YOSHU 3:3 - Lacid Common Language Bible

³ Byumyu" yiri «Nanu" Aseing Mangso da" Dang: Theing Kuid: ri khainjung yi vu, ci: ziri myang lang" dab ri phyo' wigi nyangnu" thang: moo: cang wa zi nghoid.

YOSHU 3:3 ပူးပေါင်းရင်းမြစ်များ

2 SAMUELA 6:13

Dang: Theing Kuid: vu, bang: khyug byi ce" thang: ri David gi Aseing ri nuloo: dadu: yo' xu: da" nunu" dadu: ri xoin" ngei" wa shid re" nyangnu" ri toem' too" bye:.

2 SAMUELA 6:3

Nyangnu" hau: ziri bouggung mo Abinadab da" yhoem: mo yu wigi rheing" aseig moo hau: ziri ke" to" ago". Abinadab da" nya: zoo: Uza yo' Ahio gi rheing" koin" lho:

1 KHOKHAM 8:3

Vhujhung: yi dangain" zeing: lang" Dang: Theing Kuid: ri khainjung yi vu, wigi

YEREMIA 33:18

ngoo ri dei byid: wa shid re" yo' nghe' ngei" xoin" joem shivoo: xoin" joem to' byid: xoin" joem ri ngei" byid: wa shid re" Levi kung: mo khainjung dayug khanham we' nyid loo wa ein: ziri ngoo Aseing dangsoo" byid: to" bye:» ga: tid.

GYUNG: SOO" 10:33

Byumyu" yigi gyeung" shang: da" Sina Boem mo thu lo" wigi nyangnu" gi soem" nyid" so" yhe: lo" ago". Nyangnu" theing: wa da" joyoo ri myang wa shid re" Aseing da" Dang: Theing Kuid: ri khanham we' nyangnu" shid vhu" moo: yhe: lo" ca" da:.

GYUNG: SOO" 4:15

Dab phyo' yo, ju" lang" Arun yo' nya: zoo: yigi hau: joem ri yo' nyangnu" jonu" joem dangain" ri bain nghoeb pyam thang: ri Kohad byumyu" kung: gi re" wigi hau: gyeung" shang: zi joem ri vu, wa zi nghoid. Kohad byumyu" kung: mo bang: gi hau: younglho' zi joem ri age tain" nghoid agoo". Tain" lang" nyangnu" shid: boem wa zi nghoid. He: joem gi zoem" shu" khang" moo" Kohad byumyu" kung: yi koid wa da" yoovoin joem nghoid da:.

MATHE 16:24

Hau: thang: ri Yesu gi «Nga" cangzoo: bui" noug su: hang" nghoid loug nyang: nya: da" gung ri ngeig pyam lho: nyang: nya: da" pyang" zeing ri vu, ci: lho: nga" thang: moo cang ca"» ga: nya: cangzoo: yi ri tid.

MATHE 8:19

Tarha" sara: dayug ju" re" wigi «sara: we" nang ju" da" joyoo khang" moo" moo ngoo we' cang loo wa» ga: re" tid.

TARHA" TID POIN" 31:25

Nyang: bain lhid" lang" nyang: gi Aseing da" Dang: Theing Kuid: ri yoovoin yu lhoug zung" da" Levi khainjung yiri.

TARHA" TID POIN" 31:9

Houg: lho: Moshe gi Mangso da" tarha" ri lhid" wigi Aseing da" Dang: Theing Kuid: ri yu" zung" wa yoovoin bo da" Levi khainjung yi yo' Israela vhujhung: yiri byid: da:.

YOSHU 3:4

Nanu" hid: moo: khanham we' aju" yu" goo" nghoid yoomo nanu" yhe: loo" wa da" khyo: ri nyangnu" toin" shid byid: wa zi nghoid. Nghoid loug we' Dang: Theing Kuid: khyoo: atab yhi: goo". Hougmo zi khyoo: main: agung dayi" kyo: wigi nyid boem ge'» ga: tid.

YOSHU 3:6

Hau: thang: nyang: gi Khainjung yiri Dang: Theing Kuid: ri koid: vu, wigi houg: yo' dage" byumyu" yi da" shid khyoo: yhe: loo" wa shid re" tid da:. Nyangnu" we' nyang: tid ziyo' dakhyoo" ti" koid bye:.

YOSHU 3:8

Dang: Theing Kuid: vu, da" khainjung yiri nyangnu" gyid lang khyoo: ju" yhi: lang" nyangnu" gyid yam moo: yhe: neig wigi yab jo, ca" wa zi nghoid» ga: tid da:.

YOSHU 4:10

Khainjung yigi byumyu" yi koid wa shid re" Aseing wigi Yoshu ri amyeing" byid: da" gu: ja: khang" moo" bain koid sho' Yodan gyid lang gung moo: yab jo, ago". He: zigi Moshe byid: da" amyeing" dang: nghoid. Byumyu" yigi gyid lang ri hain: hain: gu: dab ago".

YOSHU 6:6

Yoshu gi khainjung yiri khe: yu wigi nyangnu" ri «Hau: Dang: Theing Kuid: ri vu ge'. Houg: lho: nanu" mo nyhed yug gi hau: shid vhu" moo: laboo" joem ci: wigi yhe: loo" ge'» ga: tid da:.

Pang Shug 14:4

Houg: bang: gi myi: yi: yi yo' gung shoo" zoem" go" khyoo: akoid loo: sho' nyang: nya: gung ri zeung: kham' nyid mo, zoolu: gyeing" yi zheung: nghoid wigi yang nu" yhe: lo" da" joyoo khang" moo khyoo: yo" bo cang yhi: mo, nghoid- nyangnu" gideung nyid da" xang: su" byu yi dangain" khoug: mo khyen: khyoid yu zi shau" mo, nghoid boem yoomo Phoo, Mangsoo yo' yang nu" shid re" xang: shed" xoin" ngei" byid: zi shau" mo, nghoid ago".

1 SAMUELA 6:15

Levi byu yigi Aseing da" Dang: Theing Kuid: yo' sheing: soolhoo: joem bo da" Kuid: joem ri dang yu wigi lug moo" zeing atho' moo ke" to" ago". hau: thang: ri Bed Sheme voobyu yi we' Aseing ri myinghi xoin" yo' gootu: da" xoin" ri ngei" byid: boem ago".