YUDA 1:3 - Lacid Common Language Bible

³ Jheddab, da" bidnoem yi we"- nanu" dangain" mo, bain' loem" jeung" kham: yu ci: bye: da" khyoid yu khyoo: ri ngoo gi nanu" jhang khyoo: lhid" kaid' wa shid' re" yoem: kaid' nyid uri Mangsoo gi dalheing: dam nya: da" byumyu" yi ri bain' nyeing byid: too" bye: da" loem" jeung" khyoo: geung: teung jo, baja" ga- loem: zain: oung: myid boem wa shid re" nanu" jhang khyoo: mougsoug" myab, myab, lhid" lho: wigi yoem: byid: ca" khyoo: shau" nyid.

YUDA 1:3 ပူးပေါင်းရင်းမြစ်များ

NEHEMIA 13:25

Hau: yuggi yiri ngoo nheig yo: wigi nyangnu" dang moo nheing" khoin" khe: khyo' yu ziyo' nyangnu" ri baid- nyangnu" shoomoug" lang: phoin' pyam byid: bye:. Hau: thang: ngoo gi nyangnu" yo' nyangnu" da" zooshang: yiri khanham we' tungbau byumyu" yi yo' myi: byid: myi: yu akoid loo: wa ga: da" jham' tang: dang: ri Mangso myeing lang: wigi too" nhang: bye:.

ESAIA 45:17

Nghoid loug we' Israela ri Aseing wigi khyoid yu zi shau" da:. Israela da" oung: doid zigi apyaid atoo: moo deing jo, wa. Israela byumyu" yigi khanham we' ngi: yoem' zi ashoug" wa.

ESAIA 45:22

«Mougmyid tho' mo byu yi we"- akhid" nga" jhang" lheing: lo wigi khyoid yu khyoo: ri kham: yu ge'. Ngoo dayug za: Mangsoo nghoid.

YEREMIA 9:3

Nyangnu" gi mhau' tid wa shid re" khanham we' jen" jen" nghoid ago". Adeingmain" zigi deingmain" da" gungthid hau: mougmyid ri vhoeb da:. Aseing tid zigi «Nga" byumyu" yigi akhyeing" da" moo" daja: bain thang: daja: koid ago". Houg: lho: ngoo ri nyangnu" Mangsoo khyo" asoin: yu nghoid ago"» ga: tid da:.

ACTS 17:3

Meshia gi dayam, dayoo: kham' zoo: ca" wa ziyo' - shid: jang" mo doem, dei to'' loo wa"- ga: da" khyoo: joem ri jhoem: mougsoug" moo shid' lho: nyangnu" ri phyed' phyed' kho' kho' tid kyo" nyid. Polu gi nyangnu" ri hid: ngoo tid kyo" nyid da- Yesu gi Meshia nyang: nghoid bye"- ga: tid kyo.

ACTS 18:28

Khasu" wim gari Yesu gi Meshia nyang: nghoid bye"- ga: ziri jhoem: mougsoug" mo sagsi: joem yo' khyag khyag za: toin" shid' byid: wigi mung" byu yi da" shid khoin" moo Yuda byu yi ri yo" tid oung: pyam' bye.

ACTS 20:27

Khasu" wim gari ngoo gi Mangsoo: myed young to" Khyoo: dangain" ziri ci" we' ateung too" looza: nanu" ri tid fu" kyoo" byid: bye.

ACTS 28:28

Houg: lang" Polu gi dang: thang khyo" (Dang: thang khyo" Polu gi) Hau: Mangso da" khyoid khyi: yu da" mungdang: ri tungbau byumyu" yi khyoo: byid: pyam' lho: wigi nyangnu" gi hau: da" mungdang: ri tam" gyo: yu lo" boem wa khyoo: ri nanu" se' too" ge" -ga: tid kaid' bye.

