ZEKHARIA 13:9 - Lacid Common Language Bible

⁹ Deung nyid mo, rigi myi: yo' ngei zi ri kyeung yu yhang: ti" nyangnu" ri ngoo kyeung yu wa. Sheing: ri ca: yu" yhang: ti" nyangnu" ri ngoo ca: yu" wa. Hougsu" wigi nyangnu" ngoo ri mho' yoid uri ngoo nyangnu" ri tu" byid: wa nghoid. Nyangnu" ri ngoo gi nga" mung" byu yi nghoid ein: tid wa. Nyangnu" we' ngoo ri Aseing gi ngoonu" da" Mangsoo nghoid ga: yhen: yu lo boem wa»

ZEKHARIA 13:9 ပူးပေါင်းရင်းမြစ်များ

2 SAMUELA 7:24

Israela ri apyaid atoo: re" byumyu" aseing: nang bui" nhang: bye: zi nghoid ziyo' nyangnu" Mangsoo gi nang Aseing nghoid nyid bye: zi nghoid.

YOBA 23:10

Nghoid loug we' Mangsoo gi ngoo so" yhe: da" khyid: byi khang" moo" ri se' da:. Nyang: ngoo ri joeb ca: yu" nghoid rigi ngoo gyeung" shang: ziri shau" myang wa.

YOBA 28:1

Ngei ri du: yu da" ngei duang: jo, da:. Sheing: ri phoid kyeing sain' da" joyoo joem jo, da:.

COUNG" NGHEI 144:15

Hid: yhang: ti"- deingmain" khyo" nyid da" byumyu" yigi ngilho' nyid Aseing ri Mangsoo ga: wigi lhoem: yu loem" jeung" nyid da" byumyu" yigi ngilho' nyid boem o".

COUNG" NGHEI 43:4

Houg: lang" gi Mangsoo we"- re" da" phoin: khyoo: ngoo yo" yhe: loo" wa zi nghoid. Nang gi nga" ngei pyo: khyo: da" jhung: shoem: nghoid nyid. Mangsoo we"- nga" Mangsoo we"- nga" teung ri baid lho: ngoo nang ri coung" nghei jikhoin" khoin" nyid wa zi nghoid.

COUNG" NGHEI 50:15

Yau: khe" zi shoug" nyid uri nang ngoo ri yoid we' ngoo gi nang ri khyoid khyu: yu wa zi nghoid. Houg: lang" nang gi ngoo ri coung" nghei byid: wa anghoid ga: tid.

COUNG" NGHEI 91:15

Nyangnu" ngoo ri yoid lang- ngoo nyangnu" ri tu" byid: wa nghoid. Nyangnu" yau: khe" khyoo: shoug" nyid uri ngoo nyangnu" yo' dage" nyid nyid wa nghoid. Ngoo nyangnu" ri khyi yu lho: tu: to' coung" nghei byid: wa nghoid.

DANG: ZHOEM 17:3

Sheing: yo' ngei ri myi: moo: phoid kyeung yu" yhang: ti" byu dayug da" nheigloem: rigi Aseing wigi jham" ca yu" nyid.

SHOLUMON JIKHOIN" 2:16

Nga" jheddab su: gi ngoo seung: su: nghoid wigi ngoo ri we' nyang: seung: da:. Nyang: gi nya: gougnyhoug joem ri myioeb bain: yoo moo coung" zho" nyid da:.

ESAIA 43:2

Nang gyid thoem" no, khyo" so" lid: lo" uri ngoo nang yo' dage" nghoid wa. re" da" yau: khi" gi nang ri aoung: pyam wa. Nang myi: khyo" so" lid: lo" uri nang angi" wa. Yau da" jham" yu" khyoo: ju" lo ri nang ri dam atab wa.

ESAIA 48:10

Ngei ri myikhyoem' moo kyeung sain' pyam yhang: ti" kyi" khyeug kham zo: da" myi: moo ngoo nang ri jham" ca: too" bye:. Nghoid loug we' nang ce: phoug" adab ziri ngoo myang bye:.

ESAIA 58:9

Nanu" akyu" mho' uri ngoo tam" gyoo: byid: wa. Nanu" ngoo ri yoid uri ngoo tu" byid: wa. «Zeig zo: khyoo:- aphoug" akhyoid da" avoid ja: khang" moo" yo' akhyeing" da" dang: khoin" khang" moo" ri nanu" thang loo" nhang: boem nghoid rigi

YEREMIA 24:5

«Israela Mangsoo- ngoo Aseing gi Babelon mung" khyoo: shu" loo" shau" boem da" byumyu" yigi he: ge da" lafoem' shi" joem yo' du wigi ngoo gi nyangnu" ri goolhoo' za: koid wa.

