ZEKHARIA 11:2 - Lacid Common Language Bible

² Gyoin: gam joem we" ngoug khyang" fang" nyid we'. Shamu gam joem gyau: leung loo" byug bye:. Gye" bug thu da" seig moo" gam joem gi phyo' shoin' pyam' zi shoug" bye:. Bashan mo Shookhi" gam joem we' ngoug khyang" fang" nyid we'. Yooyang" no, yoid yoo thug hain" pyam' boem bye:

ZEKHARIA 11:2 ပူးပေါင်းရင်းမြစ်များ

EZEKIEL 20:46

Nyang: tid zigi «Shid: se' da" byu we"- mougpyi: shoid khyoo: yu" kaid we'. Mougpyi: shoid ri thougtheung tid wigi mougpyi: shoid mo seig moo" yoo ri thougtheung lapi: pi: we'.

EZEKIEL 27:6

Nyangnu" gi lhid ku" nyhabcam" koid wa shid re" Bashan mo Shookhi" gam joem ri yu ago". Nyangnu" gi Kupru mo shithang: ri re" akhoem' koid boem ago" Houg: lho: hau: jang" moo xang: zei yo' agyoo: moo kaid to" da:.

EZEKIEL 31:17

Nyangnu" gi no' mo gyoo" lo" byug bye: bang: yo' lo" bo shoin" wa shid re" nyang: yo' dage" moovo moug: khyoo: cang gyoo" lo" byug goo" wa. Houg: lho: nya: da" seig yoeb khoug: moo nyid da" bang: dangain" gi byumyu" yi phung: gung khyoo: khaid sain" pyam zi shau" boem goo" wa.

AMO 6:1

Ziun boem moo nyid pyo: nyid bang: nanu" we"- Samari voo moo gau: nyu: nyid bang: nanu" we"- Israela mung" zeing mo vhujhung: yi nanu" we"- pang" thoug shoug" wa shid mo byumyu" yi zeing: foem: kham: bang: nanu" we"- nanu" gi joem: lo" abye: go".

ZEKHARIA 11:1

Lebanon we" re" da" khoem" duang: joem ri phang too" we' Re" da" Shamu gam joem nge" pyam' wa nghoid.

ZEKHARIA 11:3

Zoug: yi da" phung" yoeb ci: phyug pyam' boem yoomo nyangnu" koug ngau nyid abye: go" Khang khyi joem myeing myhu" nyid ziri tam" gyoo: we'. Yodan gyid yam cang mo nyangnu" da" siyoo joyoo joem we' pyo, sain" pyam' zi shoug" bye:.

LUKA 23:31

Nyau young" jo, da" seig joem: gam yo" du da" ngoori- nyangnu" hid: yhangti" shen" yhen nghoid rigi seig kyug gam yo" du da" nanu" ri khasu" je koid: wa zigi si' ge'.