re" gi lug yhoem: zhug mo, khyen: lhei" to" da lug loem" gi yhoug: gyen: thang da" yhoem: jhoin: mo geung: teung da" lug. Loem: bue" loo bye.

ACTS 4:11

Yesu gi nanu" lugyhoem: zhug mo, khyen: she: lhei" pyam da- lugloem: nghoid. Hau: zigi je" akhyag da" yhoem: jhoin: lug bui" bye- ga: jhoem: mungdang: moo tid too" su: nyang: nghoid bye.

ESAIA 41:15

Ngoo gi nang ri aseig nghoid wigi tho' da" gug baid lakya: yhang: ti" koid wa. Nang gi boem joem ri kyo' lho: phyo' shoin' pyam wa. Boug gung joem gi pheilhoug: bui" sho' moin" byug wa.

COUNG" NGHEI 114:6

Boem joem we" ciyoomo coidbaid joem yhang: ti" thu' byam yen" go" lha". Boug gung joem we" ciyoomo nanu" gi yang nu" joem yhang: ti" peig byam yen" go" lha".

Roma 11:6

Mangsoo: gi houg: bang: ri nheig khyeug khyoo: khyo" khyen: yu to. ngoonu" da" aved ri yu" lho: khyen: yu zi anghoid. Gyeing" nyang: Mangso: khyen: yu da" khyoo: gi - byu avoidd ri yu" nghoid rigi - nya: nheig khyeug khyoo: gi gyeing" da" nheig khyeug khyoo: anghoid.

MIKHA 1:4

Hau: thang: ri myi: zang" da" byooshung" yhang: ti" boem joem gi nya: khyid: yang: moo yau, yu: lo" lho: Hau: zigi bouggung tho' mo gyid foid shoin" kaid ziyo' dakhyoo" ti" jang: gyu" lang: khoug: khyoo: yau gyo" lo" boem wa zi nghoid.

ESAIA 28:16

Akhid" gyi: sheung: da" Aseing tid zigi «Ziun moo geing: teing yoem: gyi: da" apoem: ayang: daloem: tam to" da:. Houg moo ‹Geing teing da" loem khau: myid gi nheigloem: we' sheing: da› ga: lhid" tab to" da" ajhoin: lugzeing daloem: ri ngoo kaid to" da:.

Pang Shug 16:20

Gu: gyoo: kang: joem yo' boem, lang joem dangain" we' byug. shang loo" khari" bye.

Ephesu 2:20

Nanu" gi lagyoo: yi yo' lapi: yi zhoug to" da"-apoem: ayang: moo poug zhug do, loo" shau" mo, we' nghoid- Khristu Yesu nyang: koem gi hau" yhoem: mo geung: teung ayang: lug boem nyang: nghoid bye.

LUKA 20:17

Yesu gi byu yi ri yu" lho: lug yhoem: zhug mo, khyen: lheig to" da" lugloem: gi dangain" tho' moo je" akhyag thang da" yhoem: jhoin lug zing bue" loo bye: ga: da" jhoem: dang: mo dangkang gi ce: noem nghoid? na? ga: myed:.

LUKA 3:5

Lang: khoug: jo, moo jo, ri du: tam, pyam lho: boem zeing boem zoo: bain sho' ri khyau" khyo pyam ge' goid" da" khyoo: joem ri nyhang: kaid ge'. Amyen akhyoid da" khyoo: joem ri khyoo: myen, khyo" tam, pyam ge'.

MATHE 21:42

Yesu gi «lug yhoem: zhug mo she: lhei" to" da" lugloem: gi yhouggyeing: thang da" yhoem: jhoin mo lugloem: bue" loo bye. He: da" moo" gi Mangsoo koid: da" moo" nghoid. ngoonu" da" shed khoin" moo mau" pho" moo" bue" loo bye: nhung:- ga: lhid" to" jhoem: dang yi ri nanu" anghab' yu" goo" la".

YEREMIA 33:11

Ngei pyo: wigi nyho: da" thui:- lo, xo' pui" moo pyo: da" thui: joem ri nanu" doem shoug" gyoo: loo goo" wa. Byumyu" yi nga" Noku Yhoem: Moo" khyoo: jeju" boin: xoin" ci: re" boem uri nyangnu" jikhoin" khoin" boem da" ziri nanu" shau" gyo: loo goo" wa. Nyangnu" gi ‹Myhang: thang Aseing ri jeju" coung" ge'. Ciwim gari: nyang: gi ge wigi nya: jheddab myid gi apyaid atoo: nghoid da› ga: tid boem. Ngoo gi he: mungdain: ri shid phyang" nyid gi yab ge yhi' nyid gi yab gi sho' koid wa. Ngoo Aseing tid too" bye:» ga: tid da:.

MARKU 12:10

Hougsu" wigi yhoem: zhug mo, khyen: khyo, pyam da" lug zeing gi dangain" tho' mo je" yhang: gyid: thang da" yhoem: jhoin: lug zeing bue" loo bye.

MATHE 21:21

Yesu gi «gyeing" gyeing" nanu" ri ngoo tid ba. Nanu" we' loem" shoid zi aboo loo: loem" jeung" nheigloem: bo nghoid rigi he: lafoem gam ri ngoo koid: ti" yo" koid: boem wa. Houg: za: anghoid ‹he: boem ri Panglai gyid mung" khyoo: thoid loo" we'› ga: tid ri lang" houg: su" yo" bue" loo" goo" wa zi nghoid.

HABAKU 3:6

Nyang: yab lang" mougmyid gi nain" lo wigi nyang: lheung: yu" kaid lang" byumyu" yi gyoug nain" nyid boem ago". Apyaid atoo: mo boem joem gi gyam: sain" lo" lho: goonham' nyang: lhung so" lid: lo" da" apyaid atoo: mo bau gung joem we' noeb vang loo" bye:.

EZRA 3:10

Noku Yhoem: Moo" koid bang: ayang: zhug shid lo" da" uri khainjung yigi khainjung byisheing: void wigi nyangnu" joyoo moo laboo" ci: lho: nyid ago". Levi byumyu" Asab akung: mo bang: we' jhabceing ci: wigi houg moo yab jo, ago". Nyangnu" gi khokham David pyaid mo koid gyoo" lo ziyo' dakhyoo" ti" Aseing ri coung" nghei boem bye:.

COUNG" NGHEI 84:11

Aseing gi ngoonu" ri goem loem byid: su: yo'- myonhoo: phung" yoeb yo' byeung" da" khokham nghoid wigi nheug khyeug shoo" myen: ziyo' phoug" tab ngi: byid: khyo" wigi ngoonu" ri mainkaid byid: nyid. Nyang: gi deungmain" da" moo" zei: bang: ri ge da" khyoo: ci: we' byid: wa shid re" he: ngeug nyid su: anghoid.

ZEKHARIA 4:8

Aseing jang" mo mungdang: gootu: nga" jang" moo ju" re".