ZEKHARIA 2:9 - Lacid Common Language Bible

⁹ «Nga" mung" byu yiri phyo' mo, nanu" rigi Aseing nyang: latoo: phug wa zi nghoid. Nanu" join koid nyid da" Israela byumyu" yigi nanu" da" jonu" lhoid pyam byid: wa zi nghoid ein: yhe: tid kyoo" gi'» ga: tid. He: da" zi bue" loo lang" gi ngoo ri nhang: kaid su: gi yoem: moo" bo da" Aseing nyang: nghoid nhung:» ga: dangain" mo, se' loo goo" wa zi nghoid.

ZEKHARIA 2:9 ပူးပေါင်းရင်းမြစ်များ

ESAIA 10:32

Akhid nyid" gyivoo yigi Noba voogung moo nyid wigi Yerusalem voomoo" Ziun boem moo nyangnu" lo, zhoeb tu: yeing shug nyid ago".

ESAIA 11:15

Aseing gi Thoem" ni ri kain" hei' loo" nhang: lho: Uphrad gyung: we kain" hei' loo" nhang: wa shid re" lid lung ri nhang: kaid byid: da:. Hang" we' hau: ziri yo" so" phyed yhi: wa shid re" gye" nge da" gyid gyung: zoo: nyhed gyung: ri za: teing too" khoo wa.

ESAIA 12:6

Ziun boem moo nyid da" byu yugkhang" moo" nyho: wigi jikhoin" khoin" we'. Israela da" gyeung" shang: da" Mangsoo gi gyi: sheung: da" su: nghoid da:. Houg: lho: nyang: gi nya: byumyu" yi agyoo: moo nyid da» ga: jikhoin" khoin" wa.

ESAIA 13:2

Pyoid pyoid da" bouggung tho moo meing: zain pui dung khoin: ri tu: shab too" ge'. Nghoid boin: da" voomoo" khoem" moo" duang: joem ri khaid zain: wa nyangnu" ri aved byid: da" khyo" gyizoo: yiri zeig nyhoo: nhang: lho: nanu" lo, ri tu: too" ge'.

ESAIA 14:2

Aseing wigi Israela byumyu" yiri byid: to" da" mung" khyoo: nyangnu" doem tau" lo" ri byumyu" myoo" sho' bang: gi pang" thoug loo goo" wa. Hau: mung" mo byumyu" yigi join khyo" Israela ri dei byid: loo wa. Goonham' Israela byumyu" yiri myheig yu mo, gi akhid" Israela byu yi wigi myheig yu zi shoug" lo boem wa. Goonham' nyangnu" ri doin: zeig zoo: bang: ri Israela byu yi wigi vhoeb zo: loo goo" wa.

ESAIA 19:16

Egutu byumyu" yigi myiyi: yi yhang: ti" se' sho' da" ayo, ju" nyid bye:. Nyangnu" ri yooboo dam byid: wa shid re" myhang: thang Aseing gi nya: lo, ri yeing kaid ziri shau" myang lang" nyangnu" gyoug wigi ko' ko' nain loo goo" wa.

ESAIA 26:1

Byumyu" yigi Yuda mung" moo he: jikhoin" ri khoin" wa da" bidnyid ju" re" loo wa. Hau: zigi Nyangnu" voomoo" gi geing: da:. Mangsoo nyang: nyang: hau: vang joem ri goem loem byid: da:.

ESAIA 33:1

Ngoonu" da" gyivoo yigi joem: abye: go". Nyangnu" gi lhoid zo: lho: gyivoo yi lo, khyoo: ab byid: lo da" bang: nghoid loug we' nyangnu" rigi hang" wigi we' alhoid zoo: hang" ri we' gyid voo lo, kyoo: a ab byid: nghoid ago". Nghoid loug we' nyangnu" da" lhoid zo: ziyo' ab byid: da" akhyeing: ayo, gi thang loo" wa. Nyangnu" nyang: nyang: lhoid zoo: shoug" bang:- phyo' zoo: shau" da" zoo: noem bui" goo" wa.

ESAIA 33:21

Aseing gi nya: phung" yoeb ngoonu" ri ci: shug byid: wa. Ngoonu" gi dam da" gyid gyung: moo" yo' gyid zoo: gyung: ayam moo shoug" nyid loo wa. Nghoid loug we' gyi khaid da" lhid joem gi hau: adang moo agu: ri" goo” wa.

ESAIA 4:5

Hau: thang: Ziun boem yo' houg mo zeing: foem: nyid da" bang: adang moo Aseing gi nyid" gung moo jhoemmoug" phung- myen" ri myikhoug" yo' bang da" myi yam: ri nhang: kaid byid: wa.