YEREMIA 31:33

Israela byu yi yo' ngoo koid wa da" dang: theing aseig gi hid su" nghoid da:. Nga" tarha" ri nyangnu" khoug: moo kaid byid: wigi hau: ziri nyangnu" nheigloem: khoug: moo lhid" tab too" wa. Ngoo gi nyangnu" Mangsoo bue" wigi nyangnu" gi nga" byumyu" yi bue" loo goo" wa.

YEREMIA 32:38

Houg: lang" nyangnu" gi nga" byumyu" bue" lho: ngoo gi nyangnu" da" Mangsoo nghoid loo wa.

EZEKIEL 11:20

Houg: lang" nyangnu" gi nga" da" tarha" joem ri cang wigi nga" amyeing" dang: dangain" ri jhug zug tung" tam" gyoo: cang yhe: loo goo" wa. Nyangnu" gi nga" byumyu" nghoid wigi ngoo gi nyangnu" Mangsoo nghoid wa.

EZEKIEL 14:11

Israela byumyu" yi ngoo ri atoo" khoo' wa yo' nyangnu" da" yooboo joem wigi nyangnu" nya: gung ri aphyo' shoin' pyam wa shid re" he: ziri koid wa. Nyangnu" gi nga" byumyu" yi nghoid wigi ngoo gi nyangnu" da" Mangsoo nghoid loo wa» yoem: moo" bo Aseing tid bye:.

EZEKIEL 20:38

Ngoo gi nanu" da" phung: moo thougtheung gyi koid bang: yo' yooboo shoid bang: ri yu pyam wa. Ngoo gi nyangnu" ri akhid" nyangnu" nyid da" mougmyid mo yu pyam wa. Nghoid loug we' nyangnu" ri Israela mung" khyoo: adoem tau" loo" nhang: wa. Houg: lang" ngoo Aseing nghoid khyoo: ri nanu" se' loo goo" wa».

EZEKIEL 36:28

Hau: thang: nanu" gi nanu" da" phoug" phyid" ri ngoo byid: to" da" mougmyid moo nyid lo boem goo" wa. Nanu" gi nga" byumyu" nghoid wigi ngoo gi nanu" da" Mangsoo nghoid wa.

EZEKIEL 37:27

Ngoo gi houg moo nyangnu" yo' dage" nyid wa. Ngoo gi nyangnu" da" Mangsoo nghoid wa wigi nyangnu" gi nga" byumyu" yi nghoid wa.

DANIELA 11:35

Phajhi" bo da" vhu" shi: bang: dayham" ri said pyam zi shoug" wa. Nghoid loug we' he: gang mo hau byumyu" yigi kyeing sain' yu zi shau" boem wa. He: zigi Mangso wigi asoo" so" to" da" lo" thang da" ayo, ju" sho' xo" bue" nyid wa.

DANIELA 12:10

Byu myoo" sho' bang: gi kyeing sain' pyam byid: zi shau" boem wa. Akhyeing" ashoeb bang: gi ase' gyoo: goo" wa. Nghoid loug we' nyangnu" gi akhyeing" ashoeb moo" ri zei: nyid boem goo" wa. Phajhi" boo bang: kyeing dase' gyoo: goo" wa.

YOELA 2:32

Nghoid loug we' Aseing jang" mo pang" thoug khyoo: mho' yu mo, dangain" bang: koem' gi khyoid yu zi shau" boem wa nghoid» ga: tid to". Yerusalem voomoo" mo mo, dayham" gi loid byoin loo" goo" wa. Houg: bang: gi ngoo khyen: yu too" bang: nghoid wigi ashid: loo: nyid deung jo, boem wa» ga: Aseing tid nyid.

XOIN" NGEI" 26:12

Ngoo gi nanu" yo' dage" nghoid nyid wa. Ngoo gi nanu" da" Mangsoo nghoid wa. Houg: lho: nanu" gi nga" byumyu" yi bui" loo: goo" wa.

ZEKHARIA 10:6

«Ngoo gi Yuda byumyu" yiri yoem: bo jo, nhang: wa nghoid. Israela byumyu" yiri khyoid yu wa. Ngoo gi nyangnu" ri nheig khyeug yoomo nyangnu" dangain" ri yhoem: khyoo: doem shu" tau" yu wa zi nghoid. Nyangnu" gi ngo wigi khanham we' angeug pyam' yu" da" mo, yo' dakhyoo" ti" nghoid wa. Ngoo gi nyangnu" da" Aseing Mangsoo nghoid- nyangnu" da" akyu" mho' thui: joem ri tam" gyoo: byid: nyid wa zi nghoid.

