YUDA 1:8 - Lacid Common Language Bible

⁸ Houg: yhang: ti"- hau: byu hid: bang: we' myo, myang aja: ja: myang ziyo' nyang: nya: da" gung du: moo yooboo koid wa Mangsoo ri ci: asoin:- aphoug" agyug lo: tho' mo phung" yoeb, boo bang: ri we' rue" pyam' boem bye.

YUDA 1:8 ပူးပေါင်းရင်းမြစ်များ

APOEM AYANG: 3:5

Mangsoo hougsu" nanu" hau: ziri zoo: lang" Mangsoo ti" bue" lo wigi ge ziyo' age zi se' loo wa ziri nyang: si' too" yoomo tid zi nghoid».

THU' LO" MOUGSOUG" 22:28

Mangsoo ri gei asang: goo". Nanu" byumyu" yi da" vhujhung: yiri anheing" goo".

DANG: ZHOEM 30:11

Nya: pho, bi" ri nheung" lho: nya: myhi' bi" ri phoug" ase' tab da- byu dayham" nyid nyid ago".

DANG: ZHOEM 30:17

Nya: phoo ri yinoug tu' pyam, lho: nya: myi, mang: lo" ri anoug ashoo" koid su: hang" nghoid loug we' join yu joem wigi phyo' zo: pyam wa zi moin: yi" nyid. Anghoid lang" gi nya: myojid" ri kano, joem wigi thei" phoug pyam, byid: wa zi moin: yi nyid.

PHAJHI" DANG: 10:20

Sam zoo: nyid uri lang" khokham ri gei asang:. Nanya: yhoeb yoo moo hang" amyang rilang" yoo" zoo: yoo" shug su: ri gei asang:. Ngho' dadu: wigi lu dang: ri yo" ci: lo" lho: nang citid ziri nyangnu" ri yo" ge tid kyo" da:.

GYUNG: SOO" 16:3

Nyangnu" gi Moshe yo' Arun tang: shidkhoin" moo zeing: foem: nyid lho: nya: tang: ri tid boem zigi «Re" tang: sung xoo: bye:. Shava byu phung: dangain" ziri Aseing seing: wigi ngoonu" dangain" yo' Aseing dage" bain nghoid nyid bye:. Hougsu" nghoid ri Moshe we" ciwim yoomo re" tang: gi Aseing da" shava byu phung: yi atho' moo: nyid go" lha"» ga: tid.

LUKA 11:25

Houg: yoomo nyang: gi akhang: joyoo moo doem lo ri yung" yung" sain sain shoem" shoung: to" zi lo myang.

LUKA 12:11

Subi" gi nanu" ri tarha" jung yi moo we' khokham" amyeing" ci: mo, da" shid' khoin" moo nghoid loug we' khe: shu" lo" da" uri khasu" tid wa zi ce: myid amyoo: goo.

LUKA 19:14

Nghoidloug we' nya: da" mung" byu yi gi nyang: ri ngheing" boem yoomo he: yug khokham" bui" zi ngoonu" avhoo:- ga: lagyoo: yi ri nya: thang: moo cang tid nhang: kaid.

ACTS 23:5

Houg: lang" Polu gi mang: nhung" Israela byumyu" yi we"- nyang: khainjung agyi moo" nghoid ziri ngoo asi- ga: tid. Jhoem: mungdang: moo Re" byumyu" ri zoug: koid su: ri age khyo" age tid- ga: tid to" - ga: phoug tid da.

ACTS 7:27

Nghoid loug we' nya: byen cang" phoo ri byo, goo" vhukung: lhung: su: gi Moshe ri doin: shu" pyam' lho: ngoonu" da" atho' moo vhoeb khang" wa su: yo' tarha" agyi nang ri hang" koid nhang: to" lha".

ACTS 7:39

Nghoid loug we' - ngoonu" da" phoug" phyid" yi gi nya: dang: ri zheung: ngeug pyam' boem bye. Nyang: nu" gi Moshe ri ngeug pyam lho: Egutu mung" khyoo: doem tau" loo" nau myid bo ago".

1Korinthians 3:17

Houg: yoomo byu dayug yug gi Mangso da" noku yhoem: ri lhu: phyo' lhu: shoin' nyid nghoid rigi- Mangsoo gi hau: yug ri phyo' shoin pyam wa. Khasu" wim gari- Mangso da" noku yhoem: gi young" lho, zi nghoid wigi- nanu" nyang: hau: noku yhoem: nghoid nyid ago".

1THESALONI 4:8

Hougsu" nghoid yoomo he: da" jhau" mho' khyoo: ri ngeug pyam mo, hang" nghoid sho loug we' -byu yi ri anghoid- gyeungshang: da" venyi ri byid: kaid' su: Mangsoo ri ngeug pyam su: nghoid.

1 TIMOTHI 1:10

Nheugloem: avoid agi bang:- myi: yi nyang: cang"- yuggi nyang: cang"- youg: shoo: goo" bang:- byu myheug yhoem" to" lho: ngei yo' doem khyoid yu nhang: bang:- mhau' lho: adeung amain" da" sagsi: kham, bang:- ce: ja" khyoo: moo we' hau: loem" jeung" da" khyoo: yo' azhung" goo' mo, shid re" koid to" da" tarha" nghoid nyid.

HEBRE 13:17

Nanu" ri khyoo: shed' vhu" shu" she: nyid mo, da" dang: ri tam" gyo: nyid lho: wigi nyangnu" tid to" da" dang: khoin" joem ri cang yhe: loo" ge'. Nyangnu" ginyang: nu" zei: byid: loo bye: da" moo" zo" zhayen" joem ri Mangsoo ri toin" shid boem wa zi nghoid wigi nyangnu" gi nanu" da" nheigloem: ri anoo: ayab, loo: zung" lhug nyid. Nyangnu" dang: ri nanu" tam" gyo: nyid boem nghoid rigi nyangnu" zei: da" moozoo" ri-gau, yi ziyo' zei: boem wa zi nghoid. Houg: su" anghoid rigi nyangnu" nheig koug ziyo' zei: boem wa nghoid wigi nanu" shid' re" ce" akyu" we' yo" ze" bui" goo" wa zi anghoid.

1PETERU 2:17

Byu danghoid moo nghoid rigi phau" myang: nyid ge'- loem" jeung" da" mang nhung" gootu: yi ri jheddab nyid ge'- Mangsoo ri gyoug phau" nyid ge'- Khokham" yi riphau" myang: nyid ge'.