ESAIA 48:16

«Akhid" nga" jhang tab tab re" lo wigi ngoo tid ziri gyo: yu ge'. Xang: shi" mo ngoo gi bang bang tid loo bye:. Houg: lho: nga" dang: khoin" joem gi khanham we' joeb byeung" re" da» ga: tid da:. (Akhid" myhang: thang Aseing gi nya: yoem: so' ngoo ri byid: wigi nhang: kaid abye:.)

ESAIA 60:18

Pyi: sho: da" thui: joem ri ashoug" gyoo: loo wa zi anghoid. Phyo' shoin' ziri re" mungdain: ri adoem khyoeb mhoin' pyam' loo wa. Ngoo gi nang ri vang yhang: ti" goem loem ziyo' gyi goo byid: wa. Nang ri ngoo khyoid yu bye: yoomo nang ngoo ri coung" nghei loo wa.

ESAIA 60:19

«Nyid" mo bid we' re" bidbang anghoid loo: wa. Houg lho: myen" mo lhammoo" zho: zi we' re" bidbang anghoid loo: wa. Ngoo Aseing gi apyaid atoo: moo re" bidbang nghoid wa. Nga" phung" yoeb bidbang gi re" adang moo zhoo: byid: nyid wa.

YEREMIA 27:7

Byumyu" dangain" gi nyang: ri dei byid: wigi nyang: seing: da" byumyu" mungdain: gyoeb gyo" byug da" ayo, ju" sho' nyangnu" gi nya: yuggi zoo: yi nya: myid: zoo: yiri dei byid: loo goo" wa. Hau: thang: nya: byumyu" yigi yoem: so' bo da" byumyu" yi yo' gyi: sheung: da" khokham yiri dei byid: loo goo" wa.

YEREMIA 28:9

Nghoid loug we' ngei pyo: yug yo khyoo: ri lapi: pe: da" lapi: phoo rigi lapi: pho da" lapi: dang: joem joeb byeung" loo lang" za: lapi: phoo gi Aseing wigi gyeing" nyang: nhang: kaid da" lapi: dayug nghoid khyo" xoem" yu byid: ziri shau" da» ga: tid da:.

YEREMIA 8:19

Tam" gyo: yu" ge'. Damoug: gyab goin" moo nga" byumyu" yi ngau nyid ziri shoug" gyo. Aseing gi Ziun moo anyid loo rhe". Ziun khokham gi houg moo anyid loo la"» ga: ngau nyid. Aseing nyangnu" khokham gi «Nanu" gi nanu" da" soolhoo: joem ri no' da" khyoo: yo' Ci akyu" abo da" nanu" da" tungbau meing: mo yu phara" joem ri goeb pid da" khyo" Ngoo ri ciwim yoomo nheig yoo nhang: go" la"» ga: phug tid da:.

EZEKIEL 39:10

Nyangnu" gi jangpa: mo thang" ashoo: ca" goo" wa. seig moo" yoo mo seiggam joem we' athug ca" goo" wa. Ciwim gari nyangnu" nghi' wa shid re" gi she: pyam too" kho' da" gyi jonu" joem yoo" wa zi nghoid. Nyangnu" jang" mo lanyhoeb lhoid yu wigi phyo' zoo: bang: ri nyangnu" wigi doem lhoid yu lho: phyo' zo: pyam boem goo" wa. Yoem: moo" bo Aseing ngoo tid too" bye:.

YOELA 2:27

Houg: lang" Israela bi" we"- ngoo gi nanu" da" mo, phung: gung moo nyid jo, ziri ngoo Aseing gi nanu" da" Mangsoo nghoid wigi nga" tho' mo lid lho: gootu: anyid lo: khyoo: ri nanu" yo" se' lo: boem wa zi nghoid. Nga" byumyu" yigi aphoug" akhyoid koid zi khanham we' adoem shau" loo wa.

HABAKU 2:17

Nang gi Lebanon yooyang" seig yoo ri thug hain" pyam' yoomo akhid" nanyang: ri thug pyam' zi shoug" wam bye:. Nang gi gougnyhoug goug: du: ri said pyam' loo bye: yoomo akhid" hau: gougnyhoug goug: du: wigi nang ri kyug nhain' loo wa nghoid. Nanu" shoid vhang: da" byu said moo" yoomo we' moug: gyab goin" jang" mo mung" byu yi yo' nyangnu" da" voomoo" joem ri athoug" akhyoug: koid yoomo we' he: zigi bue" loo wa zi nghoid.