ZEKHARIA 12:10

Hougsu" ngoo gi David da" nya: myid: nya: zo: bang: yo' Yerusalem voomoo" moo nyid bang: ri nheig se' khyeug ziyo' akyu" se' mho' da" Venyi: kaid pyeing byid: wa. Nyangnu" thau" said pyam' su: ri coem' yu" lho: nyangnu" gi nyang: nya: zooti" zoo: anghoid lang" zooshid" zoo: shid: lo" yhang: ti" nyang: soo" soo" koug ngau nyid goo" wa zi nghoid.

ZEKHARIA 8:8

Ngoo gi nyangnu" ri Yerusalem moo nyid nhang: wa shid re" bid thu bidvang khyo" wigi doem shu" tau" loo wa nghoid. Nyangnu" gi nga" byu yi bue" loo wa wigi ngoo we' nyangnu" ri deungmain" nyeung veung" ngheig loem: khyo" - vhoebkhang" nyid wa da" Mangsoo bue" loo wa zi nghoid.

ACTS 2:21

Houg: lang" pang" thoug yu wa shid mo Aseing: ri mho' yoid byu hang" nghoid sho loug we' khyoid yu zi shau" wa ga: tid kyo.

HEBRE 8:10

Akhid" he: da" dang: soo" khoin" gi ju" loo wa da" bidnyid yi thang: moo Israela byumyu" yi yo' ngoo too" too" wa da" dang: soo" thang" cab, nghoid nyid. Nyang: nu" da" nheigloem: e" myed khoug: moo nga" da" tarha" kaid' byid: too" wa zi nghoid. Nyang: nu" da" Mangsoo gi ngoo koid wa nghoid wigi nyangnu" gi nga" da" byumyu" yi bue" lo boem wa nghoid.

YAKU 1:12

Jhu, phyo' khyoo: thoung" shau" nyid uri aleung loo" su: gi ngi lho, nyid. Khasu" wim gari houg: su" yo" kham: zeung: nghoid rigi Mangsoo ri jheddab mo, ri byid: wa ga: da" kangso' bidmug ri shau" zhoung" boem wa.

1PETERU 4:12

Ngoo jheddab da" byen, cang" yi we"- gye" no, khyo" ca: yu" da" noo shau" nyid uri khanham we' abue" yu" shi" da" gooki" lid' zi daja: bue" loo bye: ein: amau" nyid goo.

Pang Shug 21:7

Oung: doid loo" su: hang" nghoid loug we' nga" jang" mo he: da" khyoo: ri shau" yu wa zi nghoid. Ngoo gi nya: da"Mangsoo bue" lo lho: nyang: gi nga" zoo: bue" loo wa zi nghoid.

Pang Shug 8:10

Soem" yug ein: da" moug: lagyoo: gilaboo" ri doem moid kaid' lang" myidoem, su" doug bang nyid da" kyizeing dacab, gi gyid lang moo" joem yo' gyid bug joem soem" boem mo daboem da" atho' moo moug: khung: tho' khyo" re" byed, gyo" nhae, zeug to.

Pang Shug 8:11

Hau: kyizeing da" myeing gi " Kho" da" khain: cid" myoono,, ga: zi nghoid. hau: gyid lang soem" boem mo daboem gi gyid khoo" bue" loo" khari" bye- hau: gyid khoo" ri shau" shug da" byu yi myoo" sho' bang: gi shid: loo" bye.

Pang Shug 8:12

Myid: yug ein: wa da" moug: lagyoo: laboo" moid kaid lang" bid soem" boem mo daboem,- lham" moo' soem" boem mo daboem- kyi: joem yo' bo" bang yi we' soem" boem mo daboem- moug: coid bue" lo" byug yoomo nyid" soem" boem mo daboem yo' myen" soem" boem mo daboem- boo" bang ayoo" loo.

Pang Shug 8:7

Mau lagyoo: xang: shed" yug laboo" moid kaid lang gi suid" lheug da" myi: yo' leig voo ri myidjang: tho' khyoo: foid khyo kaid wigi Moug: myid soem" boem, mo daboem- seig gam, joem we' soem" boem mo daboem- yo' nyau, young" jo, da" mhain" zoo: lung: lid' we' dangain" nge" pyam' bye.

Pang Shug 8:8

Eig yug ein: da" moug: lagyoo: gi laboo" ri doem moid kaid lang" myi: nge" nyid yhang: te" da" boem, moo" zeing ri Panglai gyid thoem" moo du" khyo' kaid. Houg: lang" panglai gyid thoem" gi soem" boem mo daboem suid" gyid thoem" bue" loo khari" bye.

Pang Shug 8:9

Panglai khoug: mo dei noem we' soem" boem mo daboem gu: shid: khare" lho: gyid sang phoo joem we' soem" boem mo daboem gu" gi byo, yoin" loo" khari" bye.