YUDA 1:23 - Lacid Common Language Bible

²³ Dayham" ri myi: khyoem, mo xue: yu ge'. dayham" bang: rigi gyoug nheigloem: yo' nheig khyeug nheigloem: toin" shid' nyid ge'. Nghoid loug we' nyang: bang: vhoo: boo myo, no, da" moo" yo' aco' ajhoid da" byimi ri co, ngheung" nyid ge'.

YUDA 1:23 ပူးပေါင်းရင်းမြစ်များ

DANG: ZHOEM 7:8

Nyang: myiyi: myhi' dayug nyid da" yhoem: khyoo: jhoin: khyo" so" lid: lo" wigi

ESAIA 64:6

Ngoonu" dangain" gi yooboo yoo" bang: kyeing" bue" lid loo bye:. Ngoonu" ge thang da" avoid lo, moo" joem gi bain sho' aco' ajhoid nghoid da:. Ngoonu" da" yooboo yoomo ngoonu" gi lid wigi hau' tang" lo" da" seig fu' kyug yo' du da:.

NGOUG JI: 4:14

Nya: vhujhung: yigi fu" moo" khyoo: joem moo: myo, jed, bang: yhang: ti" nyid lam" yen" ago". Nyangnu" gi suid" yo' lhu" ci: boem yoomo dayug we' nyangnu" avoem" yhe: tain" nghoid ago".

XOIN" NGEI" 14:47

Hau: yhoem: khoug: moo: jhang" jo, anghoid lang" zoo: noem zo: da" hang" nghoid loug we' nya: byimi ri cid" pyam ca" wa zi nghoid.

XOIN" NGEI" 15:17

Myoug: yeing gyo" zang" da" byimi anghoid lang" shooyid yo' koid da" jonu" ce ja: nghoid nghoid cid" ca" wa zi nghoid lho: hau: zigi myen" thang: ju" sho' ayung" alho' nghoid da:.

AMO 4:11

Ngoo gi Sodom yo' Gomora voo ri phyo' shoin' pyam yhang: ti" nanu" mo deung nyid mo, gi myikhyoem mo she: thu to" da" myi: zoo" toem' te" zi danghoid lo ago". Nghoid loug we' nanu" gi nga" jhang khyoo: adoem tau" loo shi" nghoid ago» ga: Aseing tid nyid.

Roma 11:14

Ngoo gi ngoonu" byumyu" yi ri no" zo: da" byu nheigloem: ri kaid' byid khyo" hau bang: khoug: mo dayham" gi khyoid' yu khyoo: yo" shau" yu boem wa.

1Korinthians 15:33

Nanu gi khyoo: avhang: goo" age da" luzoem" cang" yi: ge da" asam" aved' ri lhu: phyo' pyam byid: nyid.

1Korinthians 3:15

Nghoid loug we' byu dayug yug da" moozoo" nge" joem: lo" nghoid rigi- nyang: soem" lo" byug wa nghoid. Nghoid loug we' myi: gyi mo yo" xue: yu yhang: ti" nya: gung du: za: khyoid yu zi shoug" wa.

2~KORINTHU 5:11

Ngoonu" gi hau: Aseing: ri gyoug phau" ein: zigi ce: noem nghoid ziri se' boem yoomo byu gootu: bang" ri yo" mhoid" yu wa shid' re" yoem: kaid thoug shang" nyid boem. Mangsoo gi ngoonu" da" khyoo: ri jid" jid" nug nug se' nyid. Nanu" we' nanu" nya: da" nheigloem: khoug: moo nga" da" khyoo: ri goo" lhoo: se' nyid boem bye: ein: wigi ngoo nheig byu nyid.

2 THESALONI 3:14

He: d a" mougsoug" moo nanu" jhang khyoo:- ngoonu" lhid" foin: kaid' da" mungdang: ri atam" gyo: d" byu dayug yug nyid nghoid rigi nyang: ri xoem" to" lho: nyang: sho' thu' byug baja"- nyang: yo' azoem" goo" loo: goo.

1 TIMOTHI 4:16

Nanya: gung ri we' re" da" jhoug" myeing" jhoug" thui: ri we' lhed zed" zoore" goin, coung: nyid we' nang gi he: d a" khyoo: joem ri d acang zei: nyid we' Khasu" wim gari hougsu" koid nyid nghoid rigi nanya: da" gung du: ri we' nang kho" da" mungdang: ri shaug" gyoo: mo, ri we' yo" khyoid yu wa zi nghoid.

2 Yohan 1:11

Khasu' wimgari houg; su" being" lhoem: si' su hang" nghoid loug nyang: koid da" age khyoo: moo bo vang loem' su: nghoid nyid.

YUDA 1:22

Loem gyam khau: gyam; nyid mo, ri nheig khyeug nheigloem: toin" shid' nyid ge'.

Pang Shug 3:18

Houg: su" nghoid yoomo nang gi yo" loo de, loo wa shid re" sheing: gyeing" ri nga" jang" mo qei yu wa shid mo ngoo phajhi" byid - hau: tho' mo gootu: asho, ashid: da" shoo" cen: doem: moo goo wa shid re" yo' Nanyang: void wa shid re" phyu: gyeung" da" byimi ri nghoid loug we' nga" jang" mo qei yu we'.

Pang Shug 3:4

Nghoid loug we' Sardi voo moo nyang: nya: byimi moo aco' ajhloid alhu: lhu" ci: mo, dajhi' nyid houg: bang: gi moin: yi" mo, nghoid yoomo Byimi phyu: joem ri void ci: lho: ngoo yo' dage" shau" so" yen" boem wa.