YUDA 1:9 - Lacid Common Language Bible

⁹ Mouglagyoo: moo" Mikhaela nyang: lang" hid: yhang: ti" akoid yu"- Moshe mang ri hang" yu eung: ga: yu zoug: moo" ri rue" da" dang: yo' yooboo foin: da" khyoo: avoem" koid' loo za: nang ri Mangso wigi gyikoid baja" ga: date: tid.

YUDA 1:9 ပူးပေါင်းရင်းမြစ်များ

1 KHOKHAM MHOOMYID: 12:17

David gi nyangnu" ri yhe: shau" wigi «Nanu" ngoo ri pang" thoug wa bidnoem khyo" re" nghoid rigi hid: moo: nanu" ri tau yu da:. Ngoonu" yo' xo, tei" goo" shang. Nghoid loug we' nanu" ngoo ri gyivoo yi lo, khyoo: ab byid: wa soin' boem nghoid rigi nanu" ri ngoo dam atab sho' nghoid loug we' ngoonu" da" phoug" phyid" yi da" Mangsoo gi hau: ziri se' wigi nanu" ri yooboo dam byid: wa» ga: tid.

THU' LO" MOUGSOUG" 22:28

Mangsoo ri gei asang: goo". Nanu" byumyu" yi da" vhujhung: yiri anheing" goo".

DANIELA 10:13

Persi mo moug: lagyoo: khokham nu" gi ngoo ri eig xe: danyid" ngeug thug pyam da:. Hau: thang: moug lagyoo: moo" joem mo dayug nghoid da" Mikhaela gi ngoo ri re" pang" yu da:. Ciwim gari hau: Persi mung" moo ngoo dayug ri za: too" kho' ago".

DANIELA 12:1

Zin: yung" pain" byimi void ci: da" moug: lagyoo: tid zigi «Hau: ayo, moo re" byumyu" yiri lhoug zung" da" moug: lagyoo: moo" Mikhaela gi nyid thu loo wa. Hau: thang: hau: zigi yau: khi" ayo, nghoid wigi byumyu" yi xang: shi" nyid re" da" ayo, mo zi akhid" ju" sho' moo yau: thang nghoid wa. Hau: ayo, ju" lo ri Mangso da" mougsoug" pug moo myeing lhid" to" da" re" byumyu" yi dangain" gi khyoid yu zi shau" boem goo" wa.

ZEKHARIA 3:2

Aseing da" lagyoo: gi satan ri «Satan we"- Aseing gi nang ri dam kaid baja". Yerusalem ri jheddab da" Aseing gi nang ri dam byid: baja". He: yug gi myikhyoem' mo lang: she: yu to" da" myizoo" te" zi nghoid» ga: tid.

MARKU 15:29

Khyoo: moo so" lid loo" mung" byu joem we' Yesu ri juang" ziyo'-vhu" nghui" nghue" lho" nang Mangso da" yhoem: ri phyo' pyam lho: soem" nyid gyoo: moo doem yo" koid too" wa ga: su: we".

TARHA" TID POIN" 34:6

Aseing gi nyang: ri Bethpeora voogung mo tab cang" tab Moba janggyoin: moo myhoeb pyam da:. Nghoid loug we' akhid" nyid" ju" sho' nyang: ri myhoeb to" da" joyoo ri goolhoo: za: hang" asi' nghoid da:.

1THESALONI 4:16

Hau" Aseung: da" yoid nyho: amyeing" thui: yo' mauglagyo: agyi da" thui:- Mangso laboo" thui: zeing yo' Aseing: nyang: moug: khung: moug: di mo gyoo" loo wa zi nghoid- Khristu riloem" jeung" lho: shid: loo" bang: gi xang: shed" moodei to'' lo boem wa zi nghoid.

1PETERU 3:9

Akhyeung" bang: rigi akhyeung" khyo"-nheung" mo, rigi doem, nheung" khyo" latoo: aphug goo"- hougsu" latoo: phug wa gung khoo: gi main' boo coug: bo da" dang: ri tid byid: nyid ge'- Khasu" wim gari Mangsoo gi nanu" ri khe: yu u ri mainkaid da" jeju" ri shau" kham, zoo: goo" baja" ga- nanu' ri dang: soo' byid: bye.

2PETRU 2:11

He: da" mhau' yen" sara yi tho' moo-yoem: je bo da" moug khung: lagyoo: yi lang" Aseing: da" shid moo nyangnu" ri rue" juang" yi ziyo' yooboo foin: khyoo: akoid yu".

Pang Shug 12:7

Hau: thang: ri moug: khung: moomeing: zain: go" lo- Mikhaela yo' nya: moug: lagyoo: yi gi main, jung: ni, zeing ri zain: nyid. Main, jung: zeing we'-nya: shoid mo nya: lagyoo: yi yo' doem, tau" zain: lo.