ACTS 4:12

Khyoid yu khyoo: gi nyang: mo za: yo" kham: yu nyid ngoonu" ri yo" khyoid yu da" Mangsoo byid: khyoid khyi: yu su: gi moug: myed gyab, goin" jang" moo gootu: dayug we' aboo loo.

ACTS 6:7

Houg: yoomo Mangso da" mungda in: gi xo' loo: xo' je" fu" nheung loo" bye- Yerusalem voomoo" mo da" cangzoo: yi gi je" je, myo: tham: lo wigi khainjung agyi yi myoo" sho' mo, we' - loem" jeung" lo boem ago".

ACTS 9:13

Houg: lang" Anania gi Aseing: we" - he: yug gi Yerusalem voomoo" moo nyid shi" uri Re" phung byu yi ri agyug alhung: nyang- shen" yhen lid loo bye- ga: tid go" thui: ri byu myoo" sho' nhoid mo shaug" gyoo: bye.

ACTS 9:22

Nghoid loug we' - sholu gi kho" jang" moo je" yoem: bo lo wigi Yesu gi Meshia nyang: nghoid ga: ziri sag si: yo' khyag khyag kho" kyoo" byid: yoomo Damasku voogung mo: da" Yuda byumyu" yi gi nya: dang: ri ayo" phoug lo: boem nghoid ago".

1Korinthians 15:3

Khasu" wim gari- ngoo kham: yu bye: da" akhyag thang da" khyoo: joem ri- ngoo nanu" ri tid kyo" kaid bye- Hau: khyoo: gi jhoem: mungdang: moo: lhid" to" ziyo' dakhyoo" ti" Khirstu gi ngoonu" da" youg: noo yooboo shid mo shid: kham: byid: bye.

GALATI 2:5

Nghoid loug we' hau: ngei bu: lu dang: da" deungmain" khyoo:- nanu" shid re" dageung: teung jo, baja"- ngoonu" gi nyangnu" ri daminid' za: lang" asoem" byid: khyo, nyhoem: pyam' boem wa zi anghoid.

GALATI 3:28

Hougsu" nghoid yoomo Yuda byumyu" yi yo' Grid byumyu" ein: zi aboo- join, yo' loid byoin mo, ga: zi we' aboo- myiyi: yo' yug gi ein: zi we' aboo- nanu" dangain" bang: gi Khristu moo dayug za: danghoid nyid boem lo.

GALATI 6:11

Kha: yhi' gyeing" gyi: da" lhid" cab, yo' ngoo nanu" jhang khyoo: ngoonya: lo, yo' nyang: lhid" to" ziri yu" yu" ge'.

Ephesu 1:1

Mangsoo myid vho: nyid ziyo' dakhyoo" ti"- Khristu Yesu da" lagyoo: aya: moo nyheung too" shau" su:- ngoo Polu mo wigi Ephesu voo moo nyid lho: Khristu moo dadeing: daloem: za: voin: tang: koid nyid da" Mangso byu yi jhang khyoo: dang: pyeung: kaid.

TARHA" TID POIN" 21:9

Hougsu" wigi Aseing mho' ziri cang pyeing yoomo nanu" gi byu said yau: noo yooboo voin nhang: zi ashau" goo" wa.

TARHA" TID POIN" 9:10

Hau: thang: nanu" hau: boem moo zeing: foem: nyid boem da" nyid" ri nyang: nanu" ri myi: khoug: mo tid da" dang: joem ri nya: lo, wigi nyang: lhid" to" da" hau: lug pyi" eig pyi" ngoo ri byid: da:.

PHILIPI 1:1

Khristu da" join, yi nghoid da" Polu yo' Timothi gi Philipi voo moo nyid nyid da" phung vhoeb, phung tau bi: yo' dage" Khristu Yesu moo daloem: za: nghoid da" Mangso gyeungshang: byumyu" yi bain' sho' bang: jang khyoo: mougsoug" lhid" kaid.

