ZEKHARIA 10:4 - Lacid Common Language Bible

⁴ Nga" byumyu" ri vhoebkhang" wa da" mung" zoug: yi vhujhung: yi yo' gyizoug: moo" yigi nyangnu" khoug: mo nyid thu loo goo" wa nghoid.

ZEKHARIA 10:4 ပူးပေါင်းရင်းမြစ်များ

APOEM AYANG: 49:24

Nghoid loug nya: lid: gi sam: sam: deing jo, kho' wigi nya: gyi zi joem gi Yaku da" myhang: thang Mangsoo yoem: so' yo' we' Israela ri goem loem nyid su: da" yang zung" su: khyo" we' yoem: boo nhang: wa.

EZRA 9:8

O" ngoonu" Aseing Mangsoo we" akhid" daso' shi" za: nang ngoonu" ri nheig khyeug shoomyen: wigi ngoonu" dayham" ri join koid jang" mo loid byoin loo nhang: ziyo' hau: gyeung" shang: joyoo moo laloem lanyu: nyid nhang: bye: zi nghoid. Nang ngoonu" ri join koid jang" mo loid byoin loo nhang: ziyo' ngoonu" ri pyaid seig doem byid: bye: zi nghoid.

COUNG" NGHEI 118:22

Yhoem: zhug mo, gi ce" akyu" aboo ga: khyen: lei" pyam, to" da" lug loem: gi dangain" tho' moo: je" yhouggyen: da" yhoem: jhoin: mo lugzeing bue" loo bye:.

ESAIA 19:13

Zoan yo' Memphi mo vhujhung: yigi koo" bang: nghoid ago". Nyangnu" gi byumyu" yiri vhu" yo" she: ri yo" shi: goo" wa. Nghoid loug we' nyangnu" gi khyoo: vhang: shu" vhang: pyam ago".

ESAIA 28:16

Akhid" gyi: sheung: da" Aseing tid zigi «Ziun moo geing: teing yoem: gyi: da" apoem: ayang: daloem: tam to" da:. Houg moo ‹Geing teing da" loem khau: myid gi nheigloem: we' sheing: da› ga: lhid" tab to" da" ajhoin: lugzeing daloem: ri ngoo kaid to" da:.

ESAIA 49:2

Nyang: gi nga" dang: thui: ri shamcoin" yhi' tho' nhang: da:. Nyang: nya: lo, wigi nyang: ngoo ri goem loem byid: da:. Nyang: gi ngoo ri myoo: ri yo' dakhyoo" ti" coin: wigi ci: wa jen" jen" koid da:.

ESAIA 54:16

«Myikhyoem koid lho: sham: lham: baid su: ri ngoo phain" so: too" bye:. Ngoo gi byu said wa hau: gyi jonu" ri ci: da" gyizoo: ri we' ngoo phain" so: too" bye:.

YEREMIA 1:18

Yeremia we"- tam" gyoo: we' he: mougmyid dang moo nyid da" yugkhang" moo"- Yuda khokham yi zoug: yi khainjung yi yo' mung" byu yigi nang ri gyi koid thougtheung loo goo" wa. Nghoid loug we' akhid" nyid" ngoo nang ri nang wigi nyangnu" ri yo" toem' pyam wa shid re" yoem: byid: nyid. Nang gi vang ri teing teing yam jhid to" da" voomoo" yo' dayhang: ti"- joto' zeing bung: yhang: ti"- gyid: mid" vang khyam: yhang: ti" nghoid loo wa. Nyangnu" gi nang ri yo" oung: pyam wa anghoid. Ciwim gari ngoo gi nang ri goem loem byid: wa shid re" nang yo' dage" nyid wa. Ngoo Aseing tid too" bye:.

YEREMIA 51:20

Aseing tid zigi «Babelon we"- nang gi nga" baid du- gyipui" shid re" nga" gyi jonu" nghoid da:. Ngoo nang ri ci: wigi byumyu" yiri yo' mungdain: ri baid khyoeb pyam wa.

