ZEKHARIA 13:2 - Lacid Common Language Bible2 Hau: bidnyid ri ngoo gi mungdain: mo yu phara" soolhoo: dangain" ri hang" we' aboin: loosho' shoem" khyo' pyam' wa. Mhau' da" lapi: yi yo' soolhoo: ri no' nau da" emyed joem ri we' shoem" shoung: pyam' wa nghoid. အခန်းကိုကြည့်ပါ။ |
Nyangnu" gi yu" gyoug yu" lhung: sho' da" yooboo joem nghoid da" myi: shoid lang shoid khyoo: Aseing myeing ri lang: wigi mhau' dang: tid da" yooboo yo" boem yoomo he: zigi nyangnu" da" vhu" pi: lo, kyo' nghoid loo wa. He: zigi Aseing myid vho: khyoo: ri thougtheung zi nghoid. Nyangnu" cikoid lo ziri nyang: se' da:. Nyang: gi nyangnu" ri thougtheung da" sagse: nghoid da:. Aseing tid to" abye:» ga: tid.
Nyangnu" gi nyangnu" da" gung ri aco' ajhoid yu soolhoo: joem khyo" ayung" alho' bui" nhang: loo: wa anghoid. Nyangnu" nya: gung ri yooboo wigi we' byo, yoin" nhang: loo wa anghoid. Ngoo gi nyangnu" ri nyangnu" yooboo shoid da" khyoo: dangain" mo yo' ngoo ri gyi koid jang" mo loid byoin nhang: wa. Ngoo gi nyangnu" ri kyeing sain' yu wa. Nyangnu" gi nga" da" byumyu" yi bue" lho: ngoo gi nyangnu" da" Mangsoo nghoid wa.
Hau: zigi «Shid: se' da" byu we"-he: zigi nga" zhungtang nghoid. Ngoo gi hid: moo Israela byumyu" yi phung: gung moo nyid lho: nyangnu" ri apyaid atoo: moo vhoeb nyid wa. Israela byumyu" yi yo' nyangnu" da" khokham yi gi: yu phara" joem ri no' khyo" we' khokham shid: mang joem ri myang da" joyoo moo no' khyo" we' nga" da" gyeung" shang: myeing khyang" ri ngi: adoem yoem" nhang: loo goo" wa.
Israela byumyu" yigi soolhoo: joem yo' ci: asen: loo: goo" wa. Ngoo gi nyangnu" da" akyu" mho' dang: ri gyoo: byid: wigi nyangnu" ri goin coung: byid: wa. Ngoo gi khanham we' ashoem: lo" da" seiggam yo' dakhyoo" ti" nyangnu" ri bid shoem: yoeb byid: wa. Ngoo gi nyangnu" da" mainkaid jeju" dangain" da" ajhung: nghoid» ga: tid
Nyangnu" da" phoin: joem ri phyo' khyo' pyam byid: wigi nyangnu" da" gyeung" shang: da" lug zeingboung: joem ri adu atoem' du" khyoeb pyam byid: ge'. Nyangnu" da" yu phara" myhi' Ashera da" ladoo" zeing joem ri nghe' pyam lho: nyangnu" alhoo: joem ri bug kho' pyam ge'. Houg: lang" nyangnu" gi hau: joyoo moo khanham we' ayo" no' loo: wa nghoid.
Hau" akhyeung" da" gougnyhoug ni, zeing gi nya: shid khoin" moo mau" pho" alhoo: again joem ri toin" shid mo, mhau' da" lapi: yi yo' dage" thung: myheug lhoung pyam' zi shau" bye. (Nyang: gi akhyeung" goug nyhoug zeung: da" soolhoo: dab, mo, yo' akhyeung" gougnyhoug da" soolhoo: rinoku goeb, pid' bang: ri mau" pho" alhoo: again joem yo' mhau' yu su: nghoid) Nya: eig yug gi fang yo' nge" nyid da" myimi: thoem" khoug: khyoo: - adei phab' phab' du" zei kaid' zi shau" nyid ago".