PHILIPI 1:27

Akhid" uri nanu" shid re" je" ca" thang da" khyoo; gi Khristu Yesu da" ngei bu: lu dang: yo' du veung" moin: yi" khyo" kangso' dei nyid boem ca"- hougsu" nghoid lang" gi ngoo nanu" jang" moo ju" re" uri nghoid loug we' aju" re" uringhoid loug we' nanu" gi nheigloem: sham: shoin" go" lho: theung shang" yab, jo, wigi myid to" khyoo; dakhaid za: yo,- hau" ngei bu: lu dang: da" loem" jeung" khyoo: shid re" dage" za: zain: shi" go" nyid da" khyoo: ri ngoo shaug" gyoo: wa zi nghoid.

KOLOSE 1:2

Kolose voogung mo Mangso da" byu yi nghoid da" Khristu moo deung: shoin" nyid ngoonu" da" loem" jeung" loem, khau: nyid mang nhung" yi jhang khyoo: dang: pyeung: kaid- ngoonu" da" nya: phoo Mangso jang" mo jeju" yo' ngei pyo: khyoo: gi nanu" moo dajo, jo, baja" o".

1THESALONI 2:2

Ngoonu" gi nanu" nyid da" Thesaloni voogung khyoo: ari" shi" uri Philipi voo gung moo ngoonu" ri khayhi' shen" yhen da" khyoo: yo' juang" yi shau" ziri nanu" se' nyid bye- houg: yhang: ti" adu aveing" go" da" thoutheung khyoo: myoo" sho' boo nghoid loug we' nanu" ri Mangso jang" mo ngeibu: lu dang: yo" tid kyoo" wa shid re" ngoonu" da" Mangsoo gi ngoonu" ri asho' agyug da" yoem: moo" byid: too" bye.

1 TIMOTHI 1:18

Nga" zoo: Timothi we"- lid loo bye: da" ayo, moo nang ri zhoo: gyi: kho" kyo" da" lapi: dang: joem yo' dakhyoo" ti"- voin, vu, kho" kyoo" wa da" amyeing" ri ab, byid: bye- goo" lhoo: yo" zain: oung: loo" wa shid' re" Hau" lapi: yi tid to" da" mungdang: joem ri gyizi, gyikhoo: ti" daci: yhoung nyid we'.

1 TIMOTHI 6:12

Loem" jeung khyoo: yo" sen: da" tang" shi, go" pui" moo yoem: bain' sho' kaid' lho: gei lo" wigi apyaid' ato: da" kangso' ein: da" jhung: shug yo" yu sho' tang" we'. Khasu" wim ga: ri hau: kangso' dei nyid da" khyoo: moo nang ri mangsoo khe: yu da" uri nang gi sagsi: myo" sho' bang: da" shid' moo yhen: yu abye:.

2 TIMOTHI 1:13

Ngoo gi nang ri jhoug" byid: bye: deingmain" da" mungdang: ri nang cang loo" wa da" akhyoo: avoid bui" nhang: wigi geing" geing: zei: ci: lho: Yesu Khristu yo' dadeing: daloem: za: koid wigi kangso' dei nyid khyoo: moo loem" jeung" ziyo' jheddab da" nheigloem: ri geing: geing: dazei: ci: we'.

TITU 1:4

Loem" jeung" khug: moo nga" zoo: gyeing" nyang: nghoid nyid da" Titu jhang khyoo: ngoo he: mougsoug" ri lhid" foin: kaid. Phoo, Mangsoo yo' ngoonu" da" khyoid yu Aseing Yesu Khristu gi nang ri jeju" yo' ngei pyo: khyoo: byid: nyid baja o".

HEBRE 13:22

Mang: nhung" yi we"- he: da" yoem: byid: tid poin" tid kyeung" nyid da" mungdang: ri kham, zeung: ziyo' tam" gyo: yu wa shid' mo ngoo nanu" ri mho' sang: kaid. Khasu" wim gari ngoo nanu" jhang khyoo: lhid" kaid da" he" mougsoug" gi gye" sheung: zi anghoid.

