ZEKHARIA 3:9 - Lacid Common Language Bible

⁹ Ngoo gi Yoshua da" shidkhoin" moo myojid" nyhed loem: dab da" lug yho' ri zhug too" byid: bye:. Yu" ge'. Ngoo hau: lug yho' tho' moo ngoo kyung" lhid" too" eung: ziri lhid" to" lho: hau: mung" mo akhyeing" ashoeb da" khyoo: ri danyid" dam ngoo shoem" pyam' byid: wa nghoid.

ZEKHARIA 3:9 ပူးပေါင်းရင်းမြစ်များ

1 KHOKHAM 1:20

Aseing khokham we" re" khokham zhungtang moo hang" ri xo' zhung: nhang: wa ga: khyoo: ri Israela byumyu" dangain" gi nyangnu" ri tid kyoo" wa shid re" nang ri zheing: yu" nyid da:.

2 KHOKHAM MHOOMYID: 16:9

Aseing nyangnu" oung: khoug: nheigloem: wigi nyang: ri jhug zug da" bang: ri yoem: boo nhang: wa shid re" mougmyid goin" ri tab tab za: zung" yu" nyid da:. Nang gi koo" moo" zei: abye:. Houg: yoomo akhid" mo thu: gu: nang gi ajang" gyi shau" khaid nyid wa» ga: yhe: tid da:.

COUNG" NGHEI 103:12

Bid thu gi bidvang yo' ve: lam: jo, ziyo' dakhyoo" ti" nyang: gi ngoonu" da" yooboo joem ri ngoonu" yo' ve: lain loo" nhang:.

COUNG" NGHEI 118:22

Yhoem: zhug mo, gi ce" akyu" aboo ga: khyen: lei" pyam, to" da" lug loem: gi dangain" tho' moo: je" yhouggyen: da" yhoem: jhoin: mo lugzeing bue" loo bye:.

THU' LO" MOUGSOUG" 28:11

Yaku da" nya: zoo: daxe: eig yug da" myeing ri lug se' thuang" bang: thuang" lhid" wigi sheing: khu zoo: moo kaid too" wa zi nghoid.

THU' LO" MOUGSOUG" 28:21

Israela akung: daxe: eig kung: da" gungthid nghoid wa shid re" lug dacab moo myeing dacab khyo" Yaku da" nya: zoo: yi da" myeing ri lug daxe: eig cab moo kyung" lhid" too" ca" da:.

THU' LO" MOUGSOUG" 28:36

Sheing: yo' sheing: zi daloem: koid wigi Aseing ri ‹shugbyid: to" da› ga: lhid" tuang tab too" wa zi nghoid.

ESAIA 28:16

Akhid" gyi: sheung: da" Aseing tid zigi «Ziun moo geing: teing yoem: gyi: da" apoem: ayang: daloem: tam to" da:. Houg moo ‹Geing teing da" loem khau: myid gi nheigloem: we' sheing: da› ga: lhid" tab to" da" ajhoin: lugzeing daloem: ri ngoo kaid to" da:.

YEREMIA 31:34

Nyangnu" mo hang" dayug we' nyangnu" da" yhoem: kyoo" cang" yiri Aseing ri si' wa shid re" jhau" shid byid: aca" loo wa. Ciwim gari: nge thang yug mo gyi: thang yug ju" sho' dangain" bang: ngoo ri se' loo goo" wa. Nyangnu" yooboo joem ri ngoo khyoid pyam byid: wigi nyangnu" shoid da" lo, moo" joem ri khanham ngoo amyid boin: loo wa. Ngoo Aseing tid too" bye:.

YEREMIA 50:20

Hau: ayo, ju" lang" Israela moo ce: yooboo amyang wa. Yuda mung" moo akhyeing" zi ci: ajo, wa. Ciwim gari ngo wigi kangso' dei nhang: too" bang: ri ngoo yooboo khyoid byid: wa. Ngoo Aseing tid too" bye:» ga: tid da:.

ZEKHARIA 13:1

Yoem: moo" mo Aseing tid zigi «Hau: da" bidnyid ju" lo uri David da" nya: myid: nya: zoo: yi yo' Yerusalem voomoo" moo nyid da" voobyu yi da" yooboo yo' soolhoo: ri no' da" khyoo: ri cid" shang: pyam' byid: wa shid re" gyid bug dakhyung: phang byid: wa.

ZEKHARIA 3:4

Houg: lang" moug: lagyoo: gi nya: shidkhoin" moo yab jo, da" moug: lagyoo: yiri - «Yoshua void ci: da" nheig yu" no da" byimi ri khyoid pyam' byid: ge'» ga: tid. Hougsu" wigi nyang: gi Yoshua ri «tam" gyoo: we' re" da" yooboo ri ngoo yu pyam' byid: bye:. Ngoo gi byimi seig nang ri byid: foid wa» ga: tid.

