YOSHU 13:3 - Lacid Common Language Bible

³ Mougpyi: shoid Avim mougmyid dangain" (Egutu mung" mougkyoo" Shihora gyid zoo: lang mo zi mougzhung: shoid Ekron mougkyoo" ju sho' gi Khanan byumyu" yi da" mung" ga: myid to" boem da:. Gaza- Ashdod- Ashkelon- Gad- Ekron moo: nyid boem da" Philisti khokham yi bo bo ago".)

YOSHU 13:3 ပူးပေါင်းရင်းမြစ်များ

APOEM AYANG: 10:6

Ham da" nya: zoo yigi Khusha- Egutu- Libya yo' Khanan bang: nghoid lho: nyang: kung: nya: myeing" yo" da" byumyu" phoug" phyid" yi bue" lo boem.

APOEM AYANG: 15:18

Hau: ayo, moo Aseing gi Abram yo' thang" cab dang: theing too" bye:. Nyang: gi «Ngoo gi re" da" amyed ashen yiri Egutu mung" mougkyoo" mo Uphrad gyid lang moo ju" sho' he: mougmyid dangain" byid: bye: khyoo: dang: soo" byid: bye:.

1 KHOKHAM 8:65

Noku yhoem: moo Sholumon yo' Israela byumyu" yi dangain" bang: gi nyhed nyid" nyang: zoem" pui" koid ago". Houg moo: mougzhung: shoid Hemad mougkyoo" mo zi mougpyi: shoid Egutu mung" mougkyoo" ju" sho' mo da" byumyu" phung: moo" zeing re" ju" zeing: foem: boem ago".

1 KHOKHAM MHOOMYID: 13:5

Houg: yoomo David khokham gi Dang: Theing Kuid: ri Kiriad Yearim mo Yerusalem khyoo: thoid dang yu wa shid re" mougpyi: shoid Egutu mung" mougkyoo" mo zi mougzhung: shoid Hamad boem koo' lhang moo: ju" sho' mo Israela byumyu" yi dangain" khe: zheing" yu da:.

ESAIA 23:3

Nanu" gi Egutu mung" mo sho" da" shivoo: ri qei yu wa yo' oung: wa byu yiri panglai: khyoo: gu: nhang: kaid lho: byumyu" dangain" yo' phaga: ga: wa shid re" nhang: kaid ago".

YEREMIA 2:18

Nang gi Nila gyid lang mo gyid shug wa shid re" Egutu khyoo: yhe: ri ciyo" yu wa ein: myid la". Nang gi Uphrad gyid lang mo gyid shug wa shid re" Asuri khyoo: yhe: ri ciyo" yu wa ein: myid la".

TARHA" TID POIN" 2:23

Meing: gung panglai: gyid yam cang wigi Kreti gagyoo: kang mo byu yi de: nyid boem ago". Nyangnu" gi nyid xoug" yi nghoid da" Avim byu yiri said toem" pyam lho: mougpyi: shoid mo Gaza voomoo" ju" sho' da" mougmyid ri yu pyam ago".

YOSHU 13:13

Nghoid loug we' Israela byumyu" yigi Gashuri yo' Makhathi byumyu" yiri akhaid thu pyam nghoid ago". Nyangnu" gi Israela mung" moo: nyid nyid boem ashi".

TARHA" AGYI 16:5

Philisti khokham wim: yug gi hau: myiyi: myhi' jhang yhe: lho: «Nyang: ciwim yoem: houg: yhi' bo da" khyoo: ngoonu" nyang: ri khasu" yo" oung: pyam wa khyoo: nyang: ri khasu" yo" tei" wa khyoo: yoem: neing: sho' khasu" yo" koid wa khyoo: nyang: nang ri tid kyoo" sho' mhid" myid: we'. Ngoonu" yugkhang" moo" wigi nang ri ngei dakhyeing" dashoo: pyi" pyi" byid: wa» ga: tid ago".

TARHA" AGYI 3:3

Hau: mungdain: moo nyid deing jo, da" bang: gi Philisti voomoo" wim: loem:- Khanan byu yi dangain"- Sidon byu yi yo' Bala Hermon boem mo Hamad boem gyoo: moo ju" sho' nyid boem da" Lebanon boem mo Hivi byu yi nghoid ago".

1 SAMUELA 5:1

Philisti byumyu" yigi hau: Dang: Theing Kuid: ri shoug" lhoid yu lo" thang: ri hau: ziri Ebeneza mo zi nyangnu" da" voomoo" Ashdod khyoo: ci: lo" ago".

1 SAMUELA 5:10

Hougsu" nghoid yoomo nyangnu" gi gootu: Philisti voogung nghoid da" Ekron voogung khyoo: hau: Dang: Theing Kuid: ri byid: kaid ago". Nghoid loug we' Kuid: gi houg: moo ju" lo" da" uri byumyu" yigi «Ngoonu" ri said pyam wa ga: Israela byumyu" yi da" Mangso Dang: Theing Kuid: ri nyangnu" hid: khyoo: ci: ri goo" nhung:» ga: yoid ngau nyid ago".

1 SAMUELA 5:8

Hougsu" nghoid yoomo nyangnu" gi lagyoo: yiri nhang: kaid wigi «Philisti khokham wim yug ri khe: zheung" to" lho: nyangnu" ri Israela byumyu" yi da" Mangso Dang: Theing Kuid: ri nyhang" khasu" koid wa lha"» ga: myid: go" nyid. Nyangnu" gi «Hau: ziri Gad voogung moo yhe: too" ge'» ga: tid kaid lang" nyangnu" we' hau: ziri Philisti yi da" voogung daloem: nghoid da" Gad voogung moo yhe: to" too" bye:.

1 SAMUELA 6:4

Byumyu" yigi nyang: ri «Ngoonu" ce" noem jhungshug foin: wa lha"» ga: myid:. Nyangnu" gi «Sheing: yo' koid da" shoo" pu' shoo" cab lhoo: wim: loem:- sheing: gyu, wim: du: hau: joem mo daloem: loem: gi Philisti khokham dangain" bang: shid re" nghoid wa zi nghoid. Nanu" dangain" yo' khokham wim yug da" atho' moo nhang: kaid da" vhu" thung" yoem" gi daja: za: danghoid nyid da:.