YOSHU 22:4 - Lacid Common Language Bible

⁴ Akhid" nyang: dangsoo" byid: to" ziyo' dakhyo" nanu" Aseing Mangsoo gi nanu" da" Israela mang: nhung" yiri ngei pyoo: yug yo' zi byid: too" bye:. Houg: yoomo Aseing da" dei zoo: Moshe wigi nanu" ri byid: bye: da" Yodan gyid lang bidthu shoid mo nanu" nya: mougmyid ga: tid seing: yu da" yhoem: moug: khyoo: doem loo" loo: ge'.

YOSHU 22:4 ပူးပေါင်းရင်းမြစ်များ

1 KHOKHAM MHOOMYID: 22:18

Nyang: gi «Nanu" Aseing Mangsoo gi nanu" yo' dage" nghoid wigi ja: khang" moo" moo nanu" ri yug yo myenjham" khyoo: byid: nyid. Nyang: gi ngoo ri he: mougmyid moo lhung nyid boem da" byumyu" yi dangain" ri oung: pyam nhang: wigi akhid" houg: bang: gi nanu" yo' Aseing da" byu yi bue" nyid boem.

THU' LO" MOUGSOUG" 33:14

Aseing gi «Ngoo nang yo' dage'' yhi: wa zi nghoid wigi nang ri oungdoid khyoo: byid: wa ga: tid.

GYUNG: SOO" 32:18

Gootu: Israela byu yi dangain" mo, nyangnu" ri kho' byid: da" mougmyid ri yo" seing: yu da" ayo, ju" sho' ngoonu" gi ngoonu" da" yhoem: khyoo: aphang: wa.

TARHA" TID POIN" 12:9

Ciwim gari nanu" myenjham" tung" yo" nyid wa joyoo nanu" Aseing Mangsoo nanu" ri byid: wa nghoid da" mungdain: khyoo: nanu" ayo" vang yhi: shi" yoomo nghoid da:.

TARHA" TID POIN" 29:8

Nya: tang: da" mung" ri yu pyam wigi hau: ziri Ruben- Gad yo' Manashe kung agung dayi" kho' gam byid: bye:.

TARHA" TID POIN" 3:20

Aseing gi he: joyoo mo nanu" shid re" koid bye: ziyo' dakhyo" Aseing wigi gootu: Israela byumyu" yiri byid: wa nghoid da" Yodan gyid lang bidvang shoid mougmyid ri yo" seing: yu lho: yug yoo tung" nyid nhang: da" ayo, ju" sho' pang" thoug we'. Hau: thang: nanu" gi nanu" shid re" ngoo byid: da" he: mougmyid khyoo: doem tau" loo wa zi nghoid› ein: pyeing: bye:.

HEBRE 4:8

Mangsoo dang: soo" to" da" doug no: khyoo: gi Yoshu gi gootu: byumyu" yi ri bain byid: bye: nghoid rigi bidnyid gootu: danyid" khyoo:- Mangsoo gi thang: ri doem tid loo wa zi anghoid.

YOSHU 12:6

He: khokham eig yug gi Moshe yo' Israela byumyu" yi wigi khaid zain: oung: pyam zi shau" ago". Aseing da" dei zoo Moshe gi nya: tang: da" moug: ri nyangnu" jonu" khyo" Ruben- Gad byumyu" yo' Manashe byumyu" agung dayi" bang: ri byid: bye:.

YOSHU 13:15

Moshe gi nyangnu" da" jonu" khyo" seing: yu wa shid re" mougmyid da joyoo ri Ruben kung: mo yhoemkhung: bang: ri byid: to" da:.

YOSHU 13:8

Ruben- Gad yo' Manashe byumyu" agung dayi" bang: gi Aseing da" dei zoo: Moshe wigi byid: too" bye: yoomo mougmyid yoo" gu nghoid abye: go". Hau: zigi: Yodan gyid lang bidthu shoid mo nghoid da:.

YOSHU 22:3

Nanu" gi ayo, akhyeing: dangain" moo nanu" da" Israela mang: nhung" yiri khanham we' ashe: pyam too" nghoid ago". Nanu" gi nanu" da" Aseing Mangso amyeing" dang: joem ri nyeing" za: tam" gyo: cang yhi: bye:.