ZEKHARIA 4:10

He: moo" zoo" zei: shid" lo" ayo, moo azhei' kyeung" da" moo" ga: kyi: yang myeung nyid da" byu yigi akhid" Zerubabela lo, moo ci: da" khung: phoug lug ri myang uri ngei pyo: goug yi boem wa. «Hau: myikug ki" jang: nyhed loem: gi Aseing da" myojid" nyhed loem: ri tid zi nghoid. He: myojid" gi moug: gyab goin" jang" mo jo, moo jo, dangain" ri yu" myang zi nghoid»

YOHAN 1:29

Thang: nyid" ri nya: jang" moo Yesu jure" zi myang lang" Yohan tid zigi Mougmyid byu yi da" yooboo ri yu pyam byid: da:- Mangso: yang nu" ri yu" yu" ge'.

YOHAN 6:27

Boeb' yoin" loo" se' da" zoo: noem shid' re" yoem: akaid goo. Apyaid ato: kangso' yoo" nhang: da" aboeb ayoin" loo" se' da" zoo: noem shid' re" yoem: dakaid nyid ge'. Phoo Mangsoo gi byu da" nya: zoo: ri nyang: vho: ngei da" sag si nyang: moo byid: too" bye. Houg: yoomo byu da" nya: zoo: gi hau: da" zoo: noem nanu" ri byid: wa zi nghoid ga: tid.

ACTS 4:11

Yesu gi nanu" lugyhoem: zhug mo, khyen: she: lhei" pyam da- lugloem: nghoid. Hau: zigi je" akhyag da" yhoem: jhoin: lug bui" bye- ga: jhoem: mungdang: moo tid too" su: nyang: nghoid bye.

Roma 9:33

Jhoem: mungdang: moo- Tam" gyoo: ge' - byu yi thoung" thoe: leung loo" nhang: wa shid' re" lug daloem: ri Zion boem tho' moo ngoo zhug too" wa. Byu yi gi hau: lug loem: ri thoung" lho: leung: loo" goo" wa. Nghoidloug we' hau: lug loem: ein: da Khristu ri nheigloem: ung: khoug: bain" sho' loem" jeing" su: gi - Khanham we' nheigloem: byo loo" wa zi anghoid.- ga: wigi bo jo da.

2~KORINTHU 1:22

Mangsoo nyang:- ngoonu" ri goo" zu: xen: khyen: yu wigi-nya: byumyu" yi nghoid bye: da" laxoem" dazid' thoung" tab byid: bye: ziyo' ju" loo wa ayo, moo ngoonu" shau" kham: yu wa da" jeju" dangain" shid re" ama, kham byid: ziyo' ngoonu" da" nheig loem: khoug: moo hau: gyeungshang: da" Venyi foid shoin" kaid byid: bye.

2~KORINTHU 3:3

Hau: lhid" cab ri Khristu nyang: nyang lhid" lho: ngoonu" ri foin: kaid zigi bang bang nyang nghoid nyid. Hau: moug soig" ri mhug yeung yo' alhid" loo: za: Dei nyid da" Mangso Venyi yo' hau: lug yho' joem moo anghoid loo: za: Xangsu: byu yi da" nheigloem: emyid khoug: moo lhid" yoin" to.

2 TIMOTHI 2:19

Nghoid loug we' Mangsoo zhoug too" byid: bye: geung" teung da" apoem: ayang; koem' gi dei loeb, yu: yen" nhang: zi anghoid. Hau" apoem: ayang: da" atho' moo hau: Aseing: gi nya: da" byu yi nghoid bang: ri se' yu" nyid.ga: wigi we' Aseing: yo' sen: su: nghoid,, ga: wigi tid bang; dangain" mo, gi shoid vhang: da" moo" dangain" ri she: pyam' khook goo" baja"- ga: wigi laxoem" dazid' lhid" tab to.

HEBRE 7:27

Nyang: gi gootu: da" khainjung agyi yi yhangti"-xang shed" ri nyang: tu: nya: da" youg: noo yooboo shid re"-nyid" khang" moo" xoin" nghei" byid: nyid wa ca" su: anghoid. Nyang: gi nya: da" gung du: ri xoin" du: koid lho:-xoin" to' byid: uri-dalheing: za: yo' bain' sho' ngei" byid: pyam bye.

1YOHAN 2:2

Aseing Yesu nyang:- ngoonu" da" gung leig xoin" nghoid nyid wigi nyang: yoomo ngoonu" da" youg: noo yooboo joem ri khyoid' khyu: pyam' byid: tho' moo gootu- byu yug khang" moo' da" yooboo ri we' khyoid pyam byid: bye.

Pang Shug 5:6

Hau: thang: ri yang nu" dadu: gi dei noem, gougnyhoug myid: ja: yo' Ludaid yi khyam, lheung to" da" zhung: tang mo agung moo yab, jo, ziri ngoo myang- said' pyam' shau" bye: da" yang nu" yo' du nyid da- nyang: moo khyoug: nyhed khyoug: yo' myojid" nyhed loem: dab. Hau: zigi mougmyid gyab, goin" jang" khyoo:- nhang: kaid' da" Mangso venyi nyhed yug nghoid.