YOSHU 17:1 - Lacid Common Language Bible

¹ Yodan gyid lang bidvang shoid mung" dadu ri Yoseb da" zooshid" yuggi zoo: Manashe da" amyed ashen yi dayham" ri kho' gam byid: da:. Yodan gyid lang bidthu shoid mo Gilead yo' Bashan mougmyid ri Makhira yhoemkhung: ri byid: da:. Ciwim gari: nyang: gi gyi khaid sarhi' nghoid da:. Makhira gi Manashe da" zooshid" yuggi zoo: nghoid wigi nyang: gi Gilead da" nya: phoo nghoid da:.

YOSHU 17:1 ပူးပေါင်းရင်းမြစ်များ

APOEM AYANG: 41:51

Nyang: Mangso ri «Mangsoo gi nga" da" phu" zo: khyoo: joem yo' nga" pho yhoem: byu yi dangain" ri to" myid pyam nhang: bye:» ga: tid wigi nya: zoo: mang: zeing yug ri Manashe ga: myeing myheing.

APOEM AYANG: 41:52

Nyang: gi «Mangsoo gi ngoo kyi" khyeug shau" nyid da" moug: moo ngoo ri zooshang: byid: bye:» ga: wigi nya: zoo: laid yug ri Ephrim ga: myeing byid: da:.

APOEM AYANG: 46:20

Egutu mung" moo Yoseb gi Heliopoli mo da" khainjung Photiphera da" nya: zoo: Asenad da" ung: khyo" Manashe yo' Ephrim zooshang: eig yug ri yoo" bye:.

APOEM AYANG: 48:17

Yoseb gi nya: pho da" lo, yo lo, gi Ephrim da" vhuloem moo ke" to" ziri nyang: myang lang" amyen akhyoid bui" bye:. Houg: yoomo nyang: gi Ephrim vhuloem tho' mo nya: pho lo, ri yu lho: Manashe da" vhuloem tho' khyoo: shu" ke" kaid.

APOEM AYANG: 48:18

Nyang: gi nya: phoo ri «Nga" ba" we" houg: khyo" anghoid. He: yug gi mang: moo" nghoid- re" lo, yo lo, nya: vhuloem tho' moo ki" wa» ga: tid.

APOEM AYANG: 50:23

Nyang: gi Ephrim da" nya: zoo: yi yo' nya: myid: zoo: yiri myang sho' nyid nyid kho'. Nyang: gi Manashe da" nya: zoo: Makhira zooshang: yoo" sho' nyid nyid.

2 SAMUELA 2:9

Hougmoo Abna gi Ishboshed ri Gilead mung"- Ashera mung"- Yezrela mung"- Ephrim da" mung"- Benyamin da" mung" yo' Israela mung" dangain" da" khokham koid nhang: bye:.

1 KHOKHAM MHOOMYID: 2:23

Nghoid loug we' Geshura yo' Aram mungdain: gi Yaira yo' Kenad da" voogung joem bo bo wigi houg mo voogung khyug xi: yo' hau: voogung joem aqei ayam ri oung: pyam ago". Houg moo: nyid boem da" byu yi dangain" gi Gilead da" nya: phoo Makhira da" amyed ashen yi nghoid ago".

EZEKIEL 47:13

Yoem: moo" bo Aseing tid. He: zigi Israela byumyu" kung: daxe: eig kung: ri kho' gam byid: wa da" mougkyoo" joem nghoid. Yoseb kung: bang: ri gooji byumyu" tho' eig tu' je myo: yoo" nhang: wa.

GYUNG: SOO" 26:29

Manashe byumyu" kung: Manashe da" nya: yuggi zoo: Makura gi Gilead da" nya: phoo nghoid lho: he: vhoo: mo akung: ako' yi da" phoug" phyid" gi Gilead nghoid.

GYUNG: SOO" 27:1

Mala- Noa- Hogla- Mikha yo' Tirza bang: gi Zelophehad da" myiyi: zoo: yi nghoid ago". Zelophehad gi Hephera da" yuggi zoo:- Hephera gi Gilead da" yuggi zoo:- Gilead gi Makhira da" yuggi zoo:- Makhira gi Manashe da yuggi zoo:- Manashe gi Yoseb da" yuggi zoo: nghoid.

GYUNG: SOO" 32:33

Houg: yoomo Moshe gi Gad yo' Ruben kung: yi yo' Manashe kung: agung dayi" ri Amori khokham Sihon da" mougmyid dangain" yo' Bashan khokham Oga da" mougmyid mo voogung joem yo' hau: aqei ayam mo siyoo voogung joem bo bo wigi joyoo gam kho' byid: da:.

TARHA" TID POIN" 21:17

Nyang: gi nya: da" zooshid ri nyang: je ngei da" nya: yhoem: seing: myhi' da" yuggi zoo: anghoid loug we' gamboem eig zhang byid: ca" da:. Yuggi dayug gi nya: zooshid" yuggi zoo: ri asoo" too" byid: wigi tarha" khyo" nyang: yo" yu eung: da" gamboem ri byid: ca" da:.

YOSHU 17:2

Yodan gyid lang bidvang shoid mougmyid ri gi deing da" Manashe byumyu" yhoemkhung: yiri gam byid da:. Houg: bang: gi Abieza- Heleg- Asriela- Shekhem- Hephera yo' Shemida bang: nghoid. Hid: bang: gi Yoseb da" yuggi zoo: Manashe da" amyed ashen yuggi zoo: yi nghoid. Nyangnu" gi yhoemkhung: vhujhung: yi nghoid.

TARHA" AGYI 5:14

Nyangnu" gi Ephrim mo zi janggyoin: khyoo: ju" re" ago". Benyamin kung: yo' hau: byumyu" yi nungthang moo nghoid da:. Gyi zoug: moo" yigi Makhira mo gyoo" lo da:. Gyizoug: yigi Zebulun- mo gyoo" lo da:.