HEBRE 6:9

Jheddab, bang: we"- ngoonu" hid: su" ein: da tid nyid nghoid loug we' nanu" yo' sen: lho: ngoonu" gi gye" myid loem, nyid nanu" gi hau: khyoid yu khyoo: yo' sen: lho: je" ge, da" khyoid yu khyoo: ri yo" yu ziri ngoonu" se' nyid bye.

1PETERU 5:12

Ngoo gi he: da" mougsoug" lhid" zoore"- Sila bo pang" byid: khyo" he: mougsoug" ri nanu" jhang khyoo: lhid" foin: kaid' sila gikyed da" Khristain mang nhung" dayug nghoid ein:- ngoo myid loem nyid. Nanu" ri yoem: byid: da" dang: tid wa ziyo' - nanu" shau" kham' zo: da" jeju" gi Mangsoo byid: da" jeju" gyeing" nyang: nghoid da" ziri sag si: kham' wa shid re" he: da" mougsoug" ri lhid" kaid. hau: jeju" moo geung: tung yab, jo, ge'.

2PETRU 1:1

Yesu Khristu da" join yo' lagyoo: nghoid su:- Ngoo Simun Petru gi Ngoonu" da" Mangsoo yo' khyoid yu da" Asing: Yesu Khristu da" deung byeung" khyoo: moo ngoonu" yhang: ti"- phoug" dab da" loem" jeung" khyoo: yo" yu bye: bang: jhang khyoo:- dang: pyeung: kaid.

2PETRU 2:21

Deung byeung" khyoo: ri bain se' yu lho: nyangnu" ri ab byid: too" bye- hau: gyeungshang: da" amyeung" mungdang: mo ve: gang: loo" wa tho' moo hau: khyoo: ri dajhi' we' asi loo: nyid rigi je ge nyid.

YUDA 1:1

Phoo, Mangsoo jheddab da" ziyo' Mangsoo khe: yu to" lho: Aseing Yesu lhoug zung" nyid mo, Mangsoo khe: yu shau" mo, dangain" bang: jhang khyoo:- Aseing Yesu da" dei zoo: yo' Yaku da" nya: no, Ngoo Yuda mo wigi-moug soug" lhid" foin: kaid'.

YUDA 1:17

Nhgoid sho' loug we' jheddab da" bidnoem yi we"- ngoonu" da" Aseing Yesu Khristu lagyoo: yi - shid' phyang" khasu" ga: tid too" khare" khyoo: ri myid' boin: nyid ge'.

YUDA 1:20

Nghoid loug we' bidnoem yi we"- nanu" gi nanu" nya: da" gye" yung" lho' gyeungshang: da" loem" jeung" khyoo; moo ayang: zug jo, lho: nanu" da" kangso' dei khyoo; ri gyi: sheung: loo nhang: ge'. Gyeungshang: da" venyi yoem: vhoo: ri nghe: khau: lho: akyu"- mho' nyid ge'.

Pang Shug 12:11

Ngoonu" da" mang nhung" yi gi yang nu" da" suid" mo we' nyang: nya: kho" kyo" da" deingmain" mungdang: yoomo we' satan: ri oung: pyam' bye. Xo, lho: wigi houg: bang: gi shid: kham jang" moo ju" sho' nyang: nya: da" kang: so' ri vhoo" abyid boem nghoid ago".

Pang Shug 2:10

Nang shau" kham, zoo: wa da" sho" jhen: jamjau shid re" agyug nyid. yu satan gi nanu" mo dayham" bang: ri thung: moo lhoung to" lho: jham" ca: yu da" sho" jhen: shen" yhen zi shau" goo" wa nghoid loug we' nheigloem: geung: zug jo, we' houg: lang" ngoo nang ri oung: lo" da" kangso' bidmug byid: wa nghoid.