ZEKHARIA 9:10

Aseing gi hidsu" ga: tid «Ngoo gi Israela yi da" gyimyang: rheing" ri yu pyam' byid: wa nghoid. Yerusalem mo gyi zain: myang: joem ri we' shoem" pyam' byid: wa. Gyipui" moo ci: da" lo, lid: joem ri we' khyau" pyam' byid: wa nghoid. Nyangnu" da" khokham ri ngoo gi byumyu" yi veing" go" da" lu dang: ri tid fu" loo" nhang: wa. Nyang: gi panglai: dathoem" mo zi thei: dathoem" khyoo: ju" sho' Uphrad gyid lang mo wigi mougmyid thang sho' moo vhoeb wa nghoid» ga: tid.

ZEKHARIA 9:8

Ngoo gi nga" mungdain: ri lhoug zung" nyid wigi cenoem gyiphung: yi we' ayo" lid loo". Nya: mung" byu yiri shen" yhen doin: zeig nyid ziri ngoo khanham we' akhang" byid: wa zi anghoid. Ciwim gari akhid" mo wigi nga" byu yiri yhe: zung" yu" nyid wa.

GYUNG: SOO" 24:17

Ngoo gi ju" loo wa da" ayo, khyoo: yu" kaid ri Israela byumyu" yiri myang. Bang da" kyi: yhang: ti" khokham dayug hau: byumyu" akhoug: mo nyid thu loo wa. Nyang: gi kyi: yo' dakhyo" Israela mo nyid thu wa. Nyang: gi Moba vhujhung: yiri khaid zain: loo wa. Houg: lho: Shed mo byu dangain" ri baid khyo' pyam ri" wa myang.

MATHE 9:38

Houg: yoomo hau: gug yhoem: seing: gi nya: gug shab moo" zei: byu nhang: kaid byid: baja"- Akyu" mho' nyid ge» ga: tid.

LUKA 20:17

Yesu gi byu yi ri yu" lho: lug yhoem: zhug mo, khyen: lheig to" da" lugloem: gi dangain" tho' moo je" akhyag thang da" yhoem: jhoin lug zing bue" loo bye: ga: da" jhoem: dang: mo dangkang gi ce: noem nghoid? na? ga: myed:.

Ephesu 2:20

Nanu" gi lagyoo: yi yo' lapi: yi zhoug to" da"-apoem: ayang: moo poug zhug do, loo" shau" mo, we' nghoid- Khristu Yesu nyang: koem gi hau" yhoem: mo geung: teung ayang: lug boem nyang: nghoid bye.

2 TIMOTHI 2:4

Gyimoo" voin, vu, nyid da" gyizoo: nu" dayug gi nya; atho' mo da" gyi zoug: phoo nheig shid: nheig deig sho' zei: noug yoomo gyizoo: yo" asen: da" mung" byu yi khyoo: moo-ayo" bo cang vang lhu: koung" keug yen" loo.

1PETERU 2:6

Khasu" wim ga: ri jhoem: mungdang: moo ngoo gi phoug" dab, da" lug daloem: ri khyen: yu lho: Zi-on boem tho' moo yhoem: jhoin: mo geung: teung lug moo" boem- khyo" zhoug too" bye- nyang: ri loem" jeing" mo, hang" we' gyoug sho' zi shau" wa anghoid- ga: wigi lhid" to".

Pang Shug 17:14

Houg: bang: gi hau: yang nu" yo' meing: zain: goo" wa zi nghoid loug we' hau: yang nu" ginyang: khe: yu too" mo, khyen: yu too" mo, yo' nheigloem: zung" lho: nya: thang: cang mo yo' dage" houg: bang: ri oung: pyam wa zi nghoid. Khasu" wim gari nyang: gi Aseing: yi tho' mo Aseing: - Khokham" yi tho' mo khokham" nyang: nghoid nyid.

1 SAMUELA 14:38

Hau: thang: Sholu gi byumyu" yi da" vhujhung: yiri «Hid: khyoo: ri" ge'. Akhanyid" khate" da" yooboo koid shoid too" bye: ziri phuid: sho' yu" goo" shang.