HABAKU 2:8

Nanu" gi mungdain: myoo" sho' mo da" mung" byu yiri phyo' zo: phyo' shug lo yu" bye:. Nghoid loug we' akhid" nanu" gi nanu" shoid vhang: da" byu said moo" zoo" yoomo we' moug: gyab goin" jang mo mung" byu yi yo' nyangnu" da" voomoo" joem ri athoug" akhyoug: koid yoomo we' hau: deung nyid shi" da" byumyu" yigi nanu" ri lhoid zoo: lhoid shug loo goo" wa zi nghoid.

ZEPHANI 2:9

Ngoo gi Israela byumyu" da" Mangsoo dei nyid da" yoem: moo" bo Aseing ngoo nghoid ziyo' dakhyoo" ti" Sodom yo' Gomora ri phyo' sain" pyam yhang: ti" Moba yo' Amon ri we' phyo' sain" pyam zi shoug" wa nghoid ein: ngoo dang: theing to" zi nghoid. Hau: moug: gi xoo" khuang" yo' apyaid atoo: byo, yoin" jo, ziyo' mhain" yoo bue" loo" wa zi nghoid. Deung nyid shi" da" nga" byumyu" yi we' nyangnu" ri zain: lho: nyangnu" da" ziyoo jonu" ri lhoid lho: nyangnu" da" mungdain: yo" yu pyam wa zi nghoid.

ZEPHANI 3:15

Aseing gi re" dam ri bain thang loo" nhang: abye: Nyang: re" gyivoo yi dangain" ri we' khaid pyam byid: bye: Israela da" Aseing khokham gi akhid" nang yo' dage" nyid nyid. Ce" gyoug ci' wa khyoo: we' ajo, loo:

ZEKHARIA 2:11

Hau: da" bidnyid ri byumyu" myoo" sho' bang: gi Aseing ri loem khoug: lo boem wigi nya: mung" byu yi bue" lo boem wa nghoid lho: ngoo gi nanu" akhoug: moo nyid wa nghoid. Nyang: yoem: moo" bo Aseing gi ngoo ri nanu" jhang khyoo: nhang: kaid su: nghoid ziri nanu" se' lo boem wa nghoid.

ZEKHARIA 2:8

Nanu" ri zang" thung" su: gi Nga" myo, loem: moo zang" thung" su: nghoid» ga: tid. Nga" da" byumyu" yiri khaid zain: bye: bang: ri he: mungdang: tid kyoo" wa shid re" myhang: thang Aseing ngoo ri nhang: kaid.

ZEKHARIA 4:9

Zerubabela gi he: yhoem: ri ayang: zhug too" bye:. Hau: lho: zhug we' bain zhug too" bye:. Hid: myhoo' ja: bue" lo uri nyangnu" nyid jang" moo nyang: ri nhang: kaid su: gi Aseing Mangsoo: ngoo nghoid ziri nga" mung" byu yi se' loo goo" wa nghoid.

ZEKHARIA 6:15

Moug: vi: moo nyid mo, we' re" lho: Aseing da" yhoem: moo" ri bo pang" koid boem wa nghoid. Hau: lho: hau: yhoem: koid lang" yoem: moo" bo da" Aseing gi ngoo ri nanu" jhang khyoo: nhang: kaid ziri se' lo boem wa zi nghoid. Nanu" gi nanu" Aseing da" amyeing" dang: joem ri goolho' phau" cang lo" boem nghoid rigi hid: dangain" nanu" moo bue" loo wa zi nghoid.

ZEKHARIA 9:15

Yoem: moo" bo da" Aseing Mangsoo gi nya: mung" byu yiri goem loem byid: nyid yoomo nyangnu" gi gyivoo joem ri yo" phyo' pyam' boem wa zi nghoid. Nyangnu" gi yhid: yed mo, yhang: ti" meing: zain: jang: moo nyho: lo wigi nyangnu" da" gyivoo joem da" suid" ri jarung: mo phoin: khyoo: foid sain" da" xoin" du: suid" yhang: ti" gyivoo joem da" suid" yau loo" wa nghoid.

YOHAN 13:19

Houg: su" bue" lo da" uri ngoo gi ngoo nyang: nghoid da" khyoo: ri nanu" ri loem" jeing" nhang: wa da" shid' re" akhid" mo nyang: nanu" ri tid poin" to" zi nghoid.

YOHAN 16:4

Ngoo nanu" ri he khyoo: tid kyo" zigi nyangnu" we' nanu" ri tid yhang: ti" koid wa ayo, ju" ngoo nanu" ri no, mo tid too" bye zigi nanu" myid boin wa shid re: nghoid. Ngoo gi nanu" yo" dage" nyid shi" yoomo nanu" ri hau: da" khyoo: no" re- atid kyoo.